ಬಾಲಿವುಡ್‌ ನ ಕ್ಯೂಟ್‌ ಹೀರೋ ಶಾಹಿದ್ ಕಪೂರ್ ಅಭಿನಯದ ‘ಜೆರ್ಸಿ’ ಚಿತ್ರ ಬಿಡುಗಡೆ ಮುಂದಕ್ಕೆ ಹೋಗಿದೆ. ಇದಕ್ಕೆ ಕಾರಣ ಯಶ್‌ ಅಭಿನಯದ ಕೆಜಿಎಫ್-2 ಸಿನೆಮಾ. ಜೆರ್ಸಿ ಚಿತ್ರ ಏಪ್ರಿಲ್ 14 ರಂದು ಬಿಡುಗಡೆಯಾಗಬೇಕಿತ್ತು. ಆದ್ರೆ ಅದೇ ದಿನ ‘ಕೆಜಿಎಫ್ ಚಾಪ್ಟರ್ 2’ ಚಿತ್ರವೂ ರಿಲೀಸ್ ಆಗ್ತಿದೆ.
ಯಶ್‌ ಅಭಿನಯದ ಕೆಜಿಎಫ್ ಮೊದಲ ಆವೃತ್ತಿ ಸೂಪರ್‌ ಹಿಟ್‌ ಆಗಿತ್ತು. ಕೆಜಿಎಫ್ ಚಾಪ್ಟರ್ 2 ಕೂಡ ಪ್ರೇಕ್ಷಕರಿಗೆ ಮೋಡಿ ಮಾಡೋದು ಬಹುತೇಕ ಖಚಿತವಾಗಿದೆ. ಅಷ್ಟೇ ಅಲ್ಲ ‘ಕೆಜಿಎಫ್ ಚಾಪ್ಟರ್ 2’ ಮುಂಗಡ ಬುಕಿಂಗ್ ಕೂಡ ಗುರುವಾರವೇ ಆರಂಭವಾಗಿದ್ದು, ಬಹುತೇಕ ಥಿಯೇಟರ್‌ ಗಳು ಹೌಸ್‌ ಫುಲ್‌ ಆಗಿವೆ. ಪುಣೆ, ಸೂರತ್, ಅಹಮದಾಬಾದ್, ಕೋಲ್ಕತ್ತಾ, ಜೈಪುರ ಮತ್ತು ಲಕ್ನೋದಂತಹ ನಗರಗಳಲ್ಲಿ ಕೂಡ ಈಗಾಗ್ಲೇ ಮುಂಗಡ ಬುಕ್ಕಿಂಗ್‌ ಫುಲ್‌ ಆಗಿದೆ.
ಹಾಗಾಗಿ ಏಪ್ರಿಲ್ 14ರಂದು ರಿಲೀಸ್ ಮಾಡಿದ್ರೆ ಕೆಜಿಎಫ್ ಎದುರು ಜೆರ್ಸಿ ಚಿತ್ರ ಮಂಕಾಗಬಹುದು ಅನ್ನೋ ಆತಂಕ ಚಿತ್ರತಂಡಕ್ಕಿದೆ. ಇದೇ ಕಾರಣಕ್ಕೆ ಚಿತ್ರ ಬಿಡುಗಡೆಯನ್ನು ಮುಂದೂಡಲಾಗಿದೆ. ಶಾಹಿದ್ ಕಪೂರ್ ಮತ್ತು ಮೃಣಾಲ್ ಠಾಕೂರ್ ಅಭಿನಯದ ‘ಜೆರ್ಸಿ’ ಚಿತ್ರ ಏಪ್ರಿಲ್ 22 ರಂದು ಬಿಡುಗಡೆಯಾಗಲಿದೆ. ಈ ಚಿತ್ರವನ್ನು ಗೌತಮ್ ತಿನ್ನನೂರಿ ನಿರ್ದೇಶಿಸಿದ್ದಾರೆ.
ವಾಸ್ತವವಾಗಿ, ‘ಜೆರ್ಸಿ’ ಚಿತ್ರದ ಬಿಡುಗಡೆ ದಿನಾಂಕ ವಿಸ್ತರಣೆಯಾಗಿರೋದು ಇದೇ ಮೊದಲೇನಲ್ಲ. 2021ರ ಡಿಸೆಂಬರ್ 31ಕ್ಕೆ ಚಿತ್ರವನ್ನು ರಿಲೀಸ್ ಮಾಡಲು ನಿರ್ಧರಿಸಲಾಗಿತ್ತು. ಆದರೆ ಆ ಸಮಯದಲ್ಲಿ Omicron ವೈರಸ್‌ ಭೀತಿ ಹೆಚ್ಚಾಗಿದ್ದಿದ್ದರಿಂದ ಚಿತ್ರದ ಬಿಡುಗಡೆ ದಿನಾಂಕವನ್ನು ವಿಸ್ತರಿಸಲಾಯಿತು.
Loading ...