ರಸ್ತೆಯಲ್ಲಿ ಚಲಿಸುವ ವಾಹನಗಳಂತೆ ವಿಮಾನಗಳು ಟ್ರಾಫಿಕ್ ಜಾಮ್‌ಗಳನ್ನು ಎದುರಿಸುವುದಿಲ್ಲವಾದ್ದರಿಂದ, ಅವುಗಳಿಗೆ ಹಾರ್ನ್ ಅಗತ್ಯವಿಲ್ಲ ಎಂಬುದಾಗಿ ನೀವು ಭಾವಿಸಿರಬಹುದು. ಆದರೆ ಕಾರು, ಬೈಕು, ಬಸ್ ಮುಂತಾದ ವಾಹನಗಳಂತೆ ವಿಮಾನಗಳಿಗೂ ಕೂಡ ಹಾರ್ನ್ ಗಳಿವೆ ಎಂಬುದು ನಿಮಗೆ ತಿಳಿದಿದೆಯೇ..?
ಹೌದು, ಪೈಲಟ್‌ಗಳು ಮುಖ್ಯವಾಗಿ ಎಂಜಿನಿಯರ್‌ನ ಗಮನವನ್ನು ಸೆಳೆಯಲು ಹಾರ್ನ್ ಅನ್ನು ಬಳಸುತ್ತಾರೆ. ಆದ್ದರಿಂದ ಅವರು ಹೆಡ್‌ಸೆಟ್ ಧರಿಸುವ ಮೂಲಕ ಇಂಟರ್‌ಕಾಮ್‌ನಲ್ಲಿ ಮಾತನಾಡಬಹುದು. ಹಾರಾಟದ ಸಮಯದಲ್ಲಿ ಇತರ ವಿಮಾನಗಳನ್ನು ಎಚ್ಚರಿಸಲು ಹಾರ್ನ್‌ಗಳನ್ನು ಬಳಸದಿದ್ದರೂ, ವಿಮಾನವು ಹ್ಯಾಂಗರ್‌ನಲ್ಲಿರುವಾಗ ಅಥವಾ ನಿರ್ವಹಣೆಗೆ ಒಳಗಾಗುವಾಗ ಅವು ಅಮೂಲ್ಯವಾದ ಸಂವಹನ ಸಾಧನವಾಗಿದೆ. ಕಾಕ್‌ಪಿಟ್‌ನಲ್ಲಿ ನಿರ್ವಹಣೆ/ದುರಸ್ತಿ ಕೆಲಸವನ್ನು ನಿರ್ವಹಿಸುವಾಗ ಸಿಬ್ಬಂದಿ ಜೊತೆ ಸಂವಹನ ನಡೆಸಲು ಹಾರ್ನ್ ಅನ್ನು ಬಳಸಲಾಗುತ್ತದೆ.
ವಿಮಾನದ ಹಾರ್ನ್‌ನ ಶಬ್ಧವು ಕಾರಿನ ಹಾರ್ನ್‌ಗಿಂತ ತುಸು ಹೆಚ್ಚು ಪ್ರಮಾಣದ ಶಬ್ಧ ಹೊರಹೊಮ್ಮುತ್ತದೆ. ಕೆಎಲ್ಎಮ್ ಏರ್‌ಲೈನ್ಸ್‌ನಿಂದ ವಿಮಾನದ ಹಾರ್ನ್ ಅನ್ನು ರೆಕಾರ್ಡ್ ಮಾಡಿ ವಿಡಿಯೋವಾಗಿ ಪೋಸ್ಟ್ ಮಾಡಲಾಗಿದೆ. ಕೆಎಲ್ಎಮ್ ಏರ್‌ಲೈನ್ಸ್ ಪ್ರಕಾರ, ಕಾರ್ ಹಾರ್ನ್‌ಗಳನ್ನು ಮುಖ್ಯವಾಗಿ ಎಚ್ಚರಿಕೆಯ ಸಾಧನಗಳಾಗಿ ಬಳಸಲಾಗುತ್ತದೆ. ವಿಮಾನದ ಹಾರ್ನ್‌ಗಳು ಪ್ರಾಥಮಿಕವಾಗಿ ವಿಮಾನ ನಿರ್ವಹಣೆಯ ಸಮಯದಲ್ಲಿ ಬಳಸುವ ಪ್ರಾಯೋಗಿಕ ಸಾಧನಗಳಾಗಿವೆ. ಸಿಸ್ಟಮ್ ಅಸಮರ್ಪಕವಾಗಿ ಕಾರ್ಯನಿರ್ವಹಿಸಿದಾಗ ಅಥವಾ ಬೆಂಕಿ ಉಂಟಾದಾಗ ಇಂಜಿನಿಯರ್‌ಗಳಿಗೆ ಎಚ್ಚರಿಕೆ ನೀಡಲು ಇದು ಸಂಕೇತಗಳನ್ನು ಹೊರಸೂಸುತ್ತದೆ.
ವಿಮಾನದಲ್ಲಿದ್ದಾಗ ಸಿಗ್ನಲಿಂಗ್ ವ್ಯವಸ್ಥೆಯು ಆಫ್ ಆಗಿರುವುದರಿಂದ ವಿಮಾನದ ಹಾರ್ನ್ ಕಾರ್ಯ ನಿರ್ವಹಿಸುತ್ತಿಲ್ಲ ಎಂದು ಕೆಎಲ್ಎಂ ಮಾಹಿತಿ ನೀಡಿದೆ.
Loading ...