ಓಮಿಕ್ರಾನ್ ಲಘುವಾಗಿ ಪರಿಗಣಿಸುವವರಿಗೆ ಎಚ್ಚರಿಕೆಯ ಸಂದೇಶ ನೀಡಿದ ವಿಶ್ವ ಆರೋಗ್ಯ ಸಂಸ್ಥೆ

ಕೊರೊನಾ ವೈರಸ್​ನ ಓಮಿಕ್ರಾನ್​ ರೂಪಾಂತರಿಯ ಬಗ್ಗೆ ವಿಶ್ವ ಆರೋಗ್ಯ ಸಂಸ್ಥೆಯು ಜನತೆಗೆ ಎಚ್ಚರಿಕೆಯ ಸಂದೇಶವನ್ನು ರವಾನಿಸಿದೆ.

ಓಮಿಕ್ರಾನ್​ ಕೊರೊನಾ ವೈರಸ್​​ನ ಕೊನೆಯ ರೂಪಾಂತರಿಯಾಗಿದೆ ಹಾಗೂ ಕೊರೊನಾ ವೈರಸ್​​​ ಓಮಿಕ್ರಾನ್​ನೊಂದಿಗೆ ಕೊನೆಯಾಗುತ್ತದೆ ಎಂದು ಊಹಿಸುವುದು ಅತ್ಯಂತ ಅಪಾಯಕಾರಿಯಾಗಿದೆ ಎಂದು ವಿಶ್ವಸಂಸ್ಥೆಯು ಎಚ್ಚರಿಕೆ ನೀಡಿದೆ. ಓಮಿಕ್ರಾನ್​ ಪ್ರಪಂಚದ 171 ದೇಶದಲ್ಲಿ ವರದಿಯಾದ ಬಳಿಕ ವಿಶ್ವ ಸಂಸ್ಥೆಯು ಈ ಹೇಳಿಕೆಯನ್ನು ನೀಡಿದೆ.

ಓಮಿಕ್ರಾನ್​ ರೂಪಾಂತರಿಯು ಜಾಗತಿಕ ಮಟ್ಟದಲ್ಲಿ ಡೆಲ್ಟಾ ಜಾಗವನ್ನು ಆಕ್ರಮಿಸುತ್ತಿದೆ. ಡೆಲ್ಟಾಗೆ ಹೋಲಿಸಿದರೆ ಓಮಿಕ್ರಾನ್​ ಹರಡುವ ವೇಗವು ಅತ್ಯಂತ ಹೆಚ್ಚು. ಅಲ್ಲದೇ ಇದು ಡೆಲ್ಟಾ ರೂಪಾಂತರಿಗಿಂತ ಹೆಚ್ಚು ಪರಿಣಾಮಕಾರಿಯಾಗಿ ಶ್ವಾಸನಾಳದ ಅಂಗಾಂಶಗಳಿಗೆ ಸೋಂಕು ಉಂಟು ಮಾಡುತ್ತದೆ ಎಂಬುದಕ್ಕೆ ಪುರಾವೆಗಳು ಸಿಕ್ಕಿವೆ ಎಂದು ವಿಶ್ವ ಆರೋಗ್ಯ ಸಂಸ್ಥೆಯು ಹೇಳಿದೆ.

ಈ ನಡುವೆ, INSACOG ತನ್ನ ಇತ್ತೀಚಿನ ಬುಲೆಟಿನ್‌ನಲ್ಲಿ COVID-19 ನ ಓಮಿಕ್ರಾನ್ ರೂಪಾಂತರವು ಭಾರತದಲ್ಲಿ ಸಮುದಾಯ ಪ್ರಸರಣ ಹಂತದಲ್ಲಿದೆ ಮತ್ತು ಹೊಸ ಪ್ರಕರಣಗಳು ಅತೀವವಾಗಿ ಹೆಚ್ಚುತ್ತಿದ್ದು ಅದರಲ್ಲು ಬಹು ಮಹಾನಗರಗಳಲ್ಲಿ ಪ್ರಬಲವಾಗಿದೆ ಎಂದು ಹೇಳಿದೆ.

ಇನ್ನು ಓಮಿಕ್ರಾನ್​ ರೂಪಾಂತರಿಯ ಉಪ ವಂಶಾವಳಿ BA.2 ಕೂಡ ವಿವಿಧ ದೇಶಗಳಲ್ಲಿ ಗಣನೀಯ ಪ್ರಮಾಣದಲ್ಲಿ ಕಂಡು ಬರುತ್ತಿದೆ