ಎಲೆಕ್ಟ್ರಿಕ್​ ಕಾರುಗಳ ತಯಾರಿಕೆಗೆ ಒತ್ತು ನೀಡಲು ಮುಂದಾದ ಟೊಯೊಟಾ

ಟೊಯೊಟಾ ಮೋಟಾರ್​ ದೇಶದಲ್ಲಿ ಗ್ರೀನ್​ ಮೊಬಿಲಿಟಿ ವಿಭಾಗದಲ್ಲಿ ತನ್ನ ಭಾಗವಹಿಸುವಿಕೆಯನ್ನು ಹೆಚ್ಚಿಸಲು ಮುಂದಿನ ಕೆಲವು ವರ್ಷಗಳಲ್ಲಿ ಹಲವಾರು ಹೈಬ್ರಿಡ್​ ವಾಹನಗಳನ್ನು ಪ್ರಾರಂಭಿಸಲು ಸಿದ್ಧವಾಗಿದೆ. ಇದರಲ್ಲಿ ಮೊದಲನೆಯ ಉತ್ಪನ್ನವು ಸ್ಥಳೀಯವಾಗಿ ತಯಾರಾಗಲಿದ್ದು ಮುಂದಿನ ವರ್ಷದಲ್ಲಿ ರಸ್ತೆಗೆ ಇಳಿಯಲಿದೆ.

ಜಪಾನಿನ ವಾಹನ ತಯಾರಕರ ಸ್ಥಳೀಯ ಘಟಕ, ಟೋಯೊಟಾ ಕಿರ್ಲೋಸ್ಕರ್​ ಮೋಟಾರ್​, ಸಿಎನ್​ಜಿ, ಎಥೆನಾಲ್​, ಎಲೆಕ್ಟ್ರಿಕ್​ ಹಾಗೂ ಹಸಿರು ಹೈಡ್ರೋಜನ್​​ ಚಾಲಿತ ವಾಹನಗಳನ್ನು ಉತ್ಪಾದಿಸುವ ಕಾರ್ಯಸಾಧ್ಯತೆಯನ್ನು ಅಧ್ಯಯನ ಮಾಡುತ್ತಿದೆ, ದೇಶಿಯ ಮಾರುಕಟ್ಟೆ ಹಾಗೂ ರಫ್ತು ಎರಡಕ್ಕೂ 2 ಸಾವಿರ ಕೋಟಿ ರೂಪಾಯಿಗಳನ್ನು ಹೂಡಿಕೆ ಮಾಡಿದೆ.

ಭಾರತದಲ್ಲಿ 70 ಪ್ರತಿಶತದಷ್ಟು ವಿದ್ಯುತ್​ನ್ನು ಕಲ್ಲಿದ್ದಲು ಆಧಾರಿತ ಸ್ಥಾವರಗಳಿಂದ ಉತ್ಪಾದಿಸಲಾಗುತ್ತದೆ. ನಾವು ಮುಂದಿನ ದಿನಗಳಲ್ಲಿ ಹೆಚ್ಚು ಎಲೆಕ್ಟ್ರಿಕ್​ ವಾಹನಗಳನ್ನು ತಯಾರಿಸಲು ಇಚ್ಛಿಸುತ್ತೇವೆ. ಒಟ್ಟಾರೆ ಇಂಗಾಲದ ಹೊರಸೂಸುವಿಕೆಯನ್ನು ಕಡಿಮೆ ಮಾಡುವುದು ನಮ್ಮ ಉದ್ದೇಶವಾಗಿದೆ ಎಂದು ಟಿಕೆಎಂ ಉಪಾಧ್ಯಕ್ಷ ವಿಕ್ರಂ ಕಿರ್ಲೋಸ್ಕರ್​​ ಸಂದರ್ಶನವೊಂದರಲ್ಲಿ ಮಾಹಿತಿ ನೀಡಿದ್ದಾರೆ.