ಎಮ್ಮೆ ಮುಂದೆ ಕುಣಿಯಲು ಹೋಗಿ ಬೇಸ್ತು ಬಿದ್ದ ಹುಡುಗಿ…!

ತನ್ನ‌ ಮುಂದೆ ಕುಣಿಯಲು ಬಂದ ಹುಡುಗಿಯನ್ನು ಎಮ್ಮೆಯೊಂದು ತಿವಿದು ಬೀಳಿಸಿದ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.

ಗುಲಾಬಿ ಬಣ್ಣದ ಕುರ್ತಾ ಮತ್ತು ನೀಲಿ ಬಣ್ಣದ ಲೆಗ್ಗಿಂಗ್‌ ಧರಿಸಿರುವ ಹುಡುಗಿಯೊಬ್ಬಳು ಎಮ್ಮೆಗೆ ಆಹಾರ ತಂದಿಡುತ್ತಾಳೆ. ಆದರೆ ಹಸಿದ ಎಮ್ಮೆಗೆ ತಿನ್ನಲು ಬಿಡುವುದೇ ಇಲ್ಲ. ನಂತರ ವಿಲಕ್ಷಣವಾದ ಕುಂಗ್ ಫೂ ಸ್ಟೆಪ್ ಮಾಡುವ ಮೂಲಕ ಎಮ್ಮೆಯ ಮುಂದೆ ಡ್ಯಾನ್ಸ್ ಮಾಡಲು ಪ್ರಾರಂಭಿಸುತ್ತಾಳೆ.

ಸಮಾಧಾನದಿಂದ ತಿನ್ನಬೇಕೆನ್ನುವಷ್ಟರಲ್ಲಿ ಹುಡುಗಿ ಕಿರಿಕಿರಿ ಮಾಡುವುದನ್ನು ನೋಡುತ್ತಲೇ ಎಮ್ಮೆ ತನ್ನ ತಾಳ್ಮೆ ಕಳೆದುಕೊಳ್ಳುತ್ತದೆ. ಕೋಪಗೊಂಡು ತನ್ನ ತಲೆಯಿಂದ ಹುಡುಗಿಯನ್ನು ತಿವಿದುಬಿಡುತ್ತದೆ. ಅಷ್ಟೇ ಅಲ್ಲದೇ ದೂರ ತಳ್ಳುತ್ತದೆ. ಅವಳು ಬೇಲಿಯ ಮೇಲೆ ಬೀಳುತ್ತಾಳೆ. ಅಲ್ಲಿಗೆ ಆಕೆ ತನ್ನ ಡ್ಯಾನ್ಸ್ ನಿಲ್ಲಿಸಬೇಕಾಗುತ್ತದೆ.

ಈ ವಿಡಿಯೋ ವೈರಲ್ ಆಗಿದ್ದು, ನೆಟ್ಟಿಗರು ಬಗೆ ಬಗೆಯ ಕಾಮೆಂಟ್ ಮಾಡಿದ್ದಾರೆ. ಹಾಸ್ಯದ ವಿಡಿಯೋ ಕಂಡು ಮನದುಂಬಿ ನಕ್ಕು, ನಗುವಿನ ಎಮ್ಮೋಜಿಯನ್ನು ಕಾಮೆಂಟ್ ಮಾಡಿದ್ದಾರೆ.