ಕೈಗಾರಿಕೋದ್ಯಮಿ ಆನಂದ್ ಮಹೀಂದ್ರಾ ಅವರು ಸಾಮಾಜಿಕ ಮಾಧ್ಯಮದಲ್ಲಿ ಸಕ್ರಿಯರಾಗಿದ್ದಾರೆ. ಟ್ವಿಟ್ಟರ್‌ನಲ್ಲಿ ತಮ್ಮ ಅನುಯಾಯಿಗಳೊಂದಿಗೆ ಮಿಲಿಯನ್ ಡಾಲರ್ ವಿಡಿಯೋಗಳನ್ನು ಅವರು ಹಂಚಿಕೊಳ್ಳುತ್ತಿರುತ್ತಾರೆ.
ಉದ್ಯಮಿಯ ಟ್ವಿಟ್ಟರ್ ಫೀಡ್ ಚಮತ್ಕಾರಿ ಮತ್ತು ಮೋಜಿನ ವಿಡಿಯೋಗಳು, ಮೋಜಿನ ಸಂಗತಿಗಳಿಂದ ತುಂಬಿದೆ. 66 ವರ್ಷದ ಉದ್ಯಮಿ ಇದೀಗ ಹೊಸ ವಿಡಿಯೋವೊಂದನ್ನು ಹಂಚಿಕೊಂಡಿದ್ದಾರೆ. ಒಂದಲ್ಲ ಒಂದು ಸಮಸ್ಯೆಯೊಂದಿಗೆ ಹೋರಾಡುತ್ತಿರುವವರಿಗೆ ಈ ವಿಡಿಯೋ ನಿಜಕ್ಕೂ ಸ್ಪೂರ್ತಿಯ ಸೆಲೆಯಾಗಿದೆ.
ಉತ್ತರಾಖಂಡದ ಜೋಹರ್ ಕಣಿವೆಯಲ್ಲಿ ಈ ವಿಡಿಯೋವನ್ನು ಚಿತ್ರೀಕರಿಸಲಾಗಿದೆ. ಇದನ್ನು ಆರಂಭದಲ್ಲಿ ಮೇ 2020 ರಲ್ಲಿ ಶುಭಯಾತ್ರಾ ಹೆಸರಿನ ಫೇಸ್‌ಬುಕ್ ಖಾತೆಯಲ್ಲಿ ಪೋಸ್ಟ್ ಮಾಡಲಾಗಿದೆ.
ಜೋಹರ್ ಕಣಿವೆಯಲ್ಲಿರುವ ಮಿಲಾಮ್‌ಗೆ ಜನರು ಟ್ರಕ್‌ನಲ್ಲಿ ಕುಳಿತುಕೊಂಡು ಹೋಗುತ್ತಿರುವುದನ್ನು ವೈರಲ್ ವಿಡಿಯೋದಲ್ಲಿ ತೋರಿಸಲಾಗಿದೆ. ರಸ್ತೆಯ ಸ್ಥಿತಿ ಅಷ್ಟೊಂದು ಅನುಕೂಲಕರವಾಗಿಲ್ಲ. ಕಲ್ಲು-ಬಂಡೆ, ಎತ್ತರ ತಗ್ಗು, ಕಿರಿದಾದ ರಸ್ತೆಯಲ್ಲಿ ಟ್ರಕ್ ಚಲಿಸುತ್ತಾ ಮುಂದೆ ಸಾಗಿದೆ. ಕೆಳಗೆ ಪ್ರಪಾತವಿದ್ದರೂ ಯಾವುದೇ ಅಂಜಿಕೆಯಿಲ್ಲದೆ ಕುಂಟುತ್ತಾ ಟ್ರಕ್ ಜನರನ್ನು ಹೊತ್ತೊಯ್ದಿದೆ.
ಈ ವಿಡಿಯೋ ನೋಡಿದ ನೆಟ್ಟಿಗರು ತಮ್ಮ ಅಭಿಪ್ರಾಯಗಳನ್ನು ಹಂಚಿಕೊಂಡಿದ್ದಾರೆ. ಕೆಲವರು ಇದನ್ನು ಅಪಾಯಕಾರಿ ಎಂದು ಕರೆದರೆ, ಇತರರು ರೈಡ್ ಅನ್ನು ರೋಮಾಂಚಕ ಎಂದು ಕರೆದಿದ್ದಾರೆ.
Loading ...