ಈ ರಾಶಿಯವರಿಗೆ ಇಂದು ಇರಲಿದೆ ಶುಭ ಕಾರ್ಯಗಳಿಗೆ ಅನುಕೂಲ ವಾತಾವರಣ

ಮೇಷ : ತಂದೆಯ ನಡವಳಿಕೆಯು ನಿಮ್ಮ ಮನಸ್ಸಿಗೆ ನೋವುಂಟು ಮಾಡಲಿದೆ. ಚಿಕ್ಕ ಚಿಕ್ಕ ವಿಚಾರಕ್ಕೂ ಸಂಗಾತಿಯ ಮೇಲೆ ರೇಗುವುದನ್ನು ನಿಲ್ಲಿಸಿ. ಇದರಿಂದ ನಿಮಗೆ ಕೌಟುಂಬಿಕ ಜೀವನಕ್ಕೆ ಹೆಚ್ಚು ಮಹತ್ವ ನೀಡಲು ಸಾಧ್ಯವಾಗದೇ ಹೋಗಬಹುದು.

ವೃಷಭ : ಶುಭ ಕಾರ್ಯಗಳಿಗೆ ಅನುಕೂಲ ವಾತಾವರಣ ಇರಲಿದೆ. ಇಂದು ನಿಮಗೆ ಅನಿರೀಕ್ಷಿತ ಮೂಲದಿಂದ ಧನಾಗಮನವಾಗಲಿದೆ. ಮನೆ ನಿರ್ಮಾಣ ಮಾಡುವತ್ತ ಮನಸ್ಸು ಮಾಡಲಿದ್ದೀರಿ. ಸಂಗಾತಿಯು ನಿಮ್ಮೆಲ್ಲ ಪ್ರಯತ್ನಗಳಿಗೆ ಹೆಗಲಾಗಲಿದ್ದಾರೆ.

 ಮಿಥುನ : ವಾಹನ ಚಾಲನೆ ಮಾಡುವಾಗ ಎಚ್ಚರಿಕೆಯಿಂದಿರಿ. ಇಂದು ನಿಮಗೆ ಅನಾರೋಗ್ಯ ಸಮಸ್ಯೆ ಕಾಡಬಹುದು. ತಾಯಿಯಿಂದ ಧನಾಗಮನವಿದೆ. ವ್ಯಾಪಾರ – ವ್ಯವಹಾರಗಳಲ್ಲಿ ಚೇತರಿಕೆ ಕಂಡು ಬರಲಿದೆ.

ಕಟಕ : ತಾಯಿಯ ಮನೆಯ ಕಡೆಯಿಂದ ಆಸ್ತಿ ಸಿಗಲಿದೆ. ವಾಹನ ಖರೀದಿ ಮಾಡುವವರಿಗೆ ಇಂದು ಶುಭ ದಿನ, ಮನೆಯ ಕಿರಿಯ ಸದಸ್ಯರಿಂದ ಶುಭ ಸುದ್ದಿಯನ್ನು ಕೇಳುವಿರಿ. ಉದ್ಯೋಗದಲ್ಲಿ ಸ್ವಲ್ಪ  ಒತ್ತಡ ಎನಿಸಲಿದೆ.

ಸಿಂಹ : ಪರೋಪಕಾರಿಯಾದ ನಿಮ್ಮ ಮನಸ್ಸಿಗೆ ನಿಮ್ಮಿಂದ ಸಹಾಯ ಪಡೆದವರೇ ಘಾಸಿ ಉಂಟು ಮಾಡಲಿದ್ದಾರೆ. ಸಂಗಾತಿಯ ನಡುವಳಿಕೆಯು ನಿಮ್ಮ ಮನಸ್ಸಿಗೆ ನೋವುಂಟು ಮಾಡಲಿದೆ. ಹೊಸ ಉದ್ಯೋಗಾವಕಾಶವೊಂದು ನಿಮ್ಮನ್ನು ಅರಸಿ ಬರಲಿದೆ. ಧನಾಗಮನವಿದೆ.

ಕನ್ಯಾ : ನೀವು ಬಸ್ಸು ಹೋದಮೇಲೆ ಟಿಕೆಟ್​​ ತೆಗೆದುಕೊಳ್ಳುವುದು ನಿಮಗೆ ಕರಗತವಾದಂತೆ ಕಾಣುತ್ತಿದೆ. ನೀವು ವಿಳಂಬ ಮಾಡಿ ಬಳಿಕ ಕಾಲವನ್ನು ದೂಷಿಸಬೇಡಿ. ಪ್ರಯತ್ನಂ ಸರ್ವ ಸಿದ್ಧಿ ಸಾಧನಂ ಎಂಬ ಮಾತು ತಲೆಯಲ್ಲಿ ಇರಲಿ. ಸಂಗಾತಿಯೊಂದಿಗೆ ವಾಗ್ವಾದ ಉಂಟಾಗಬಹುದು.

ತುಲಾ : ಉದ್ಯಮದಲ್ಲಿ ಲಾಭವಿದೆ. ಆದರೆ ಉದ್ಯಮದ ನಿಮಿತ್ತ ಅತಿಯಾದ ಪ್ರಯಾಣ ಕೈಗೊಂಡ ನೀವು ತೀವ್ರವಾಗಿ ದಣಿಯುವಿರಿ. ಇದರಿಂದ ಅನಾರೋಗ್ಯ ಸಮಸ್ಯೆ ಕೂಡ ಉಂಟಾಗಬಹುದು. ಸಂಗಾತಿಯೊಂದಿಗೆ ವಾಗ್ವಾದ ನಡೆಯಲಿದೆ.

ವೃಶ್ಚಿಕ : ಆರೋಗ್ಯದಲ್ಲಿ ಏರುಪೇರು ಉಂಟಾಗಲಿದೆ. ಅತಿಯಾದ ದುಶ್ಚಟವು ನಿಮ್ಮ ದಾಂಪತ್ಯ ಜೀವನದಲ್ಲಿ ಬಿರುಕು ಉಂಟು ಮಾಡಲಿದೆ. ಅನಗತ್ಯ ವಿಚಾರಕ್ಕೆ ಕೋಪ ಬೇಡ. ಸಹೋದರನ ಆರ್ಥಿಕ ಸಂಕಷ್ಟಕ್ಕೆ ಹೆಗಲಾಗುವಿರಿ. ಮನೆಯ ಹೆಣ್ಣು ಮಕ್ಕಳಿಂದ ಲಾಭ ಕಾದಿದೆ.

ಧನು : ಮನೆ ನಿರ್ಮಾಣ ಕಾರ್ಯದ ಬಗ್ಗೆ ಕುಟುಂಬದಲ್ಲಿ ಚರ್ಚೆ ನಡೆಸುವಿರಿ. ಸಂಗಾತಿಯಿಂದ ಕಿರಿಕಿರಿ ಇರಲಿದೆ. ದಾಂಪತ್ಯ ಜೀವನದಲ್ಲಿ ಮೂರನೇ ವ್ಯಕ್ತಿಯಿಂದ ಬಿರುಕು ಉಂಟಾಗಲಿದೆ. ವ್ಯಾಪಾರದಿಂದ ಲಾಭವಿದೆ. ಗರ್ಭಿಣಿಯರು ಆರೋಗ್ಯದ ಬಗ್ಗೆ ಜಾಗೃತೆ ಇರಲಿ.

ಮಕರ : ಸ್ತ್ರೀಯರು ಇಂದು ಅಪಾರ ನೋವನ್ನು ಅನುಭವಿಸಲಿದ್ದಾರೆ. ಪತ್ರ ವ್ಯವಹಾರಗಳಲ್ಲಿ ಜಯವಿದೆ. ಉದ್ಯೋಗದ ನಿಮಿತ್ತ ದೂರ ಪ್ರಯಾಣ ಕೈಗೊಳ್ಳಬೇಕಾಗಿ ಬರಬಹುದು.

ಕುಂಭ : ಸ್ಥಿರಾಸ್ಥಿಯಿಂದ ಲಾಭವಿದೆ. ಕುಟುಂಬದ ಜೊತೆ ಉತ್ತಮ ಸಮಯ ಕಳೆಯುವಿರಿ. ಪುತ್ರಿಗೆ ವೈವಾಹಿಕ ಸಂಬಂಧ ಕೂಡಿ ಬರಲಿದೆ. ಅಂದುಕೊಂಡ ಕಾರ್ಯಗಳು ನೆರವೇರಲಿದೆ. ಮಹಿಳಾ ಮಿತ್ರರು ಸಹಾಯ ಮಾಡಲಿದ್ದಾರೆ.

ಮೀನ : ಮೋಜು ಮಸ್ತಿಯಿಂದ ಹಣವನ್ನು ಹಾಳು ಮಾಡಬೇಡಿ. ಶೀತ ಹಾಗೂ ಕೆಮ್ಮಿನಿಂದ ಬಳಲಲಿದ್ದೀರಿ. ವ್ಯಾಪಾರಿಗಳಿಗೆ ಇದು ಅದೃಷ್ಟದ ದಿನವಾಗಿದೆ. ಪತ್ರ ವ್ಯವಹಾರಗಳಲ್ಲಿ ತೊಂದರೆ ಕಾದಿದೆ. ಪೋಷಕರಿಗೆ ಮಕ್ಕಳ ಭವಿಷ್ಯದ ಚಿಂತೆ ಕಾಡಲಿದೆ.