ನೀವು ಟಿವಿ ಧಾರಾವಾಹಿಯ ಅಭಿಮಾನಿಯೇ..? ಸಾಮಾನ್ಯವಾಗಿ ಮಹಿಳೆಯರು ಧಾರಾವಾಹಿಗಳಿಗೆ ಅಡಿಕ್ಟ್ ಆಗಿರುತ್ತಾರೆ. ಅವರಿಗೆ ಒಂದು ದಿನ ಧಾರಾವಾಹಿಯನ್ನು ನೋಡದಿದ್ರೆ ಸರಿಯಾಗಿ ನಿದ್ದೆ ಕೂಡ ಬರುವುದಿಲ್ಲ. ಹಾಗೆಯೇ ಈ ಧಾರಾವಾಹಿಗಳು ಕೂಡ ಕೆಲವೊಂದು ದೃಶ್ಯಗಳಿಂದಾಗಿ ಸಾಮಾಜಿಕ ಮಾಧ್ಯಮದಲ್ಲಿ ಸಖತ್ ಟ್ರೋಲ್ ಗೊಳಗಾಗಿರುವ ಅನೇಕ ನಿದರ್ಶನಗಳು ನಮ್ಮ ಕಣ್ಮುಂದೆ ಇವೆ. ಇದೀಗ ಇಂಥದ್ದೇ ವಿಡಿಯೋವೊಂದು ವೈರಲ್ ಆಗಿದೆ.
ಭಾರತೀಯ ದೂರದರ್ಶನದ ಧಾರಾವಹಿಗಳು ನಮಗೆ ಅತ್ಯಂತ ಭಯಭೀತಗೊಳಿಸುವ ಕೆಲವು ದೃಶ್ಯಗಳನ್ನು ನೀಡಿವೆ. ಅದು ಶೀಘ್ರದಲ್ಲೇ ನಿಲ್ಲುವಂತೆ ತೋರುತ್ತಿಲ್ಲ.
ವರನೊಬ್ಬ ತನ್ನ ಫಸ್ಟ್ ನೈಟ್ ನಲ್ಲಿ ಹಾಲಿನೊಂದಿಗೆ ಜಿರಳೆ ಕುಡಿದ ವಿಡಿಯೋ ಬಹುಶಃ ನಿಮಗೆ ನೆನಪಿರಬಹುದು. ಇದೀಗ ಈ ವಿಡಿಯೋ ಪಟ್ಟಿಗೆ ಹೊಸದೊಂದು ಸೇರ್ಪಡೆಯಾಗಿದೆ. ಸ್ವರಣ್ ಘರ್ ಧಾರಾವಾಹಿಯ ಕ್ಲಿಪ್ ವೈರಲ್ ಆಗಿದ್ದು, ನೆಟ್ಟಿಗರು ಇನ್ನು ಈ ಕಣ್ಣಲ್ಲಿ ಏನೇನ್ ನೋಡಬೇಕೋ ಅಂತಾ ಒಂದೇ ಕಣ್ಣಲ್ಲಿ ಅಳುತ್ತಿದ್ದಾರೆ.
ಸ್ವರಣ್ (ಸಂಗೀತಾ ಘೋಷ್ ನಿರ್ವಹಿಸಿದ) ಮತ್ತು ಅಜಿತ್ ಲಂಬಾ (ಅಜಯ್ ಚೌಧರಿ ನಿರ್ವಹಿಸಿದ) ಕಾರ್ಯಕ್ರಮದ ಪ್ರಮುಖ ಪಾತ್ರಗಳನ್ನು ವಿಡಿಯೋ ಒಳಗೊಂಡಿದೆ. ಸ್ವರನ್ ತನ್ನ ದುಪ್ಪಟ್ಟಾವನ್ನು ಕತ್ತಿನಿಂದ ಹಿಂದೆ ಹಾಕಿದ್ದಾಳೆ. ಈ ವೇಳೆ ದುಪ್ಪಟ್ಟಾ ಟೇಬಲ್ ಫ್ಯಾನ್ ಗೆ ಆಕಸ್ಮಿಕವಾಗಿ ಸಿಲುಕಿಕೊಂಡಿದೆ. ದುಪ್ಪಟ್ಟಾ ತಿರುಗುತ್ತಿರುವ ಫ್ಯಾನ್ ನ ಒಳಗೆ ಸೇರಿಕೊಳ್ಳುತ್ತಿದ್ದಂತೆ, ಕುಣಿಕೆ ಬಿಗಿಯಾಗಿ ಆಕೆಗೆ ಉಸಿರುಗಟ್ಟಲಾರಂಭಿಸಿದೆ. ಅವಳ ಜೀವ ಅಪಾಯದಲ್ಲಿದ್ದರೆ, ನಟ ಹಾಗೂ ಅಲ್ಲಿದ್ದವರು ಏನು ಮಾಡಬೇಕು ಎಂದು ತೋಚದೆ ಗಾಬರಿ ವ್ಯಕ್ತಪಡಿಸಿದ್ದಾರೆ. ಫ್ಯಾನ್ ಅನ್ನು ನಿಲ್ಲಿಸಲು ಪ್ರಯತ್ನಿಸಿದ್ರೂ ಸಾಧ್ಯವಾಗುವುದಿಲ್ಲ. ನಂತರ ನಟ ಅಜಿತ್ ದುಪ್ಪಟ್ಟಾವನ್ನು ಹಲ್ಲಿನಿಂದ ಕಚ್ಚಿ ಹರಿಯುತ್ತಾನೆ.
ಈ ದೃಶ್ಯದ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ಧೂಳೆಬ್ಬಿಸಿದೆ. ಇದರ ಹಿಂದಿನ ಲಾಜಿಕ್ ನೆಟ್ಟಿಗರನ್ನು ತಲೆಗೆಡಿಸಿದೆ. ಇದು ಭೌತಶಾಸ್ತ್ರವನ್ನೇ ಪ್ರಶ್ನಿಸುವಂತೆ ಮಾಡಿದೆ ಎಂದು ನೆಟ್ಟಿಗರು ಲೇವಡಿ ಮಾಡಿದ್ದಾರೆ. ಇನ್ನೂ ಕೆಲವರು, ಇಂಥದ್ದೇ ತಮಾಷೆಯ ವಿಡಿಯೋಗಳನ್ನು ಹಂಚಿಕೊಂಡು ನಕ್ಕಿದ್ದಾರೆ.
Loading ...