ಈ ಕಾರಿನ ಬೆಲೆ 4.22 ಕೋಟಿ ರೂಪಾಯಿ, ಅಂಥದ್ದೇನಿದೆ ವಿಶೇಷತೆ ಗೊತ್ತಾ…..?

ಲಂಬೋರ್ಗಿನಿ ಹೊಸ ಶಕ್ತಿಶಾಲಿ ಕಾರೊಂದನ್ನು ಭಾರತೀಯ ಮಾರುಕಟ್ಟೆಗೆ ಬಿಡುಗಡೆ ಮಾಡಿದೆ. ಲಂಬೋರ್ಗಿನಿ ಉರಸ್ ಪರ್ಫಾರ್ಮೆಂಟೆ ಹೆಸರಿನ ಎಸ್‌ಯುವಿ ಇದು. ಇದರ ಬೆಲೆ 4.22 ಕೋಟಿ ರೂಪಾಯಿ. ಈ ಕಾರಿನ ಸ್ಪೀಡ್‌ ಕೇಳಿದ್ರೆ ಎಂಥವರಿಗೂ ಶಾಕ್‌ ಆಗುತ್ತೆ. ಕೇವಲ 3.3 ಸೆಕೆಂಡುಗಳಲ್ಲಿ 0 ಯಿಂದ 100 ಕಿಮೀ ವೇಗವನ್ನು ಇದು ಹೊಂದುತ್ತದೆ. 11.5 ಸೆಕೆಂಡುಗಳಲ್ಲಿ 200 ಕಿಮೀ ವೇಗವನ್ನು ತಲುಪುತ್ತದೆ. ಕಾರಿನ ಟಾಪ್ ಸ್ಪೀಡ್ ಕೂಡ ಗಂಟೆಗೆ 306 ಕಿ.ಮೀ.

ಈ ಕಾರು 4.0-ಲೀಟರ್ ಟ್ವಿನ್-ಟರ್ಬೊ V8 ಎಂಜಿನ್ ಹೊಂದಿದೆ. ಇದೇ ಎಂಜಿನ್ ಕಂಪನಿಯ ಸ್ಟ್ಯಾಂಡರ್ಡ್ ಉರುಸ್‌ನಲ್ಲಿಯೂ ಕಂಡುಬರುತ್ತದೆ. ಇದು 657bhp ನ ಗರಿಷ್ಠ ಶಕ್ತಿಯನ್ನು ಮತ್ತು 850Nm ನ ಗರಿಷ್ಠ ಟಾರ್ಕ್ ಅನ್ನು ಉತ್ಪಾದಿಸುತ್ತದೆ. ಕಂಪನಿಯು ಕಾರಿನ ತೂಕವನ್ನು 47 ಕೆಜಿಯಷ್ಟು ಇಳಿಸಿದೆ. ಉರುಸ್ ಪರ್ಫಾರ್ಮೆಂಟೆಯ ಒಳಭಾಗ ಎಂಥವರಿಗೂ ಇಷ್ಟವಾಗುವಂತಿದೆ.

ಅಲ್ಕಾಂಟರಾ ಮತ್ತು ಕಾರ್ಬನ್ ಫೈಬರ್ ನಂತಹ ಹಗುರವಾದ ವಸ್ತುಗಳನ್ನು ಇದರಲ್ಲಿ ಬಳಸಲಾಗಿದೆ. ಡಾರ್ಕ್ ಟೋನ್‌ಗಳು, ಕಾಂಟ್ರಾಸ್ಟ್ ಸ್ಟಿಚಿಂಗ್ ಮತ್ತು ವಿಶೇಷ ಪ್ರದರ್ಶನದ ಲೋಗೋ ಇದಕ್ಕೆ ಸ್ಪೋರ್ಟ್ಸ್‌ ಲುಕ್‌ ನೀಡಿದೆ. ಕಂಪನಿಯು ಕಾರಿನ ಆಕಾರವನ್ನು ಸ್ಟ್ಯಾಂಡರ್ಡ್ ಲಂಬೋರ್ಗಿನಿ ಉರಸ್‌ನಂತೆಯೇ ಇರಿಸಿದೆ. ಆದರೆ ಸಣ್ಣಪುಟ್ಟ ಬದಲಾವಣೆಗಳನ್ನು ಮಾಡಲಾಗಿದೆ.

ಮುಂಭಾಗದ ಫೆಂಡರ್‌ಗಳು, ಕೂಲಿಂಗ್ ವೆಂಟ್‌ಗಳೊಂದಿಗೆ ಹೊಸ ಬಾನೆಟ್ ಮತ್ತು ಎರಡೂ ತುದಿಗಳಲ್ಲಿ ಹೊಸ ಬಂಪರ್‌ಗಳನ್ನು ಅಳವಡಿಸಲಾಗಿದೆ. 22-ಇಂಚಿನ ಮಿಶ್ರಲೋಹದ ಚಕ್ರಗಳು ಈ ಕಾರಿನ ವಿಶೇಷತೆ. ಹೊಸ ಎಸ್‌ಯುವಿ ಪ್ರಸ್ತುತ ಉರಸ್‌ಗಿಂತ 25 ಎಂಎಂ ಉದ್ದ, 16 ಎಂಎಂ ಅಗಲ ಮತ್ತು 20 ಎಂಎಂ ಚಿಕ್ಕದಾಗಿದೆ. ಇದು ನಾಲ್ಕು ಡ್ರೈವಿಂಗ್ ಮೋಡ್‌ಗಳನ್ನು ಪಡೆಯುತ್ತದೆ – ಸ್ಟ್ರಾಡಾ (ಸ್ಟ್ರೀಟ್), ಸ್ಪೋರ್ಟ್, ಕೊರ್ಸಾ (ಟ್ರ್ಯಾಕ್) ಮತ್ತು ರ್ಯಾಲಿ. ಹೊಸ ಲಂಬೋರ್ಗಿನಿ ಉರುಸ್ ಪರ್ಫಾರ್ಮೆಂಟೆ ಭಾರತದಲ್ಲಿ ಆಡಿ RS Q8 ಮತ್ತು ಆಸ್ಟನ್ ಮಾರ್ಟಿನ್ DBX 707 ನಂತಹ ಕಾರುಗಳಿಗೆ ಟಕ್ಕರ್‌ ಕೊಡಲಿದೆ.