ಇಲ್ಲಿದೆ UPSC ಮುಖ್ಯ ಪರೀಕ್ಷೆಯ ವೇಳಾಪಟ್ಟಿ

ಕೇಂದ್ರ ಲೋಕಸೇವಾ ಆಯೋಗವು 2022 ನೇ ಸಾಲಿನ ಅಖಿಲ ಭಾರತ ನಾಗರಿಕ ಸೇವಾ ಹುದ್ದೆಗಳ ನೇಮಕಾತಿ ಮುಖ್ಯ ಪರೀಕ್ಷೆಯ ವೇಳಾಪಟ್ಟಿಯನ್ನು ಪ್ರಕಟಿಸಿದೆ.

ಸೆಪ್ಟೆಂಬರ್ 16 ರಿಂದ ಪರೀಕ್ಷೆಗಳು ಆರಂಭವಾಗಲಿದ್ದು, ಸೆಪ್ಟೆಂಬರ್ 25ಕ್ಕೆ ಪೂರ್ಣಗೊಳ್ಳಲಿದೆ ಎಂದು ಕೇಂದ್ರ ಲೋಕಸೇವಾ ಆಯೋಗದ ಮೂಲಗಳು ಮಾಹಿತಿ ನೀಡಿವೆ.

ಸೆಪ್ಟೆಂಬರ್ 16ರಂದು ಪ್ರಬಂಧ, ಸೆಪ್ಟಂಬರ್ 17 ಮತ್ತು 18ರಂದು ಜನರಲ್ ಸ್ಟಡೀಸ್, ಸೆಪ್ಟೆಂಬರ್ 24ರಂದು ಭಾರತೀಯ ಭಾಷೆ, ಇಂಗ್ಲಿಷ್ ಮತ್ತು ಸೆಪ್ಟೆಂಬರ್ 25ಕ್ಕೆ ಐಚ್ಛಿಕ ವಿಷಯಗಳ ಪರೀಕ್ಷೆಯನ್ನು ನಡೆಸಲಾಗುತ್ತದೆ.