ಇಲ್ಲಿದೆ ʼತೆರಿಗೆʼದಾರರು ಗಮನಿಸಲೇಬೇಕಾದ ಬಹುಮುಖ್ಯ ಮಾಹಿತಿ

ಆದಾಯ ತೆರಿಗೆ ಇಲಾಖೆ 2022-23 ನೇ ಹಣಕಾಸು ವರ್ಷಕ್ಕೆ ಹೊಸ ITR ಫಾರ್ಮ್‌ಗಳನ್ನು ಸೂಚಿಸಿದೆ. ಇದು ತೆರಿಗೆದಾರರಿಂದ ಸಾಗರೋತ್ತರ ನಿವೃತ್ತಿ ಪ್ರಯೋಜನ ಖಾತೆಗಳ ಆದಾಯದ ವಿವರಗಳನ್ನು ಸಹ ಪಡೆಯುತ್ತದೆ.

ಕೇಂದ್ರೀಯ ನೇರ ತೆರಿಗೆಗಳ ಮಂಡಳಿ (CBDT) ಇತ್ತೀಚಿನ ಸುತ್ತೋಲೆಯಲ್ಲಿ 1 ರಿಂದ ITR ಫಾರ್ಮ್ 6 ರವರೆಗೆ ಹೊಸ ITR ಫಾರ್ಮ್‌ಗಳನ್ನು ಸೂಚಿಸಿದೆ.

ಸಿಬಿಡಿಟಿ ಐಟಿಆರ್ ಫಾರ್ಮ್‌ಗಳಲ್ಲಿ ಬದಲಾವಣೆಯಿಲ್ಲ. ಹಾಗಾಗಿ ಐಟಿಆರ್ ಫೈಲಿಂಗ್ ಫಾರ್ಮ್‌ಗಳು ಮತ್ತು ನಿಯಮಗಳಲ್ಲಿ ಯಾವುದೇ ಬದಲಾವಣೆ ಇಲ್ಲ ಎಂದು ಸೆಬಿ ನೋಂದಾಯಿತ ತೆರಿಗೆ ಮತ್ತು ಹೂಡಿಕೆ ತಜ್ಞ ಜಿತೇಂದ್ರ ಸೋಲಂಕಿ ಹೇಳಿದ್ದಾರೆ. ಇವತ್ತಿನಿಂದ್ಲೇ ಹೊಸ ಫಾರ್ಮ್‌ ಗಳು ಅಸ್ತಿತ್ವಕ್ಕೆ ಬಂದಿವೆ. 1 ರಿಂದ 6ರವರೆಗಿನ ಈ ಐಟಿಆರ್ ಫಾರ್ಮ್‌ಗಳು ತೆರಿಗೆದಾರರಿಗೆ ಏನನ್ನು ಸೂಚಿಸುತ್ತವೆ ಎಂಬುದನ್ನೂ ಸೋಲಂಕಿ ವಿವರಿಸಿದ್ದಾರೆ.

ITR ಫಾರ್ಮ್ 1 ಅಥವಾ SAHAJ : ದೀರ್ಘಾವಧಿಯ ಬಂಡವಾಳ ಲಾಭದಂತಹ ಯಾವುದೇ ಆದಾಯವನ್ನು ಹೊಂದಿಲ್ಲದ ವೇತನ ಸಹಿತರಿಗಾಗಿ ಈ ಫಾರ್ಮ್‌ ಪರಿಚಯಿಸಲಾಗಿದೆ. ಇವರ ಆದಾಯವು 50 ಲಕ್ಷಕ್ಕಿಂತ ಕಡಿಮೆ ಇರುತ್ತದೆ.

ITR ಫಾರ್ಮ್ 2 : ವೇತನ ಪಡೆಯುತ್ತಿರುವವರಿಗಾಗಿಯೇ ಇರುವ ಫಾರ್ಮ್‌ ಇದು. ಆದರೆ ಅವರಿಗೆ ಬೇರೆ ಆದಾಯ ಮೂಲವೂ ಇರುತ್ತದೆ. ಆದಾಯದ ಮೂಲಕ ಉದ್ಯಮವಾಗಿರುವುದಿಲ್ಲ. ವ್ಯಾಪಾರ ಆದಾಯ ವರ್ಗವನ್ನು ಹೊರತುಪಡಿಸಿ ಉಳಿದ ತೆರಿಗೆದಾರರು ಈ ITR 2 ಫಾರ್ಮ್ ಅನ್ನು ಸಲ್ಲಿಸಬಹುದು.

ITR ಫಾರ್ಮ್ 3 : ವ್ಯಾಪಾರ ಅಥವಾ ಉದ್ಯಮದಿಂದ ಆದಾಯ ಹೊಂದಿರುವವರು ಈ ಫಾರ್ಮ್ ಅನ್ನು ಸಲ್ಲಿಸುತ್ತಾರೆ.

ITR ಫಾರ್ಮ್ 4 : ಇದನ್ನು ದೊಡ್ಡ ವ್ಯಾಪಾರ ಆದಾಯ ಗುಂಪಿನ ತೆರಿಗೆದಾರರಿಗಾಗಿ ಪರಿಚಯಿಸಲಾಗಿದೆ. ಈ ರೂಪದಲ್ಲಿ ತಮ್ಮ ವಾರ್ಷಿಕ ವಹಿವಾಟಿನ ನಿರೀಕ್ಷಿತ ಅಂಕಿಅಂಶವನ್ನು ನೀಡಬಹುದು.

ITR ಫಾರ್ಮ್ 5 : ಪಾಲುದಾರಿಕೆ ಸಂಸ್ಥೆಯಿಂದ ಗಳಿಸುವ ತೆರಿಗೆದಾರರಿಗಾಗಿ ಈ ಫಾರ್ಮ್‌ ಅನ್ನು ಪರಿಚಯಿಸಲಾಗಿದೆ.

ITR ಫಾರ್ಮ್ 6 : ಸೆಕ್ಷನ್ 11ರ ಹೊರತಾಗಿ ನೋಂದಾಯಿತ ಕಂಪನಿಗಳು ಇದನ್ನು ಸಲ್ಲಿಸಬಹುದು. ITR ಫಾರ್ಮ್ 1ನ್ನು ಕಳೆದ ವರ್ಷದಂತೆಯೇ ಇರಿಸಲಾಗಿದೆ. ನಿವ್ವಳ ಸಂಬಳದ ಲೆಕ್ಕಾಚಾರಕ್ಕಾಗಿ ವಿದೇಶದಲ್ಲಿ ನಿರ್ವಹಿಸಲಾದ ನಿವೃತ್ತಿ ಪ್ರಯೋಜನ ಖಾತೆಯಿಂದ ಆದಾಯವನ್ನೂ ಈ ಫಾರ್ಮ್‌ ಗೆ ಸೇರಿಸಲಾಗಿದೆ. ಸೆಕ್ಷನ್‌ 89ಎ ಅಡಿಯಲ್ಲಿ ರಿಟೈರ್ಮೆಂಟ್‌ ಖಾತೆ ಸೂಚಿಸಿದ ದೇಶದಲ್ಲಿದೆಯೇ ಎಂಬ ವಿವರ ನೀಡಬೇಕು. ಈ ಆದಾಯದ ಮೇಲೆ ಸೆಕ್ಷನ್‌ 89ಎ ಅಡಿಯಲ್ಲಿ ತೆರಿಗೆದಾರರು ವಿನಾಯಿತಿಯನ್ನೂ ಕೋರಬಹುದು.