ಇಂದು ಬಿಡುಗಡೆಯಾಗಲಿದೆ ‘ರಿದಂ’ ಚಿತ್ರದ ಟೀಸರ್

ಮಂಜು ಮಿಲನ್ ನಿರ್ದೇಶಿಸಿ ನಾಯಕನಾಗಿ ನಟಿಸಿರುವ ಬಹು ನಿರೀಕ್ಷಿತ ‘ರಿದಂ’ ಚಿತ್ರದ ಟೀಸರ್ ಇಂದು ಮಧ್ಯಾಹ್ನ 12:30ಕ್ಕೆ ಆನಂದ್ ಆಡಿಯೋ ಯೂಟ್ಯೂಬ್ ಚಾನೆಲ್ ನಲ್ಲಿ ರಿಲೀಸ್ ಆಗಲಿದೆ.

ಹಾಡುಗಳಿಂದಲೇ ಸಕ್ಕತ್ ಸೌಂಡ್ ಮಾಡಿರೋ ಈ ಸಿನಿಮಾ ಇನ್ನೇನು ತೆರೆ ಮೇಲೆ ಬರಲು ಸಜ್ಜಾಗಿದೆ.

ಎನ್ ಆರ್ ಮಂಜುನಾಥ್ ತಮ್ಮ ಮಂಜು ಮೂವೀಸ್ ಬ್ಯಾನರ್ ಡಿ ಈ ಚಿತ್ರಕ್ಕೆ ಬಂಡವಾಳ ಹೂಡಿದ್ದು, ಮಂಜು ಮಿಲನ್ಗೆ ಜೋಡಿಯಾಗಿ ಮೇಘಶ್ರೀ ಅಭಿನಯಿಸಿದ್ದಾರೆ.

ವಿನಯ ಪ್ರಕಾಶ್, ಭವ್ಯ, ಸುಮನ್, ಶಿವರಾಂ ಸೇರಿದಂತೆ ಮೊದಲಾದ ಕಲಾವಿದರು ತೆರೆ ಹಂಚಿಕೊಂಡಿದ್ದಾರೆ. ಏಟಿ ರವೀಶ್ ಈ ಸಿನಿಮಾಗೆ ಸಂಗೀತ ಸಂಯೋಜನೆ ನೀಡಿದ್ದಾರೆ.