ತಮಿಳುನಾಡಿನ ಮುದುಮಲೈ ಹುಲಿ ಸಂರಕ್ಷಿತಾರಣ್ಯದಿಂದ ಹಲವಾರು ಆನೆಗಳು ರಾಗಿ ಮತ್ತು ಬೆಲ್ಲದ ಅನ್ನವನ್ನು ತಿನ್ನುತ್ತಿರುವ ವಿಡಿಯೋ ಇದೀಗ ವೈರಲ್ ಆಗಿದೆ. ಐಎಎಸ್ ಅಧಿಕಾರಿ ಸುಪ್ರಿಯಾ ಸಾಹು ಅವರು ವಿಡಿಯೋ ಶೇರ್ ಮಾಡಿಕೊಂಡಿದ್ದಾರೆ.
ತೆಪ್ಪಕಾಡು ಆನೆ ಶಿಬಿರದಲ್ಲಿ ಬೀಡುಬಿಟ್ಟಿರುವ ಎಲ್ಲಾ ಆನೆಗಳಿಗೆ ಕಾರ್ಮಿಕರು ಊಟ ತಯಾರಿಸುತ್ತಿರುವುದನ್ನು ಸ್ವತಃ ಅಧಿಕಾರಿಯೇ ರೆಕಾರ್ಡ್ ಮಾಡಿದ್ದಾರೆ. ಪಶುವೈದ್ಯರು ಸೂಚಿಸಿದ ಪ್ರಮಾಣದಲ್ಲಿ ಅಕ್ಕಿ, ರಾಗಿ ಮತ್ತು ಬೆಲ್ಲವನ್ನು ಮಿಶ್ರಣ ಮಾಡುವ ಮೂಲಕ ಹಲವಾರು ಕಾರ್ಮಿಕರು ಆನೆಗಳಿಗೆ ಉಪಾಹಾರವನ್ನು ತಯಾರಿಸುವುದನ್ನು ವಿಡಿಯೋದಲ್ಲಿ ನೋಡಬಹುದು.
“ತಮಿಳುನಾಡಿನ ಮುದುಮಲೈ ಹುಲಿ ಸಂರಕ್ಷಿತ ಪ್ರದೇಶದ ತೆಪ್ಪಕಾಡು ಆನೆ ಶಿಬಿರದಲ್ಲಿ ಆನೆಗಳಿಗೆ ಬೆಳಗಿನ ಉಪಾಹಾರ ಸಮಯ. ಪ್ರತಿ ಆನೆಗೂ ನಿಗದಿತ ಮೆನುವಿನಲ್ಲಿಯೇ ಆಹಾರ ನೀಡಲಾಗುತ್ತಿದೆ. ರಾಗಿ ಬೆಲ್ಲದ ಅಕ್ಕಿಯನ್ನು ಸ್ವಲ್ಪ ಉಪ್ಪಿನೊಂದಿಗೆ ಬೆರೆಸಿ ಆಹಾರದ ಉಂಡೆಗಳಾಗಿ ಆನೆಗಳಿಗೆ ನೀಡಲಾಗುತ್ತದೆ” ಎಂದು ಶೀರ್ಷಿಕೆ ಬರೆಯಲಾಗಿದೆ.
ಕೆಲವು ಬಳಕೆದಾರರು ಈ ವೀಡಿಯೊವನ್ನು ನೋಡಿ ಸಂತೋಷಪಟ್ಟರೆ, ಇತರರು ಆನೆಗಳು ಮೀಸಲು ಪ್ರದೇಶದಲ್ಲಿ ಸರಪಳಿಯಲ್ಲಿ ಇರಬಾರದು ಎಂದು ಸೂಚಿಸಿದ್ದಾರೆ.
Loading ...