‘ಆಧಾರ್’ ನಲ್ಲಿ ಫೋಟೋ ನವೀಕರಿಸುವುದು ಸುಲಭ; ಇದಕ್ಕಾಗಿ ನೀವು ಮಾಡಬೇಕಾಗಿರೋದು ಇಷ್ಟೇ…!

ಆಧಾರ್ ಕಾರ್ಡ್ ಭಾರತದ ನಾಗರಿಕರಿಗೆ ಬೇಕಾದ ಪ್ರಮುಖ ದಾಖಲೆಗಳಲ್ಲಿ ಒಂದಾಗಿದೆ. ಬಹುತೇಕ ಎಲ್ಲಾ ಸರ್ಕಾರಿ ಕೆಲಸಗಳಿಗೂ ಈ ಡಾಕ್ಯುಮೆಂಟ್ ಬೇಕೇ ಬೇಕು. ಕೆಲವೊಮ್ಮೆ ಆಧಾರ್‌ ಕಾರ್ಡ್‌ ಮಾಡುವ ಸಂದರ್ಭದಲ್ಲಿ ತೆಗೆದ ಫೋಟೋ ಸರಿಯಾಗಿ ಬರುವುದೇ ಇಲ್ಲ.

ವಯಸ್ಸು ಹೆಚ್ಚಾದಂತೆ ಮುಖದಲ್ಲಿ ಬದಲಾವಣೆ ಕೂಡ ಆಗಬಹುದು. ಆಧಾರ್ ಕಾರ್ಡ್‌ನ ಫೋಟೋ ಬದಲಾಯಿಸಬೇಕು ಎಂದುಕೊಂಡವರಿಗೆ ಸುಲಭವಾದ ವಿಧಾನ ಇಲ್ಲಿದೆ.

ಅನೇಕ ಜನರು ತಮ್ಮ ಆಧಾರ್ ಕಾರ್ಡ್‌ನ ಫೋಟೋವನ್ನು ಬದಲಾಯಿಸಲು ಮತ್ತು ಅದನ್ನು ನವೀಕರಿಸಲು ಬಯಸುತ್ತಾರೆ. ಸರಳವಾದ ಪ್ರಕ್ರಿಯೆಯನ್ನು ಅನುಸರಿಸುವ ಮೂಲಕ ನೀವು ಆಧಾರ್ ಕಾರ್ಡ್‌ನ ಫೋಟೋವನ್ನು ನವೀಕರಿಸಬಹುದು.  ಹತ್ತಿರದ ಆಧಾರ್ ನೋಂದಣಿ ಕೇಂದ್ರಕ್ಕೆ ಭೇಟಿ ನೀಡಿ, ಆಧಾರ್ ಕಾರ್ಡ್‌ನಲ್ಲಿ ನಿಮ್ಮ ವಿವರಗಳನ್ನು ನವೀಕರಿಸಬಹುದು. ಫೋಟೋವನ್ನು ಸಹ ಅಲ್ಲಿ ನವೀಕರಿಸಬಹುದು.ಆಧಾರ್ ಕಾರ್ಡ್‌ನಲ್ಲಿ ಫೋಟೋ ಬದಲಾಯಿಸಲು ಈ ಹಂತಗಳನ್ನು ಅನುಸರಿಸಿ…

ಹಂತ 1: ಹತ್ತಿರದ ಆಧಾರ್ ನೋಂದಣಿ ಕೇಂದ್ರ/ಆಧಾರ್ ಸೇವಾ ಕೇಂದ್ರಕ್ಕೆ ಭೇಟಿ ನೀಡಿ.

ಹಂತ 2: UIDAI ವೆಬ್‌ಸೈಟ್‌ನಿಂದ ಆಧಾರ್ ನೋಂದಣಿ/ತಿದ್ದುಪಡಿ/ಅಪ್‌ಡೇಟ್ ಫಾರ್ಮ್ ಅನ್ನು ಡೌನ್‌ಲೋಡ್ ಮಾಡಿ.

ಹಂತ 3: ಫಾರ್ಮ್ ಅನ್ನು ಭರ್ತಿ ಮಾಡಿ.

ಹಂತ 4: ನಿಮ್ಮ ಫಾರ್ಮ್ ಅನ್ನು ಅಲ್ಲಿನ ಉದ್ಯೋಗಿಗೆ ಸಲ್ಲಿಸಿ ಮತ್ತು ನಿಮ್ಮ ಬಯೋಮೆಟ್ರಿಕ್ ವಿವರಗಳನ್ನು ನೀಡಿ.

ಹಂತ 5: ಈಗ ಉದ್ಯೋಗಿ ನಿಮ್ಮ ಲೈವ್ ಚಿತ್ರವನ್ನು ತೆಗೆದುಕೊಳ್ಳುತ್ತಾರೆ.

ಹಂತ 6: ನಿಮ್ಮ ವಿವರಗಳನ್ನು ಅನುಮೋದಿಸಲು ನೀವು ಬಯೋಮೆಟ್ರಿಕ್‌ಗಳನ್ನು ಒದಗಿಸಬೇಕಾಗುತ್ತದೆ.

ಹಂತ 7: ವಿವರಗಳನ್ನು ನವೀಕರಿಸಲು ರೂಪಾಯಿ 100 ಪಾವತಿಸಬೇಕು.

ಹಂತ 8: ನೀವು URN ಒಳಗೊಂಡಿರುವ ಸ್ವೀಕೃತಿ ಚೀಟಿಯನ್ನು ಪಡೆಯುತ್ತೀರಿ.

ಹಂತ 9: UIDAI ಆಧಾರ್ ಅಪ್‌ಡೇಟ್ ಸ್ಥಿತಿಯನ್ನು ಪರಿಶೀಲಿಸಲು ಅಪ್‌ಡೇಟ್ ವಿನಂತಿ ಸಂಖ್ಯೆ (URN) ಅನ್ನು ಬಳಸಬಹುದು.