ʼಆಧಾರ್ʼ ನೊಂದಿಗೆ ಪಾನ್​ ಕಾರ್ಡ್​ ಲಿಂಕ್​ ಮಾಡಲು ಇಲ್ಲಿದೆ ಮಾಹಿತಿ

ಪಾನ್​ ಕಾರ್ಡ್​ ಹೊಂದಿರುವವರು ಮಾರ್ಚ್ 31 ರ ಒಳಗಾಗಿ ಪಾನ್ ​ಕಾರ್ಡ್ ಆಧಾರ್​ ಕಾರ್ಡ್​ನೊಂದಿಗೆ ಲಿಂಕ್​ ಮಾಡಲು ಸೂಚಿಸಲಾಗಿದೆ. ಈ ಗಡುವಿನ ಒಳಗಾಗಿ ನೀವು ಆಧಾರ್​ ಕಾರ್ಡ್​ನೊಂದಿಗೆ ಪಾನ್​ ಲಿಂಕ್​ ಮಾಡದೇ ಇದ್ದರೆ ನಿಮ್ಮ ಪಾನ್​​ ಕಾರ್ಡ್​ ನಿಷ್ಕ್ರಿಯಗೊಳ್ಳಲೂಬಹುದು.

ಈ ಡೆಡ್​ಲೈನ್​ ಮುಗಿದ ಬಳಿಕ ನೀವು ಆಧಾರ್​ನೊಂದಿಗೆ ಪಾನ್​ ಲಿಂಕ್​ ಮಾಡಬೇಕು ಎಂದರೆ 1000 ರೂಪಾಯಿಗಳನ್ನು ಪಾವತಿ ಮಾಡಬೇಕಾಗುತ್ತದೆ. ಅಲ್ಲದೇ ನಿಮಗೆ ಮ್ಯೂಚುವಲ್ ಫಂಡ್​, ಸ್ಟಾಕ್​ಗಳು, ಓಪನ್​ ಬ್ಯಾಂಕ್​ ಖಾತೆಗಳಿಗೆ ಪಾನ್​ ಕಾರ್ಡ್​ಗಳು ಅವಶ್ಯಕವಾಗಿ ಬೇಕಾಗಿರುವುದರಿಂದ ಇಲ್ಲಿ ಹೂಡಿಕೆ ಮಾಡಲು ಸಾಧ್ಯವಾಗುವುದಿಲ್ಲ .

ಹಾಗಾದರೆ ಆಧಾರ್​ನೊಂದಿಗೆ ಪಾನ್​ ಕಾರ್ಡ್​ನ್ನು ಲಿಂಕ್​ ಮಾಡುವುದು ಹೇಗೆ ಎಂಬುದನ್ನು ತಿಳಿದುಕೊಳ್ಳೋಣ :

ಮೊದಲು ಆದಾಯ ತೆರಿಗೆ ಅಧಿಕೃತ ವೆಬ್​ಸೈಟ್​​ಗೆ ಭೇಟಿ ಕೊಡಿ.

ಇಲ್ಲಿ ನಿಮ್ಮ ಹೆಸರು, ಪಾನ್​ ಸಂಖ್ಯೆ, ಆಧಾರ್​ ಸಂಖ್ಯೆಯನ್ನು ನಮೂದಿಸಿ.

ಆಧಾರ್ ಕಾರ್ಡ್‌ನಲ್ಲಿ ಹುಟ್ಟಿದ ವರ್ಷವನ್ನು ಮಾತ್ರ ನೀಡಿದರೆ ಸ್ಕ್ವೈರ್ ಮೇಲೆ ಟಿಕ್​ ಮಾಡಿ.

ಕ್ಯಾಪ್ಚಾ ಕೋಡ್​ನ್ನು ನಮೂದಿಸಿ.

ಲಿಂಕ್​​ ಆಧಾರ್​ ಬಟನ್​ ಮೇಲೆ ಕ್ಲಿಕ್​ ಮಾಡಿ.

ಇದೀಗ ನಿಮ್ಮ ಪಾನ್​ ಖಾತೆಯು ಆಧಾರ್​ ಕಾರ್ಡ್ನೊಂದಿಗೆ ಲಿಂಕ್​ ಆಗಲಿದೆ.

ಎಸ್​ಎಂಎಸ್​ ಮೂಲಕ ಪಾನ್​ ಕಾರ್ಡ್​ನ್ನು ಆಧಾರ್​ನೊಂದಿಗೆ ಲಿಂಕ್​ ಮಾಡಲು ಈ ರೀತಿ ಮಾಡಿ :

ನಿಮ್ಮ ಫೋನ್​ನಲ್ಲಿ UIDPAN ಎಂದು ಟೈಪ್​ ಮಾಡಿ. ಇದಾದ ಬಳಿಕ ನಿಮ್ಮ 12 ಸಂಖ್ಯೆಗಳ ಆಧಾರ್​ ಸಂಖ್ಯೆಯನ್ನು ಟೈಪ್​ ಮಾಡಿ .

ಇದಾದ ಬಳಿಕ 10 ಸಂಖ್ಯೆಗಳ ಪಾನ್​ ಸಂಖ್ಯೆಯನ್ನು ನಮೂದಿಸಿ. ಇದಾದ ಬಳಿಕ ಈ ಮೆಸೇಜ್​ನ್ನು 567678ಗೆ ಕಳುಹಿಸಿ ಅಥವಾ 56161ಗೂ ಕಳುಹಿಸಬಹುದು.