ಆಗಸ್ಟ್ 15ರಂದು ಭಾರತಕ್ಕೆ 75 ನೇ ಸ್ವಾತಂತ್ರ್ಯೋತ್ಸವದ ಸಂಭ್ರಮ. ಭಾರತವನ್ನು ಬ್ರಿಟಿಷ್ ಆಳ್ವಿಕೆಯಿಂದ ಮುಕ್ತಗೊಳಿಸಲು, ಸಾವಿರಾರು ಹೋರಾಟಗಾರರು ತಮ್ಮ ಪ್ರಾಣವನ್ನೇ ತ್ಯಾಗ ಮಾಡಿದ್ದರಿಂದ ಈಗ ಕೋಟ್ಯಾಂತರ ಭಾರತೀಯರು ಸ್ವಾತಂತ್ರ್ಯವನ್ನು ಆನಂದಿಸುತ್ತಿದ್ದಾರೆ.
ಎಪ್ಪತ್ತೈದು ವರ್ಷಗಳ ಹಿಂದೆ, ಆಗಸ್ಟ್ 15, 1947 ರಂದು ಭಾರತದ ಮೊದಲ ಸ್ವಾತಂತ್ರ್ಯ ದಿನವನ್ನು ಆಚರಿಸಲಾಯ್ತು. ಈ ದಿನಾಂಕವನ್ನು ಯಾರು ನಿರ್ಧರಿಸಿದರು? ಏಕೆ ಆಗಸ್ಟ್ 15, ಬೇರೆ ದಿನಾಂಕದಂದು ಆಚರಿಸುವುದಿಲ್ಲವೇಕೆ? ಈ ಎಲ್ಲಾ ಪ್ರಶ್ನೆಗಳಿಗೆ ಉತ್ತರ ಇಲ್ಲಿದೆ.
ಹಲವಾರು ವರ್ಷಗಳ ಹೋರಾಟದ ನಂತರ ಬ್ರಿಟಿಷ್ ಸಂಸತ್ತು ಅಂತಿಮವಾಗಿ ಭಾರತವನ್ನು ಸ್ವತಂತ್ರಗೊಳಿಸಲು ನಿರ್ಧರಿಸಿತು. ಅಲ್ಲಿನ ಸಂಸತ್ತು ಜೂನ್ 30, 1948 ರೊಳಗೆ ಅಧಿಕಾರವನ್ನು ಭಾರತಕ್ಕೆ ವರ್ಗಾಯಿಸಲು, ಭಾರತದ ಕೊನೆಯ ಬ್ರಿಟಿಷ್ ಗವರ್ನರ್-ಜನರಲ್ ಲೂಯಿಸ್ ಮೌಂಟ್ ಬ್ಯಾಟನ್‌ಗೆ ಆದೇಶ ನೀಡಿತ್ತು. ಆದರೆ ಮೌಂಟ್ ಬ್ಯಾಟನ್ ದಿನಾಂಕವನ್ನು ಮುಂದೂಡಲು ನಿರ್ಧರಿಸಿದರು. ಬಳಿಕ ಭಾರತ ಸರ್ಕಾರಕ್ಕೆ ಅಧಿಕಾರವನ್ನು ವರ್ಗಾಯಿಸಲು ಆಗಸ್ಟ್ 15, 1947ನ್ನು ಅನ್ನು ಆಯ್ಕೆ ಮಾಡಿಕೊಂಡ್ರು.
ಎರಡು ಕಾರಣಗಳನ್ನು ನೀಡುವ ಮೂಲಕ ಈ ನಡೆಯನ್ನು ಸಮರ್ಥಿಸಿಕೊಂಡರು. ಮೊದಲನೆಯದಾಗಿ ತಾನು ರಕ್ತಪಾತ ಅಥವಾ ಗಲಭೆಗಳನ್ನು ಬಯಸುವುದಿಲ್ಲ ಎಂದರು. ಎರಡನೆಯದಾಗಿ ಮೌಂಟ್ ಬ್ಯಾಟನ್ ಆಗಸ್ಟ್ 15ನ್ನು ಆಯ್ಕೆ ಮಾಡಿದ್ದು ಏಕೆಂದರೆ ಈ ದಿನಾಂಕ ಎರಡನೇ ವಿಶ್ವಯುದ್ಧದಲ್ಲಿ ಜಪಾನ್ ಶರಣಾಗತಿಯ ಎರಡನೇ ವಾರ್ಷಿಕೋತ್ಸವವನ್ನು ಗುರುತಿಸಿತು.
ಈ ಬಗ್ಗೆ ಫ್ರೀಡಂ ಅಟ್ ಮಿಡ್‌ನೈಟ್ ಪುಸ್ತಕದಲ್ಲಿ ಉಲ್ಲೇಖಿಸಲಾಗಿದೆ. “ನಾನು ಆಯ್ಕೆ ಮಾಡಿದ ದಿನಾಂಕವು ನೀಲಿ ಬಣ್ಣದಿಂದ ಹೊರಬಂದಿದೆ. ಪ್ರಶ್ನೆಯೊಂದಕ್ಕೆ ಉತ್ತರವಾಗಿ ನಾನು ಅದನ್ನು ಆರಿಸಿದೆ. ನಾನು ಇಡೀ ಘಟನೆಯ ಮಾಸ್ಟರ್ ಎಂದು ತೋರಿಸಲು ನಿರ್ಧರಿಸಿದೆ. ನಾವು ದಿನಾಂಕವನ್ನು ನಿಗದಿಪಡಿಸಿದ್ದೇವೆಯೇ ಎಂದು ಅವರು ಕೇಳಿದಾಗ, ಅದು ಶೀಘ್ರದಲ್ಲೇ ಆಗಬೇಕೆಂದು ನನಗೆ ತಿಳಿದಿತ್ತು. ನಾನು ಅದನ್ನು ನಿಖರವಾಗಿ ಮಾಡಲಿಲ್ಲ – ಅದು ಆಗಸ್ಟ್ ಅಥವಾ ಸೆಪ್ಟೆಂಬರ್ ಆಗಿರಬೇಕು ಎಂದು ನಾನು ಭಾವಿಸಿದೆ, ಮತ್ತು ನಾನು ಆಗಸ್ಟ್ 15ನ್ನು ಅಂತಿಮಗೊಳಿಸಿದೆ. ಏಕೆಂದರೆ ಅದು ಜಪಾನ್‌ನ ಶರಣಾಗತಿಯ ಎರಡನೇ ವಾರ್ಷಿಕೋತ್ಸವವಾಗಿತ್ತು.”
ಮೌಂಟ್‌ಬ್ಯಾಟನ್‌ನ ನಿರ್ಧಾರದ ನಂತರ, ಜುಲೈ 4, 1947 ರಂದು ಬ್ರಿಟಿಷ್ ಸಂಸತ್ತಿನ ಹೌಸ್ ಆಫ್ ಕಾಮನ್ಸ್‌ನಲ್ಲಿ ಭಾರತೀಯ ಸ್ವಾತಂತ್ರ್ಯ ಮಸೂದೆಯನ್ನು ಅಂಗೀಕರಿಸಲಾಯಿತು. ಭಾರತದ ಸ್ವಾತಂತ್ರ್ಯದ ಹೊರತಾಗಿ, ಅಂದಿನ ದೇಶವನ್ನು ಭಾರತ ಮತ್ತು ಪಾಕಿಸ್ತಾನ ಎಂದು ವಿಭಜಿಸಲು ಮಸೂದೆ ಕರೆ ನೀಡಿತು.
Loading ...