ಅಮೆರಿಕನ್ನರಿಗೆ ತಲೆನೋವಾಗಿದೆ ವಿಚಿತ್ರ ರೋಗ ಹರಡುವ ಈ ಪುಟ್ಟ ಕೀಟ; ಭಾರತಕ್ಕೂ ಇದೆಯಾ ಅಪಾಯ….?

ಸಣ್ಣ ಕೀಟವೊಂದು ಅಮೆರಿಕಕ್ಕೆ ತಲೆನೋವಾಗಿ ಪರಿಣಮಿಸಿದೆ. ಕೀಟ ಕಡಿತದಿಂದ ರೋಗವು ವೇಗವಾಗಿ ಹರಡುತ್ತಿದೆ. ಇದರ ಹೆಸರು ರೆಡ್‌ ಮೀಟ್‌ ಅಲರ್ಜಿ. ಲೋನ್ ಸ್ಟಾರ್ ಟಿಕ್ ಎಂಬ ಕೀಟದ ಕಚ್ಚುವಿಕೆಯಿಂದ ಈ ರೋಗ ಪಸರಿಸುತ್ತಿದೆ. ಇದರ ವೈಜ್ಞಾನಿಕ ಹೆಸರು ಅಂಬ್ಲಿಯೋಮಾ ಅಮೇರಿಕಾನಮ್. ಒಬ್ಬ ವ್ಯಕ್ತಿಯು ಈ ಕೀಟದಿಂದ ಕಚ್ಚಿಸಿಕೊಂಡ ನಂತರ ಮಾಂಸವನ್ನು ಸೇವಿಸಿದರೆ ಆತನಿಗೆ ಅಲರ್ಜಿ ಶುರುವಾಗುತ್ತದೆ. ಆರಂಭದಲ್ಲಿ ತುಂಬಾ ಸೌಮ್ಯವಾಗಿರುವ ಸಮಸ್ಯೆ ನಂತರ ಹೆಚ್ಚಾಗುತ್ತದೆ.

ಸದ್ಯ ಅಮೆರಿಕದಲ್ಲಿ ಸಾಕಷ್ಟು ಜನರಿಗೆ ಈ ಸೋಂಕು ತಗುಲಿದ್ದು, ಜನರು ಆಸ್ಪತ್ರೆಗಳಲ್ಲಿ ಜಮಾಯಿಸಿದ್ದಾರೆ. ಈ ಕಾಯಿಲೆಯ ಲಕ್ಷಣಗಳು ಮತ್ತು ಪರಿಹಾರಗಳೇನು? ಭಾರತದಲ್ಲೂ ಇದರ ಅಪಾಯವಿದೆಯೇ ಎಂದು ತಿಳಿಯೋಣ. ವೈದ್ಯರು ಹೇಳುವ ಪ್ರಕಾರ ಲೋನ್ ಸ್ಟಾರ್ ಟಿಕ್‌ನಲ್ಲಿ ವಿಶೇಷ ರೀತಿಯ ಸಕ್ಕರೆ ಕಂಡು ಬರುತ್ತದೆ, ಇದನ್ನು ಆಲ್ಫಾ ಗಾಲ್ ಎಂದು ಕರೆಯಲಾಗುತ್ತದೆ. ಹುಳು ಯಾರನ್ನಾದರೂ ಕಚ್ಚಿದಾಗ ಅದರ ಪಿತ್ತ ದೇಹದೊಳಗೆ ತಲುಪುತ್ತದೆ. ಕೆಂಪು ಮಾಂಸದಲ್ಲಿಯೂ ಇದೇ ಪಿತ್ತ ಕಂಡುಬರುತ್ತದೆ. ಕೀಟಗಳು ಪ್ರಾಣಿಗಳನ್ನು ಕಚ್ಚಿದಾಗ, ಪ್ರಾಣಿಗಳ ದೇಹಕ್ಕೂ ಪಿತ್ತ ಸೇರಿಕೊಳ್ಳುತ್ತದೆ. ಈ ಪ್ರಾಣಿಗಳ ಮಾಂಸವನ್ನು ಸೇವಿಸಿದಾಗ ಜನರಿಗೆ ಅಲರ್ಜಿ ಶುರುವಾಗುತ್ತದೆ.

ಅಲರ್ಜಿಗೆ ಕಾರಣವೇನು?

ಹುಳು ಕಚ್ಚಿ ಆಲ್ಫಾ ಗಾಲ್ ದೇಹವನ್ನು ತಲುಪಿದಾಗ ಪ್ರತಿಕಾಯಗಳು ರೂಪುಗೊಳ್ಳುತ್ತವೆ. ಮಾಂಸವನ್ನು ತಿಂದ ನಂತರ ಪ್ರತಿಕಾಯವು ಸಕ್ರಿಯವಾಗುತ್ತದೆ ಮತ್ತು ಅದಕ್ಕೆ ಅಲರ್ಜಿಯ ರೂಪವನ್ನು ನೀಡುತ್ತದೆ. ಅಲರ್ಜಿಯು ಚರ್ಮದಿಂದ ಪ್ರಾರಂಭವಾಗುತ್ತದೆ. ಜ್ವರದ ಜೊತೆಗೆ ಇನ್ನೂ ಹಲವು ರೀತಿಯ ಸಮಸ್ಯೆಗಳಾಗುತ್ತವೆ.

ಭಾರತದಲ್ಲೂ ಈ ರೋಗದ ಅಪಾಯವಿದೆಯೇ?

ತಜ್ಞರ ಪ್ರಕಾರ ಈ ಟಿಕ್ ವರ್ಮ್ ಭಾರತದಲ್ಲಿ ಬಹಳ ವಿರಳವಾಗಿ ಕಂಡುಬರುತ್ತದೆ. ಇದು ಅಮೆರಿಕ ಮತ್ತು ಮೆಕ್ಸಿಕೋದಲ್ಲಿ ದೊಡ್ಡ ಪ್ರಮಾಣದಲ್ಲಿದೆ. ಈ ರೀತಿಯ ಅಲರ್ಜಿಯ ಪ್ರಕರಣಗಳು ಅಮೆರಿಕದಲ್ಲಿ ಮೊದಲು ಪತ್ತೆಯಾದವು. ಈ ಅಲರ್ಜಿ ತುಂಬಾ ಅಪಾಯಕಾರಿಯೇನಲ್ಲ, ಆದರೂ ಜನರು ಜಾಗರೂಕರಾಗಿರಬೇಕು.

ಅಲರ್ಜಿಯ ಲಕ್ಷಣಗಳು…

ಚರ್ಮದಲ್ಲಿ ತುರಿಕೆ

ಹೊಟ್ಟೆ ನೋವು

ಸೀನು

ಮೂಗು ಸೋರುವಿಕೆ

ಅಲರ್ಜಿಯನ್ನು ತಡೆಗಟ್ಟಲು ಕೆಲವು ಮುನ್ನೆಚ್ಚರಿಕೆಗಳನ್ನು ವಹಿಸಬೇಕು. ಹುಲ್ಲು ಮತ್ತು ಗಿಡಗಳಿರುವ ಪ್ರದೇಶಗಳಲ್ಲಿ ಬರಿಗಾಲಿನಲ್ಲಿ ನಡೆಯಬೇಡಿ. ಮನೆಯ ಸುತ್ತ ಸ್ವಚ್ಛತೆ ಕಾಪಾಡಿ. ಮನೆಯಲ್ಲಿ ಕೀಟನಾಶಕವನ್ನು ಬಳಸಿ. ಪೂರ್ಣ ತೋಳಿನ ಬಟ್ಟೆಗಳನ್ನು ಧರಿಸಿ. ಕೀಟ ಕಡಿದರೆ ತಕ್ಷಣ ವೈದ್ಯರನ್ನು ಭೇಟಿ ಮಾಡಿ.