‘ಅಕ್ಷಯ ತೃತೀಯ’ ದಂದು ಚಿನ್ನ ಖರೀದಿಸುವ ಲೆಕ್ಕಾಚಾರದಲ್ಲಿದ್ದವರಿಗೆ ಬಿಗ್ ಶಾಕ್

ಅಕ್ಷಯ ತೃತೀಯದಂದು ಚಿನ್ನಾಭರಣ ಖರೀದಿಸಿದರೆ ಸಂಪತ್ತು ವೃದ್ಧಿಯಾಗುತ್ತದೆ ಎಂಬ ನಂಬಿಕೆ ಇದೆ. ಈ ಹಿನ್ನೆಲೆಯಲ್ಲಿ ಅಂದು ತಮ್ಮ ಕೈಲಾದಷ್ಟು ಚಿನ್ನ ಖರೀದಿಸಲು ಬಹುತೇಕರು ಬಯಸುತ್ತಾರೆ. ಆದರೆ ಚಿನ್ನ ಖರೀದಿಸುವ ಲೆಕ್ಕಾಚಾರದಲ್ಲಿದ್ದವರಿಗೆ ಶಾಕಿಂಗ್ ಸುದ್ದಿಯೊಂದು ಇಲ್ಲಿದೆ.

ಹೌದು, ಕಳೆದ ಕೆಲವು ದಿನಗಳಿಂದ ಚಿನ್ನದ ದರ ಏರಿಕೆಯಾಗುತ್ತಿದ್ದು, ಸದ್ಯ 10 ಗ್ರಾಂ ಆಭರಣ ಚಿನ್ನದ ಬೆಲೆ 49,850 ರೂಪಾಯಿಗಳಿದ್ದರೆ, ಗಟ್ಟಿ ಚಿನ್ನ 10 ಗ್ರಾಂ ಗೆ 54,380 ರೂಪಾಯಿ ತಲುಪಿದೆ. ಇದಕ್ಕೆ ಜಿ.ಎಸ್.ಟಿ. ಹಾಗೂ ಮೇಕಿಂಗ್ ಚಾರ್ಜ್ ಪ್ರತ್ಯೇಕವಾಗಿದೆ. ಅಕ್ಷಯ ತೃತೀಯದ ಹೊತ್ತಿಗೆ ಚಿನ್ನದ ದರ ಮತ್ತಷ್ಟು ದುಬಾರಿಯಾಗಬಹುದು ಎಂದು ಹೇಳಲಾಗಿದೆ.

ದರ ಹೆಚ್ಚಾದರೂ ಸಹ ಅಕ್ಷಯ ತೃತೀಯದಂದು ಬಹುತೇಕರು ಚಿನ್ನ ಖರೀದಿಸಲಿದ್ದು, ಖರೀದಿ ಪ್ರಮಾಣ ಕಡಿಮೆಯಾಗಬಹುದಾದರೂ ಗ್ರಾಹಕರ ಸಂಖ್ಯೆ ಹೆಚ್ಚಾಗಿಯೇ ಇರಲಿದೆ ಎಂದು ಕರ್ನಾಟಕ ರಾಜ್ಯ ಆಭರಣ ವರ್ತಕರ ಒಕ್ಕೂಟದ ಪ್ರಧಾನ ಕಾರ್ಯದರ್ಶಿ ಡಾ. ಬಿ. ರಾಮಾಚಾರಿ ತಿಳಿಸಿದ್ದಾರೆ.