ಟಿವಿಯಲ್ಲಿ ಶಕ್ತಿಮಾನ್ ಮತ್ತು ಭೀಷ್ಮ ಪಿತಾಮಹ ಪಾತ್ರದ ಮೂಲಕ ಜನಪ್ರಿಯತೆ ಗಳಿಸಿರುವ ಹಿರಿಯ ನಟ ಮುಖೇಶ್ ಖನ್ನಾ ವಿರುದ್ಧ ತೀವ್ರ ಆಕ್ರೋಶ ವ್ಯಕ್ತವಾಗಿದೆ. ಮಹಿಳೆಯರ ಬಗೆಗಿನ ಅಸಂಬದ್ಧ ಹೇಳಿಕೆ ನೆಟ್ಟಿಗರಿಗೆ ಕೋಪ ತರಿಸಿದೆ.
ಮುಖೇಶ್ ಖನ್ನಾ ಭೀಷ್ಮ್ ಇಂಟರ್‌ ನ್ಯಾಶನಲ್‌ ಎಂಬ ಯುಟ್ಯೂಬ್‌ ಚಾನೆಲ್‌ ಹೊಂದಿದ್ದಾರೆ. “ಕ್ಯಾ ಆಪ್‌ಕೋ ಭಿ ಐಸಿ ಲಡ್ಕಿಯಾ ಲುಭಾತಿ ಹೈ?” ಎಂಬ ಶೀರ್ಷಿಕೆಯೊಂದಿಗೆ ವಿಡಿಯೋ ಒಂದನ್ನು ಯುಟ್ಯೂಬ್‌ ಚಾನೆಲ್‌ನಲ್ಲಿ ಅಪ್ಲೋಡ್‌ ಮಾಡಿದ್ದರು. ಆ ಕ್ಲಿಪ್ ವೈರಲ್ ಆಗುತ್ತಿದ್ದಂತೆಯೇ ಇಂಟರ್ನೆಟ್‌ನಲ್ಲಿ ಮುಖೇಶ್ ಖನ್ನಾ ವಿರುದ್ಧ ತೀವ್ರ ಆಕ್ರೋಶ ವ್ಯಕ್ತವಾಗಿದೆ.
ಯಾವುದೇ ಒಬ್ಬ ಮಹಿಳೆ ಒಬ್ಬ ಪುರುಷನ ಬಳಿ ನಾನು ನಿನ್ನೊಂದಿಗೆ ಸಂಭೋಗ ನಡೆಸಲು ಬಯಸುತ್ತೇನೆಂದು ಹೇಳಿದರೆ ಆಕೆ ಸಾಮಾನ್ಯಳಲ್ಲ, ಆಕೆ ದಂಧೆ ನಡೆಸಲು ಬಯಸುತ್ತಾಳೆ ಎಂದರ್ಥ. ಯಾಕೆಂದರೆ ಇಂತಹ ನಿರ್ಲಜ್ಜ ಮಾತನ್ನು ಸಭ್ಯ ಸಮಾಜದ ಯಾವ ಮಹಿಳೆಯೂ ಆಡಲು ಸಾಧ್ಯವಿಲ್ಲ ಎಂದೆಲ್ಲ ಮುಖೇಶ್ ಖನ್ನಾ ಹೇಳಿದ್ದರು. ಮಹಿಳೆಯರ ಬಗ್ಗೆ ಈ ರೀತಿಯ ಸಂವೇದನಾರಹಿತ ಹೇಳಿಕೆ ನೀಡಿರೋದು ನೆಟ್ಟಿಗರನ್ನು ಕೆರಳಿಸಿದೆ.
ಕಾಮೆಂಟ್‌ ವಿಭಾಗದಲ್ಲಿ 64 ವರ್ಷದ ಈ ನಟನ ಬಗ್ಗೆ ತೀವ್ರ ವಿರೋಧ ವ್ಯಕ್ತವಾಗಿದೆ. ಬಾಲ್ಯದಲ್ಲಿ ಎಲ್ಲರ ನೆಚ್ಚಿನ ಹೀರೋ ಆಗಿದ್ದ ಶಕ್ತಿಮಾನ್ ಇವರೇನಾ ಅಂತಾ ಹಲವರು ಪ್ರಶ್ನಿಸಿದ್ದಾರೆ. ವಿಡಿಯೋದಲ್ಲಿನ ಅಸಂಬದ್ಧ ಮಾತುಗಳ ಬಗ್ಗೆ ತೀವ್ರ ಬೇಸರ ವ್ಯಕ್ತಪಡಿಸಿದ್ದಾರೆ.
Loading ...