ʼಡ್ರೋನ್‌ʼ ಮೂಲಕ ಸೆರೆಯಾಗಿದೆ ಲಕ್ಷಾಂತರ ಮೀನುಗಳ ನಡುವೆ ಸಾಗಿದ ಶಾರ್ಕ್‌ ಗಳ ಮನಮೋಹಕ ದೃಶ್ಯ

64 ವರ್ಷದ ಉದ್ಯಮಿ ಹರ್ಷ್ ಗೋಯೆಂಕಾ ಅವರು ಬೆರಗುಗೊಳಿಸುವ ವಿಡಿಯೋವನ್ನು ಹಂಚಿಕೊಂಡಿದ್ದಾರೆ. ಸಮುದ್ರದ ಮಧ್ಯದಲ್ಲಿ ಶಾರ್ಕ್ ಮೀನುಗಳು ಈಜು ಹೊಡೆಯುತ್ತಿರುವ ದೃಶ್ಯ ಇದಾಗಿದೆ. ಮೊದಲಿಗೆ ಈ ವಿಡಿಯೋವನ್ನು ಮೈಕ್ ಹುಡೆಮಾ ಎಂಬುವವರು ಹಂಚಿಕೊಂಡಿದ್ದು, 2 ಮಿಲಿಯನ್ ವೀಕ್ಷಣೆಗಳನ್ನು ಗಳಿಸಿದೆ.

ಇದೀಗ ಈ ವಿಡಿಯೋವನ್ನು ಹರ್ಷ್ ಗೋಯೆಂಕಾ ಅವರು ಹಂಚಿಕೊಂಡಿದ್ದಾರೆ. ಸಮುದ್ರದದಲ್ಲಿ ಬೃಹತ್ ಮೀನುಗಳ ಗುಂಪಿನ ಮಧ್ಯೆ ನಾಲ್ಕು ಶಾರ್ಕ್ ಮೀನುಗಳು ಚಲಿಸಿವೆ. ಕುತೂಹಲಕಾರಿಯಾದ ಈ ದೃಶ್ಯವು ಡ್ರೋನ್ ಕ್ಯಾಮರಾದಲ್ಲಿ ಸೆರೆ ಹಿಡಿಯಲ್ಪಟ್ಟಿದೆ.

ಸಮುದ್ರದ ಮಧ್ಯದಲ್ಲಿರುವ ಶಾರ್ಕ್‌ಗಳಿಗೆ ಅಸಂಖ್ಯಾತ ಮೀನುಗಳು ಹೇಗೆ ದಾರಿ ಮಾಡಿಕೊಟ್ಟವು ಎಂಬುದನ್ನು ವಿಡಿಯೋದಲ್ಲಿ ನೋಡಬಹುದು. ತಮಗಿಂತ ದೊಡ್ಡ ವ್ಯಕ್ತಿಗಳು (ಪ್ರಭಾವಿಗಳು) ಬಂದಾಗ ಜನರು ಅವರಿಗೆ ಹೇಗೆ ದಾರಿಮಾಡಿಕೊಡುತ್ತಾರೋ ಅದೇ ರೀತಿ ಭೀತಿಯಿಂದ ಈ ಅಸಂಖ್ಯಾತ ಮೀನುಗಳು ಶಾರ್ಕ್ ಮೀನುಗಳಿಗೆ ದಾರಿ ಮಾಡಿಕೊಟ್ಟಂತಿದೆ.

ಈ ವಿಡಿಯೋ ನೋಡಿ ನೆಟ್ಟಿಗರು ಕೂಡ ಬೆಚ್ಚಿ ಬಿದ್ದಿದ್ದಾರೆ. ಈ ವಿಡಿಯೋಗೆ ಕೆಲವರು ಹಾಸ್ಯಾಸ್ಪದ ಕಾಮೆಂಟ್‌ಗಳೊಂದಿಗೆ ಪ್ರತಿಕ್ರಿಯಿಸಿದ್ದಾರೆ. ದೊಡ್ಡವರಿಗೆ, ಬೃಹತ್ ಸಮೂಹವೂ ಹೆದರುತ್ತದೆ  ಎಂದು ಬಳಕೆದಾರರು ಪ್ರತಿಕ್ರಿಯಿಸಿದ್ದಾರೆ.