ʼಕಾಂತಾರʼ ನೋಡಿದ ಅನುಷ್ಕಾ ಶೆಟ್ಟಿ ಏನಂದ್ರು ಗೊತ್ತಾ..?

ಸದ್ಯ ಕಾಂತಾರ ಸಿನಿಮಾ ಕಮಾಲ್ ಮಾಡ್ತಾ ಇದೆ. ಒಂದೊಂದೆ ದಾಖಲೆಗಳನ್ನು ಉಡೀಸ್ ಮಾಡುವ ಮೂಲಕ ತನ್ನದೇ ಆದ ಹೊಸ ದಾಖಲೆಯೊಂದನ್ನು ಬರೆಯಲು ಮುನ್ನುಗ್ಗುತ್ತಿದೆ. ಬೇರೆ ಬೇರೆ ಭಾಷೆಯಲ್ಲೂ ಕಮಾಲ್ ಮಾಡ್ತಾ ಇರುವ ಈ ಸಿನಿಮಾವನ್ನು ನಟಿ ಅನುಷ್ಕ ಶೆಟ್ಟಿ ವೀಕ್ಷಣೆ ಮಾಡಿದ್ದಾರೆ. ಸಿನಿಮಾ ನೋಡಿದ ನಟಿ ಅತ್ಯುತ್ತಮ ಸಿನಿಮಾ ಎಂದು ಹಾಡಿ ಹೊಗಳಿದ್ದಾರೆ.

ಹೌದು, ಈ ಸಿನಿಮಾ ನೋಡಿದ ಅನುಷ್ಕಾ ಶೆಟ್ಟಿ, ರಿಷಬ್ ನಟನೆಗೆ ಫಿದಾ ಆಗಿದ್ದಾರೆ. ಅಷ್ಟೆ ಅಲ್ಲ ಇಡೀ ಸಿನಿಮಾ ತಂಡಕ್ಕೆ ಅಭಿನಂದನೆ ಸಲ್ಲಿಸಿದ್ದಾರೆ. ಈ ಮೂಲಕ ಸಿನಿಮಾವನ್ನು ಹಾಡಿಹೊಗಳಿದ್ದಾರೆ ಎನ್ನಲಾಗಿದೆ. ಇನ್ನು ನಟ ಪ್ರಭಾಸ್ ಕೂಡ ಈ ಸಿನಿಮಾವನ್ನು ಎರಡು ಬಾರಿ ನೋಡಿದ್ದಾರಂತೆ. ಇದೀಗ ಅನುಷ್ಕಾ ಕೂಡ ಸಿನಿಮಾ ನೋಡಿ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.

ಕಾಂತಾರ ಸಿನಿಮಾ ಬಿಡುಗಡೆಯಾದಾಗಿನಿಂದಲೂ ಕೂಡ ದೊಡ್ಡ ಸೌಂಡ್ ಮಾಡ್ತಾ ಇದೆ. ಸಿನಿಮಾ ನಟ ಎಷ್ಟು ಮುಖ್ಯವೋ ಅಷ್ಟೇ ಮುಖ್ಯ ಸ್ಕ್ರಿಪ್ಟ್ ಕೂಡ ಅನ್ನೋದನ್ನ ರಿಷಬ್ ತೋರಿಸಿಕೊಟ್ಟಿದ್ದಾರೆ. ಹೌಸ್ ಫುಲ್ ಬೋರ್ಡ್ ಮೂಲಕ ಇಂದಿಗೂ ಮುನ್ನುಗ್ಗುತ್ತಿರುವ ಈ ಸಿನಿಮಾ ಬಾಕ್ಸ್ ಆಫೀಸ್ ಕೊಳ್ಳೆ ಹೊಡೆಯುತ್ತೆ ಅಂತ ಹೇಳಲಾಗುತ್ತಿದೆ.