ಆನ್ಲೈನ್ ನಲ್ಲಿ ರಿಟರ್ನ್ ಬಂದ ವಸ್ತುಗಳನ್ನು ಮಾರಾಟ ಮಾಡಿ ಹಣ ಗಳಿಸಿದ ಮಹಿಳೆ

ಕೆಲಸ ಮಾಡುವ ಮನಸ್ಸಿದ್ದರೆ, ಗಳಿಸುವ ಛಲವಿದ್ದರೆ ಹಣ ಗಳಿಸುವುದು ಕಷ್ಟವಲ್ಲ. ಇದಕ್ಕೆ ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡ್ತಿರುವ ವಿಡಿಯೋ ಸಾಕ್ಷಿಯಾಗಿದೆ. ಮಹಿಳೆಯೊಬ್ಬಳು ತನ್ನ ವಿಡಿಯೋ ಹಂಚಿಕೊಂಡಿದ್ದಾಳೆ. ಅದ್ರಲ್ಲಿ ಆಕೆ ಗಳಿಕೆ ಮಾರ್ಗವನ್ನು ಹೇಳಿದ್ದಾಳೆ. ಆನ್ಲೈನ್ ವೆಬ್ಸೈಟ್ ಗೆ ವಾಪಸ್ ಆದ ವಸ್ತುಗಳನ್ನು ಮಾರಾಟ ಮಾಡಿ ಆಕೆ ಹಣ ಗಳಿಸಿದ್ದಾಳಂತೆ. ಇಂಗ್ಲೆಂಡಿನ ನಿವಾಸಿಯಾದ ಕೋರಾ ಹ್ಯಾರಿಸನ್, ವೆರಿ ಅಂಡ್ ಅರ್ಗೋಸ್ ವೆಬ್‌ಸೈಟ್‌ಗೆ ಗ್ರಾಹಕರು ವಾಪಸ್ ಮಾಡಿದ ಉತ್ಪನ್ನಗಳನ್ನು ಕಡಿಮೆ ಬೆಲೆಗೆ ಖರೀದಿಸಿ ನಂತರ ಅವುಗಳನ್ನು ಮಾರಿ ಸಾಕಷ್ಟು ಹಣ ಗಳಿಸಿದ್ದಾಳೆ.

ಕೋರಾ ಹ್ಯಾರಿಸನ್, ಸುಮಾರು 2.85 ಲಕ್ಷ ರೂಪಾಯಿ ಮೌಲ್ಯದ ವಸ್ತುಗಳನ್ನು ಖರೀದಿಸಿದ್ದಳಂತೆ. ಅದ್ರಲ್ಲಿ 33 ಉತ್ಪನ್ನಗಳು ಇದ್ದವಂತೆ. ನಂತ್ರ ಈ ಉತ್ಪನ್ನಗಳನ್ನು ಮಾರಾಟ ಮಾಡಿದ ಹ್ಯಾರಿಸನ್ 20714 ರೂಪಾಯಿ ಲಾಭ ಪಡೆದಿದ್ದಾಳಂತೆ. ವಸ್ತುಗಳ ಖರೀದಿ ಸುಲಭವಾಗಿರಲಿಲ್ಲ. ಅನೇಕ ಬಾರಿ ಚೌಕಾಸಿ ಮಾಡಬೇಕಾಯ್ತೆಂದು ಆಕೆ ಹೇಳಿದ್ದಾಳೆ.

ಕೋರಾ ವಿಡಿಯೋವನ್ನು 2 ಲಕ್ಷಕ್ಕೂ ಹೆಚ್ಚು ಬಾರಿ ವೀಕ್ಷಣೆ ಮಾಡಲಾಗಿದೆ. 4 ಸಾವಿರಕ್ಕೂ ಹೆಚ್ಚು ಮಂದಿ ಲೈಕ್ ಮಾಡಿದ್ದಾರೆ. ಅನೇಕರು ಕಮೆಂಟ್ ಕೂಡ ಮಾಡಿದ್ದಾರೆ.