ಮಹಿಳೆಯೊಬ್ಬಳು ತನಗೆ ರಕ್ತದ ಕಣ್ಣೀರಿನ ಸಮಸ್ಯೆ ಇದೆ ಎಂದು ಹೇಳಿಕೊಂಡಿದ್ದು ಈ ವಿಚಾರ ಕೇಳಿದ ವೈದ್ಯರು ಶಾಕ್ ಆಗಿದ್ದಾರೆ. ಚಂಡೀಗಢದ 25 ವರ್ಷದ ಯುವತಿ ಈ ವಿಚಿತ್ರ ಸಮಸ್ಯೆ ಬಳಿಕ ಆಸ್ಪತ್ರೆಗೆ ಭೇಟಿ ನೀಡಿದ್ದಾಳೆ.
ಕಣ್ಣಿನಲ್ಲಿ ರಕ್ತ ಬರುತ್ತಿದ್ದರೂ ಸಹ ಯುವತಿ ಯಾವುದೇ ರೀತಿಯ ನೋವನ್ನ ಅನುಭವಿಸುತ್ತಿಲ್ಲವಂತೆ. ಕಳೆದ ತಿಂಗಳು ಕೂಡ ತನಗೆ ಈ ರೀತಿ ಸಮಸ್ಯೆ ಉಂಟಾಗಿತ್ತು ಎಂದು ಯುವತಿ ವೈದ್ಯರ ಬಳಿ ಹೇಳಿಕೊಂಡಿದ್ದಾಳೆ.
ಇದಾದ ಬಳಿಕ ಯುವತಿ ವಿವಿಧ ಮಾದರಿಯ ಕಣ್ಣಿನ ಪರೀಕ್ಷೆಗೆ ಒಳಗಾಗಿದ್ದಾಳೆ. ಆದರೆ ಯಾವುದರಲ್ಲೂ ಆಕೆಯ ಸಮಸ್ಯೆ ಬಗ್ಗೆ ರಿಪೋರ್ಟ್ ಹೇಳಿಲ್ಲ.
ಇದಾದ ಬಳಿಕ ವೈದ್ಯರು ಈ ಕೇಸ್ನ್ನು ಕೂಲಕುಂಶವಾಗಿ ಪರಿಶೀಲಿಸಿದ್ದಾರೆ. ಎರಡು ಬಾರಿಯೂ ಈ ಯುವತಿ ಮುಟ್ಟಿನ ಸಮಯದಲ್ಲಿ ರಕ್ತ ಕಣ್ಣೀರು ಹರಿಸಿದ್ದಾಳೆ. ಮುಟ್ಟಿನ ಸಮಯದಲ್ಲಿ ದೇಹದ ಇತರೆ ಭಾಗದ ಮೂಲಕ ರಕ್ತ ವಿಸರ್ಜನೆಯಾಗೋದು ಇದೊಂದು ವಿಚಿತ್ರ ಸಮಸ್ಯೆಯಾಗಿದೆ. ಕೆಲವರಿಗೆ ಈ ಸಮಯದಲ್ಲಿ ತುಟಿ, ಶ್ವಾಸಕೋಶ ಹಾಗೂ ಹೊಟ್ಟೆಯಿಂದಲೂ ರಕ್ತಸ್ರಾವ ಆಗಬಹುದು ಎಂದು ವೈದ್ಯರು ಹೇಳಿದ್ದಾರೆ.
Loading ...