ಬೆಂಗಳೂರು: ಸಾಮಾನ್ಯವಾಗಿ ನಾವು ಅಡುಗೆಗೆ ಅಥವಾ ಜ್ಯೂಸ್ಗೆ ನಿಂಬೆ ರಸ ಬಳಸಿದ ತಕ್ಷಣ ಅದರ ಸಿಪ್ಪೆಯನ್ನು ಕಸದ ಬುಟ್ಟಿಗೆ ಎಸೆಯುತ್ತೇವೆ. ಆದರೆ, ಆರೋಗ್ಯ ತಜ್ಞರ ಪ್ರಕಾರ ನಾವು ಎಸೆಯುವ ಆ ಸಿಪ್ಪೆಯೇ ನಿಜವಾದ ಪೋಷಕಾಂಶಗಳ ಖಜಾನೆ ಹೌದು ನಿಂಬೆ ಹಣ್ಣಿನ ರಸಕ್ಕಿಂತ ಅದರ ಸಿಪ್ಪೆಯಲ್ಲಿ ಸುಮಾರು 5 ರಿಂದ 10 ಪಟ್ಟು ಹೆಚ್ಚು ವಿಟಮಿನ್ ಅಂಶಗಳು ಅಡಗಿವೆ ಎಂಬ ಅಚ್ಚರಿಯ ಸತ್ಯ ಈಗ ಬಹಿರಂಗವಾಗಿದೆ.
ಕೇವಲ ಮಾಟ-ಮಂತ್ರಕ್ಕೆ ಸೀಮಿತ ಎಂದು ಭಾವಿಸಿದ್ದ ನಿಂಬೆಹಣ್ಣು, ಇಂದು ಆಧುನಿಕ ವೈದ್ಯಕೀಯ ಲೋಕದಲ್ಲಿ ‘ಅದ್ಭುತ ಔಷಧ’ವಾಗಿ ಹೊರಹೊಮ್ಮಿದೆ. ಹಾಗಿದ್ದರೆ ನಿಂಬೆ ಸಿಪ್ಪೆಯ ಆ ರಹಸ್ಯ ಗುಣಗಳೇನು? ಇಲ್ಲಿದೆ ಕಂಪ್ಲೀಟ್ ಡಿಟೇಲ್ಸ್.
ನಿಂಬೆ ಸಿಪ್ಪೆಯಲ್ಲಿ ಏನೇನಿದೆ?
ನಿಂಬೆ ಸಿಪ್ಪೆಯು ಕೇವಲ ಕಸವಲ್ಲ, ಅದರಲ್ಲಿ ದೇಹಕ್ಕೆ ಬೇಕಾದ ಅಗತ್ಯ ಖನಿಜಾಂಶಗಳ ರಾಶಿಯೇ ಇದೆ:
ವಿಟಮಿನ್ C ಮತ್ತು ಫ್ಲೇವನಾಯ್ಡ್ಗಳು: ಇವು ರೋಗನಿರೋಧಕ ಶಕ್ತಿಯನ್ನು (Immunity) ಹೆಚ್ಚಿಸಿ, ಕಾಲೋಚಿತ ಕಾಯಿಲೆಗಳಿಂದ ನಮ್ಮನ್ನು ರಕ್ಷಿಸುತ್ತವೆ.
ಕ್ಯಾಲ್ಸಿಯಂ ಮತ್ತು ಮೆಗ್ನೀಸಿಯಮ್: ಎಲುಬುಗಳ ಬಲವರ್ಧನೆಗೆ ಮತ್ತು ಹೃದಯದ ಆರೋಗ್ಯಕ್ಕೆ ಈ ಖನಿಜಗಳು ಬಹಳ ಮುಖ್ಯ.
ನಾರಿನಂಶ (Fiber): ಜೀರ್ಣಕ್ರಿಯೆಯನ್ನು ಸುಧಾರಿಸಲು ಮತ್ತು ಅಂತರಾಂಗದ ಆರೋಗ್ಯ ಕಾಪಾಡಲು ನಿಂಬೆ ಸಿಪ್ಪೆ ಸಹಕಾರಿ.
ಸೌಂದರ್ಯ ಮತ್ತು ಆರೋಗ್ಯಕ್ಕೆ ಸಿಪ್ಪೆ ಮಂತ್ರ
ಚರ್ಮದ ಕಾಂತಿ ಹೆಚ್ಚಿಸಲು: ನಿಂಬೆ ಸಿಪ್ಪೆಯು ನೈಸರ್ಗಿಕ ಕ್ಲೆನ್ಸರ್ ಆಗಿ ಕೆಲಸ ಮಾಡುತ್ತದೆ. ಇದು ಚರ್ಮದ ಮೇಲಿನ ಸತ್ತ ಕೋಶಗಳನ್ನು ತೆಗೆದುಹಾಕಿ, ಮೊಡವೆಗಳನ್ನು ತಡೆಗಟ್ಟುತ್ತದೆ. ದೇಹದ ವಿಷಕಾರಿ ಅಂಶಗಳನ್ನು ಹೊರಹಾಕಲು (Detox) ಇದು ಬೆಸ್ಟ್ ಐಡಿಯಾ.
ಹಲ್ಲುಗಳ ಹೊಳಪಿಗೆ: ಹಲ್ಲುಗಳ ಮೇಲಿನ ಹಳದಿ ಕಲೆ ಹೋಗಲಾಡಿಸಲು ನಿಂಬೆ ಸಿಪ್ಪೆಯ ಮೇಲೆ ಸ್ವಲ್ಪ ಉಪ್ಪು ಹಚ್ಚಿ ಸೌಮ್ಯವಾಗಿ ಮಸಾಜ್ ಮಾಡಿದರೆ, ಹಲ್ಲುಗಳು ಮುತ್ತಿನಂತೆ ಹೊಳೆಯುತ್ತವೆ.
ರಕ್ತದೊತ್ತಡ ನಿಯಂತ್ರಣ: ಇದರಲ್ಲಿರುವ ಪೊಟ್ಯಾಸಿಯಮ್ ರಕ್ತದೊತ್ತಡವನ್ನು ಸಮತೋಲನದಲ್ಲಿಡಲು ಮತ್ತು ಹೃದಯದ ಕಾರ್ಯಕ್ಷಮತೆ ಹೆಚ್ಚಿಸಲು ಸಹಾಯ ಮಾಡುತ್ತದೆ.
ಬಳಸುವುದು ಹೇಗೆ?
ನಿಂಬೆ ಸಿಪ್ಪೆಯನ್ನು ಚೆನ್ನಾಗಿ ತೊಳೆದು, ಬಿಸಿಲಿನಲ್ಲಿ ಒಣಗಿಸಿ ಪುಡಿ ಮಾಡಿಟ್ಟುಕೊಳ್ಳಬಹುದು. ಈ ಪುಡಿಯನ್ನು ಟೀ, ಸಲಾಡ್ ಅಥವಾ ಫೇಸ್ ಪ್ಯಾಕ್ಗಳಲ್ಲಿ ಬಳಸುವ ಮೂಲಕ ಅದರ ಸಂಪೂರ್ಣ ಪ್ರಯೋಜನ ಪಡೆಯಬಹುದು.
