ರೈಲು ಏರುವ ಮುನ್ನ ಹಣೆ ಹಚ್ಚಿ ನಮಸ್ಕರಿಸಿದ ಯುವಕ…! ಇದರ ಹಿಂದಿದೆ ಬಹುಮುಖ್ಯ ಕಾರಣ

ಲಾಕ್​ಡೌನ್​ ಸಮಯದಲ್ಲಿ ಸ್ಥಗಿತಗೊಂಡಿದ್ದ ಮುಂಬೈ ಲೋಕಲ್​ ಟ್ರೇನ್​ ಬರೋಬ್ಬರಿ 11 ತಿಂಗಳ ಬಳಿಕ ತನ್ನ ಸೇವೆಯನ್ನ ಪುನಾರಂಭಗೊಳಿಸಿದೆ.

ಮುಂಬೈ ಜನರ ನಾಡಿ ಮಿಡಿತದಂತಿದ್ದ ಲೋಕಲ್​ ಟ್ರೈನ್​ ಸೌಕರ್ಯವಿಲ್ಲದೇ ಮುಂಬೈ ಮಂದಿ 11 ತಿಂಗಳು ತುಂಬಾನೇ ಕಷ್ಟ ಪಟ್ಟಿದ್ದರು. ಇದೀಗ ಸೂಕ್ತ ಕೊರೊನಾ ಮಾರ್ಗಸೂಚಿಗಳ ನಡುವೆ ಲೋಕಲ್​ ಟ್ರೇನ್​ಗಳ ಸೇವೆ ಪುನಾರಂಭಗೊಂಡಿದೆ.

11 ತಿಂಗಳ ಬಳಿಕ ಪುನಾರಂಭಗೊಂಡ ಲೋಕಲ್​ ಟ್ರೈನ್​ ಹತ್ತುವ ಮುನ್ನ ಮುಂಬೈ ನಿವಾಸಿಯೊಬ್ಬ ರೈಲಿಗೆ ನಮಸ್ಕರಿಸಿದ್ದು ಈ ಫೋಟೋ ಸಾಮಾಜಿಕ ಜಾಲತಾಣದಲ್ಲಿ ಸಖತ್​ ವೈರಲ್ ಆಗಿದೆ. ಮದನ್​ ಚಿಕ್ನಾ ಎಂಬ ಟ್ವಿಟರ್​ ಖಾತೆಯೊಂದರಲ್ಲಿ ಈ ಫೋಟೋವನ್ನ ಶೇರ್​ ಮಾಡಲಾಗಿದೆ.

ನಂಬರ್​ 2 ಛತ್ರಪತಿ ಶಿವಾಜಿ ಮಹಾರಾಜ್​ ಟರ್ಮಿನಲ್​ ನಿಲ್ದಾಣದಲ್ಲಿ ಈ ಫೋಟೋವನ್ನ ಕ್ಲಿಕ್ಕಿಸಲಾಗಿದೆ. ಮುಂಬೈ ಜನರ ಪಾಲಿಗೆ ಲೋಕಲ್ ಟ್ರೈನ್​ಗಳು ಎಷ್ಟು ಮುಖ್ಯ ಎಂಬುದನ್ನ ಈ ಫೋಟೋ ಪ್ರತಿನಿಧಿಸುವಂತಿದೆ.