ದೀರ್ಘಾವಧಿಗೆ ಹೆಚ್ಚಿನ ಸ್ಥಿರ ‘ಆದಾಯ’ ಬಯಸುವವರಿಗೆ ಇದು ಉತ್ತಮ ಯೋಜನೆ

ದೀರ್ಘಾವಧಿಯಲ್ಲಿ ಹೆಚ್ಚಿನ ಸ್ಥಿರ ಠೇವಣಿ ಬಯಸುವ ಯೋಚನೆಯಲ್ಲಿದ್ದರೆ ಬ್ಯಾಂಕ್ ಸ್ಥಿರ ಠೇವಣಿಗಿಂತ ಹೆಚ್ಚು ಲಾಭ ನೀಡುವ ಅಂಚೆ ಕಚೇರಿ ಸ್ಥಿರ ಠೇವಣಿ ಯೋಜನೆಯಲ್ಲಿ ಹೂಡಿಕೆ ಮಾಡುವುದು ಉತ್ತಮ. ಅಂಚೆ ಕಚೇರಿ ಉಳಿತಾಯ ಯೋಜನೆಗಳಲ್ಲಿ ಸರ್ಕಾರ ಏಪ್ರಿಲ್-ಜೂನ್ ತ್ರೈಮಾಸಿಕದಲ್ಲಿ ದರಗಳನ್ನು ಬದಲಿಸುತ್ತದೆ.

ಪ್ರಸ್ತುತ ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾದ ಸ್ಥಿರ ಠೇವಣಿ ಯೋಜನೆಗಳು 5-10 ವರ್ಷಗಳ ಅಧಿಕಾರಾವಧಿಗೆ ಶೇಕಡಾ 5.4 ರಷ್ಟು ಬಡ್ಡಿ ಪಾವತಿಸುತ್ತದೆ. ಇದಕ್ಕೆ ಹೋಲಿಸಿದರೆ ಅಂಚೆ ಕಚೇರಿ ಐದು ವರ್ಷಗಳ ಅವಧಿಯ ಠೇವಣಿ ಮೇಲೆ ಶೇಕಡಾ 6.7ರಷ್ಟು ಬಡ್ಡಿ ಸಿಗಲಿದೆ.

ರಾಷ್ಟ್ರೀಯ ಉಳಿತಾಯ ಪ್ರಮಾಣಪತ್ರ 5 ವರ್ಷಗಳ ಅವಧಿಗೆ ಶೇಕಡಾ 6.8ರಷ್ಟು ಬಡ್ಡಿ ಸಿಗಲಿದೆ. ಕಿಸಾನ್ ವಿಕಾಸ್ ಪತ್ರದಲ್ಲಿ ನಿಮ್ಮ ಹಣ 124 ತಿಂಗಳಲ್ಲಿ ದ್ವಿಗುಣಗೊಳ್ಳುತ್ತದೆ. ಇದಕ್ಕೆ ಶೇಕಡಾ 6.9ರಷ್ಟು ಬಡ್ಡಿ ಸಿಗುತ್ತದೆ. ಈ ಯೋಜನೆಗಳಲ್ಲಿ ಕನಿಷ್ಠ ಹೂಡಿಕೆ 1,000 ರೂಪಾಯಿ. ಗರಿಷ್ಠ ಮಿತಿಗೆ ಯಾವುದೇ ಮಿತಿಯಿಲ್ಲ. ಹಿರಿಯ ನಾಗರಿಕ ಉಳಿತಾಯ ಯೋಜನೆಗೆ ಶೇಕಡಾ 7.4ರಷ್ಟು ಸಿಗುತ್ತದೆ. ಬ್ಯಾಂಕ್ ಯೋಜನೆಗಿಂತ ಅಂಚೆ ಕಚೇರಿ ಯೋಜನೆ ಹೆಚ್ಚು ಸುರಕ್ಷಿತವಾಗಿದ್ದು, ಹೆಚ್ಚಿನ ಬಡ್ಡಿ ಸಿಗ್ತಿದೆ.