ಬಂದ್ ಆಗಲಿದೆ `ವಿಐ’ನ ಈ ಸೇವೆ: ತಕ್ಷಣ ಮಾಡಿ ಈ ಕೆಲಸ

ವೋಡಾಫೋನ್-ಐಡಿಯಾ ಗ್ರಾಹಕರಿಗೆ ಮಹತ್ವದ ಸುದ್ದಿಯೊಂದಿದೆ. ಖಾಸಗಿ ಟೆಲಿಕಾಂ ಕಂಪನಿ ವಿಐ ತನ್ನ ಸೇವೆಗಳಲ್ಲಿ ಮಹತ್ವದ ಬದಲಾವಣೆ ಮಾಡ್ತಿದೆ. ಕಂಪನಿಯ ಈ ನಿರ್ಧಾರ ಲಕ್ಷಾಂತರ ಗ್ರಾಹಕರ ಮೇಲೆ ಪರಿಣಾಮ ಬೀರಲಿದೆ.

ಟೆಕ್ ಸೈಟ್ ಪ್ರಕಾರ, ಟೆಲಿಕಾಂ ಕಂಪನಿ ವಿಐ ತನ್ನ 3 ಜಿ ಸೇವೆಯನ್ನು ಶೀಘ್ರದಲ್ಲೇ ನಿಲ್ಲಿಸಲಿದೆ. ಕಂಪನಿಯ ಎಂಡಿ ಮತ್ತು ಸಿಇಒ ರವೀಂದ್ರ 2022 ರ ಅಂತ್ಯದ ವೇಳೆಗೆ 3 ಜಿ ಸೇವೆಗಳನ್ನು ದೇಶಾದ್ಯಂತ ಸಂಪೂರ್ಣವಾಗಿ ನಿಲ್ಲಿಸಲಾಗುವುದು ಎಂದಿದ್ದಾರೆ. ಮಾಹಿತಿಯ ಪ್ರಕಾರ, ವಿಐ ಈಗ ತನ್ನ ಎಲ್ಲ ಗ್ರಾಹಕರನ್ನು 3 ಜಿ ನೆಟ್‌ವರ್ಕ್‌ನಿಂದ 4 ಜಿ ಮತ್ತು 5 ಜಿ ಗೆ ವರ್ಗಾಯಿಸಲು ಬಯಸಿದೆ. ಇದಕ್ಕಾಗಿಯೇ ಕಂಪನಿ ತನ್ನ 3 ಜಿ ಸೇವೆಗಳನ್ನು ನಿಲ್ಲಿಸಲು ಮುಂದಾಗಿದೆ.

ಡೆಸ್ಟಿನೇಷನ್ ವೆಡ್ಡಿಂಗ್ ಕನಸು ಕಾಣುವ ಜೋಡಿಗೆ ಶುಭ ಸುದ್ದಿ

ಸರ್ಕಾರದಿಂದ ಅನುಮತಿ ಪಡೆದ ನಂತರ ಕಂಪನಿಯು ದೇಶದಲ್ಲಿ ಸೂಪರ್ ಫಾಸ್ಟ್ 5 ಜಿ ನೆಟ್‌ವರ್ಕ್ ಪ್ರಾರಂಭಿಸಲಿದೆ. 3 ಜಿ ನೆಟ್‌ವರ್ಕ್ ಸಂಪರ್ಕವನ್ನು ಹೊಂದಿರುವ ಗ್ರಾಹಕರು ಹತ್ತಿರದ ವಿಐ ಸ್ಟೋರ್‌ಗೆ ಹೋಗಿ ಹೊಸ 4 ಜಿ ಸಂಪರ್ಕವನ್ನು ಪಡೆಯಬಹುದು. ಈ ಬಗ್ಗೆ ಕಂಪನಿ ಗ್ರಾಹಕರಿಗೆ ಮಾಹಿತಿ ನೀಡುತ್ತಿದೆ. ಪ್ರಸ್ತುತ, ವಿಐಯ ಸುಮಾರು 1.1 ಕೋಟಿ ಗ್ರಾಹಕರು 3 ಜಿ ಸಂಪರ್ಕ ಹೊಂದಿದೆ.