ಹಬ್ಬದ ಸಂಭ್ರಮದಲ್ಲಿರುವ ಗ್ರಾಹಕರನ್ನ ಸೆಳೆಯಲು ಮುಂದಾಗಿರುವ ದ್ವಿಚಕ್ರ ವಾಹನ ಕಂಪನಿಗಳು ತರಹೇವಾರಿ ಆಫರ್ಗಳನ್ನ ನೀಡೋಕೆ ಮುಂದಾಗಿದೆ. ದ್ವಿಚಕ್ರ ವಾಹನ ಮಾರಾಟ ಮಾರುಕಟ್ಟೆಯಲ್ಲಿ ಮುಂಚೂಣಿಯಲ್ಲಿರುವ ಹೋಂಡಾ, ಬಜಾಜ್ , ಯಮಹ, ಹೀರೋ ಮೋಟರ್ಕಾಪ್ಗಳು ತಮ್ಮ ಗ್ರಾಹಕರಿಗೆ ದರ ರಿಯಾಯಿತಿ, ಎಕ್ಸ್ಚೇಂಜ್ ಬೋನಸ್ನಂತಹ ವಿವಿಧ ಆಫರ್ಗಳನ್ನ ನೀಡಿವೆ.
ಹೋಂಡಾ ಕಂಪನಿ ಹಬ್ಬದ ಪ್ರಯುಕ್ತ ಗ್ರಾಹಕರಿಗೆ ಸೂಪರ್ ಸಿಕ್ಸ್ ಆಫರ್ ನೀಡಿದೆ. ಇದರಡಿಯಲ್ಲಿ ಹೋಂಡಾ ಗ್ರಾಹಕರು 11 ಸಾವಿರ ರೂಪಾಯಿ ಉಳಿಸಬಹುದಾಗಿದೆ. ಈ ಆಫರ್ನಲ್ಲಿ ಗ್ರಾಹಕರಿಗೆ ಬೈಕ್ ಲೋನ್ ನ ಮೊದಲ ಮೂರು ತಿಂಗಳ ಇಎಂಐನಲ್ಲಿ 50 ಪ್ರತಿಶತ ರಿಯಾಯಿತಿ ಸಿಗಲಿದೆ.
ಬಜಾಜ್ ಕಂಪನಿ ಹಬ್ಬದ ವಿಶೇಷವಾಗಿ ತನ್ನ ಪ್ಲಾಟಿನಾ 110 ಬೈಕ್ಗೆ ಕೇವಲ 7226 ರೂ. ಡೌನ್ ಪೇಮೆಂಟ್ಗೆ ಅವಕಾಶ ನೀಡಿದೆ. ಗ್ರಾಹಕರು ಈ ಆಫರ್ನಿಂದ 2800 ರೂಪಾಯಿಗಳನ್ನ ಉಳಿಕೆ ಮಾಡಬಹುದಾಗಿದೆ. ಬಜಾಜ್ ಪಲ್ಸರ್ 125 ಸಿಸಿ ಸಿಂಗಲ್ ಸೀಟ್ ಬೈಕ್ಗಳು 69,174 ರೂಪಾಯಿಗೆ ಲಭ್ಯವಿದೆ. ಈ ಹಿಂದೆ ಇದೇ ಬೈಕ್ಗೆ 71,674 ರೂಪಾಯಿ ಬೆಲೆ ನಿಗದಿ ಮಾಡಲಾಗಿತ್ತು. ಈ ಹೊಸ ಆಫರ್ ಅಕ್ಟೋಬರ್ 31ರವರೆಗೆ ಲಭ್ಯವಿದೆ.
ಯಮಹ 125 ಸಿಸಿ ಬೈಕ್ಗಳಿಗೆ ಆಫರ್ಗಳನ್ನ ನೀಡಿದೆ. 125 ಸಿಸಿ ಬೈಕ್ಗಳನ್ನ ಖರೀದಿಸಿದ ಗ್ರಾಹಕರಿಗೆ 5000 ರೂಪಾಯಿಯ ಗಿಫ್ಟ್ ವೋಚರ್ ಸಿಗಲಿದೆ. ಹಾಗೂ ಈ ಬೈಕ್ಗಳಿಗೆ ಡೌನ್ಪೇಮೆಂಟ್ ಆಗಿ 6000 ರೂಪಾಯಿಯನ್ನ ನಿಗದಿ ಮಾಡಿದೆ.
ಹೀರೋ ಮೊಟೋಕಾರ್ಪ್ ತನ್ನ ಗ್ರಾಹಕರಿಗೆ ಹಬ್ಬದ ಪ್ರಯುಕ್ತ 7000 ರೂಪಾಯಿಗಳ ವಿವಿಧ ರಿಯಾಯಿತಿ ನೀಡಿದೆ. ಬೈಕ್ಗಳ ಡೌನ್ಪೇಮೆಂಟ್ನಲ್ಲಿ ಗ್ರಾಹಕರಿಗೆ 6.99 ಪ್ರತಿಶತ ರಿಯಾಯಿತಿ ನೀಡಿದೆ. ಇದರನ್ವಯ ಶೋರೂಂಗಳಲ್ಲಿ ಯಾವುದೇ ಬೈಕ್ಗಳನ್ನ 4999 ರೂಪಾಯಿ ಡೌನ್ಪೇಮೆಂಟ್ನಲ್ಲಿ ಖರೀದಿ ಮಾಡಬಹುದಾಗಿದೆ.
Loading ...