ನವದೆಹಲಿ: ಜನಪ್ರಿಯ ಸಾಮಾಜಿಕ ಜಾಲ ತಾಣ ಟ್ವಿಟ್ಟರ್ ಡೌನ್ ಆಗಿ ಸಾವಿರಾರು ಬಳಕೆದಾರರಿಗೆ ತೊಂದರೆಯಾಗಿದೆ.
ಟ್ವಿಟರ್ ನಲ್ಲಿ ದೋಷ ಉಂಟಾದ ಬಗ್ಗೆ ಸಂದೇಶ ಹರಿದಾಡಿವೆ. ಏನೋ ತಪ್ಪಾಗಿದೆ, ಟ್ವೀಟ್ ಗಳು ಈಗ ಅಪ್ಲೋಡ್ ಆಗುತ್ತಿಲ್ಲ ಎನ್ನುವ ಸಂದೇಶ ಕಂಡುಬಂದಿವೆ. ಬೆಳ್ಳಂಬೆಳಗ್ಗೆ ಟ್ವಿಟರ್ ನಿರ್ವಹಣೆ ಮೇಲ್ವಿಚಾರಣೆ ವೆಬ್ಸೈಟ್ ಈ ಬಗ್ಗೆ ಮಾಹಿತಿ ಹಂಚಿಕೊಂಡಿದೆ.
ಸಾಮಾಜಿಕ ಜಾಲತಾಣದಲ್ಲಿ ಟ್ವೀಟ್ ವೀಕ್ಷಿಸಲು ಮತ್ತು ಕಳುಹಿಸಲು ಸಾವಿರಾರು ಜನರಿಗೆ ತೊಂದರೆಯಾಗಿದೆ ಎಂದು ವರದಿ ಮಾಡುತ್ತಿದ್ದಾರೆ. ಟ್ವೀಟ್ ಬಳಕೆದಾರರಿಗೆ ಅನುಭವಕ್ಕೆ ಬಂದಿದ್ದು, ಅನೇಕರಿಗೆ ಟ್ವೀಟ್ ಮಾಡಲು ಮತ್ತು ಟೈಮ್ಲೈನ್ ಪರಿಶೀಲಿಸಲು ಸಾಧ್ಯವಾಗಿಲ್ಲ. ಲಾಗಿನ್ ಮಾಡಲು ಅಥವಾ ಬಳಸಲು ಸಾಧ್ಯವಾಗಿಲ್ಲವೆಂದು ಹೇಳಲಾಗಿದೆ.
ನಾವು ಸರಿಪಡಿಸುವ ಪ್ರಯತ್ನದಲ್ಲಿದ್ದೇವೆ. ಇಂದು ನಿಮ್ಮಲ್ಲಿ ಕೆಲವರಿಗೆ ಟ್ವೀಟ್ ಲೋಡ್ ಆಗದಿರಬಹುದು. ಸಮಸ್ಯೆಯನ್ನು ಪರಿಹರಿಸುವ ಕೆಲಸ ಮಾಡುತ್ತೇವೆ. ಶೀಘ್ರದಲ್ಲಿಯೇ ಎಲ್ಲವೂ ಸರಿಹೋಗಲಿದೆ ಎಂದು ಟ್ವೀಟರ್ ತಿಳಿಸಿದೆ.
Loading ...