ರೈಲು ಸೇವೆ ಪುನಾರಂಭ ಕುರಿತು ಇಲಾಖೆ ಸ್ಪಷ್ಟನೆ

ಪಂಜಾಬ್​ನಲ್ಲಿ ರೈಲು ಸೇವೆ ಪುನಾರಂಭವಾಗಿಲ್ಲ ಎಂದು ಸ್ಪಷ್ಟೀಕರಣ ನೀಡುವ ಮೂಲಕ ಕೆಲ ಸುಳ್ಳು ವದಂತಿಗೆ ರೈಲ್ವೇ ಇಲಾಖೆ ಉತ್ತರ ನೀಡಿದೆ.

ರೈತರ ಆಂದೋಲನದಿಂದಾಗಿ ಪಂಜಾಬ್​ನಲ್ಲಿ ರೈಲು ಸೇವೆ ಸ್ಥಗಿತಗೊಂಡಿತ್ತು. ಆದರೆ ಕೆಲ ಪತ್ರಿಕೆಗಳು ಪಂಜಾಬ್​ನಲ್ಲಿ ರೈಲು ಸೇವೆ ಪುನಾರಂಭವಾಗಿದೆ ಅಂತಾ ವರದಿ ಪ್ರಕಟಿಸಿದ್ದವು. ಈ ಊಹಾಪೋಹಗಳಿಗೆ ಉತ್ತರ ನೀಡಿದ ಉತ್ತರ ರೈಲ್ವೇ ಮುಖ್ಯ ಸಾರ್ವಜನಿಕ ಸಂಪರ್ಕ ಅಧಿಕಾರಿ ದೀಪಕ್​ ಕುಮಾರ್, ಇದೊಂದು ಸುಳ್ಳು ಸುದ್ದಿ. ಪಂಜಾಬ್​ನಲ್ಲಿ ರೈಲು ಸಂಚಾರಕ್ಕೆ ಚಾಲನೆ ಮಾಡಿಲ್ಲ ಅಂತಾ ಸ್ಪಷ್ಟೀಕರಣ ನೀಡಿದ್ದಾರೆ.

ಸರಕು ರೈಲಿನ ಸೇವೆಯನ್ನ ಪುನಾರಂಭ ಮಾಡಿದ್ದೆವು. ಆದರೆ ಸುರಕ್ಷತೆ ದೃಷ್ಟಿಯಿಂದಾಗಿ ಈ ಸೇವೆಯನ್ನೂ ನಿಲ್ಲಿಸಲಾಗಿದೆ ಅಂತಾ ದೀಪಕ್​ ಕುಮಾರ್​ ಮಾಹಿತಿ ನೀಡಿದ್ದಾರೆ.