ಜನಸಾಮಾನ್ಯರಿಗೆ ಮತ್ತೊಂದು ಶಾಕ್: 1 ಕೆಜಿ ಟೊಮೆಟೋಗೆ ದಾಖಲೆಯ 125 ರೂ.

ಕೋಲಾರ: ಅಗತ್ಯ ವಸ್ತುಗಳ ಬೆಲೆ ಏರಿಕೆಯಿಂದ ಕಂಗಾಲಾಗಿದ್ದ ಗ್ರಾಹಕರಿಗೆ ಮತ್ತೊಂದು ಶಾಕ್ ಎದುರಾಗಿದೆ. ಒಂದು ಕೆಜಿ ಟೊಮೆಟೋ 125 ರೂ. ಮಾರಾಟವಾಗಿದೆ.

ಕೋಲಾರ ಎಪಿಎಂಸಿಯಲ್ಲಿ ಒಂದು ಕೆಜಿ ಟೊಮೆಟೋ 125 ಮಾರಾಟವಾಗುವುದರೊಂದಿಗೆ ದಾಖಲೆ ಬರೆದಿದೆ. 15 ಕೆಜಿ 1 ಬಾಕ್ಸ್ ಟೊಮೇಟೊ 1900 ರೂಪಾಯಿಗೆ ಮಾರಾಟವಾಗಿದೆ. ಅಕಾಲಿಕವಾಗಿ ಸುರಿದ ಭಾರಿ ಮಳೆಯಿಂದಾಗಿ ಬೆಳೆ ನಾಶವಾಗಿದ್ದು, ಮಾರುಕಟ್ಟೆಗೆ ಕಡಿಮೆ ಪ್ರಮಾಣದಲ್ಲಿ ಟೊಮೆಟೋ ಬರುತ್ತಿದೆ. ಈ ಕಾರಣದಿಂದಾಗಿ ಟೊಮೆಟೊ ದರ ಏರುಗತಿಯಲ್ಲಿ ಸಾಗಿದೆ. 60 ರೂ., 80 ರೂ., 100 ರೂ.ವರೆಗೂ ಮಾರಾಟವಾಗಿ ಈಗ ಹೊಸ ದಾಖಲೆಯ 125 ರೂ.ಗೆ ಮಾರಾಟವಾಗಿದೆ.