ವಾಟ್ಸಾಪ್​ ಟ್ರೋಲ್ ಮಾಡಲು ಟೆಲಿಗ್ರಾಂ ಬಳಸಿದ ಮೆಮೆ ವೈರಲ್…!

ವಾಟ್ಸಾಪ್​​ನ ಪ್ರೈವಸಿ ಪಾಲಿಸಿಯನ್ನ ಕಂಡ ಬಳಿಕ ಬಳಕೆದಾರರು ಟೆಲಿಗ್ರಾಮ್​ ಹಾಗೂ ಸಿಗ್ನಲ್​ನಂತಹ ಮೆಸೇಜಿಂಗ್​ ಅಪ್ಲಿಕೇಶನ್​ಗಳತ್ತ ಹೆಚ್ಚಿನ ಒಲವನ್ನ ತೋರಿಸುತ್ತಿದ್ದಾರೆ. ಹೀಗಾಗಿ ಕಳೆದ ವಾರದಿಂದ ಸಿಗ್ನಲ್​ ಹಾಗೂ ಟೆಲಿಗ್ರಾಂ ಬಳಕೆದಾರರ ಸಂಖ್ಯೆ ಹೆಚ್ಚುತ್ತಲೇ ಇದೆ.

ಫೇಸ್​ಬುಕ್​ಗೆ ಗ್ರಾಹಕರ ಮಾಹಿತಿಯನ್ನ ರವಾನಿಸುವ ವಾಟ್ಸಾಪ್​​ನ ಷರತ್ತನ್ನ ಆಡಿಕೊಂಡಿರುವ ಟೆಲಿಗ್ರಾಂ, ವಾಟ್ಸಾಪ್​ ಬಗ್ಗೆ ಮೀಮ್ಸ್ ಒಂದನ್ನ ಹರಿಬಿಟ್ಟಿದೆ.

ಟೆಲಿಗ್ರಾಂ ತನ್ನ ಅಧಿಕೃತ ಟ್ವಿಟರ್​ ಖಾತೆಯಲ್ಲಿ ಈ ಜಿಐಎಫ್​ನ ಶೇರ್​ ಮಾಡಿದ್ದು ಇದರಲ್ಲಿ ಕೋಫಿನ್​ ಡ್ಯಾನ್ಸರ್ಸ್​ ವಾಟ್ಸಾಪ್​ ಷರತ್ತುಗಳನ್ನ ಶವಪೆಟ್ಟಿಗೆಯಲ್ಲಿಟ್ಟು ಡ್ಯಾನ್ಸ್ ಮಾಡುವಂತೆ ಎಡಿಟ್ ಮಾಡಲಾಗಿದೆ. ಕೋಫಿನ್ ಡ್ಯಾನಸ್​ ಅಂತ್ಯಕ್ರಿಯೆ ವೇಳೆ ನೃತ್ಯ ಮಾಡ್ತಾರೆ. ಇದೀಗ ಈ ಮೀಮ್ಸ್ ಸಾಮಾಜಿಕ ಜಾಲತಾಣದಲ್ಲಿ ಸದ್ದು ಮಾಡ್ತಿದೆ.