ಬೆರಗಾಗಿಸುವಂತಿದೆ ಈ ಸಿಹಿ ತಿನಿಸಿನ ಬೆಲೆ…..!

ಚಾಂಡಿ ಪಾಡ್ವೋ ಉತ್ಸವದ ವಿಶೇಷವಾಗಿ ಸೂರತ್​ನ ಸಿಹಿ ತಿಂಡಿಗಳ ಮಳಿಗೆಯೊಂದು ತನ್ನ ಮೆನು ಲಿಸ್ಟ್​ಗೆ ಗೋಲ್ಡ್​ ಸ್ವೀಟ್​ ಹೆಸರಿನ ಹೊಸ ತಿನಿಸನ್ನ ಸೇರಿಸಿದೆ. ಈ ಹೊಸ ತಿಂಡಿಯ ಫೋಟೋಗಳು ಟ್ವಿಟರ್​ನಲ್ಲಿ ಫುಲ್​ ವೈರಲ್​ ಆಗಿದೆ.

ಸ್ವೀಟ್​ ಘರಿ ಎಂಬ ತಿಂಡಿಯಲ್ಲೇ ಕೆಲ ಬದಲಾವಣೆಗಳನ್ನ ಮಾಡಿ ಅದಕ್ಕೆ ಗೋಲ್ಡ್ ಘರಿ ಅಂತಾ ಹೆಸರಿಡಲಾಗಿದೆ. ಅಂದಹಾಗೆ ಈ ಹೊಸ ತಿನಿಸಿನ ಬೆಲೆ ಪ್ರತಿ ಕೆಜಿಗೆ ಬರೋಬ್ಬರಿ 9 ಸಾವಿರ ರೂಪಾಯಿಯಂತೆ. ಆದರೆ ಸ್ವೀಟ್​ ಘರಿ ಈಗಲೂ ಪ್ರತಿ ಕೆಜಿಗೆ 660-820 ರೂಪಾಯಿಗೆ ಲಭ್ಯವಿದೆ ಅಂತಾ ಅಂಗಡಿ ಮಾಲೀಕ ರೋಹನ್​ ಹೇಳಿದ್ದಾರೆ .

ಆರ್ಯುವೇದದಲ್ಲೂ ಚಿನ್ನವನ್ನ ಅತ್ಯುತ್ತಮ ಲೋಹಗಳ ಸಾಲಿಗೆ ಸೇರಿಸಲಾಗಿದೆ. ಹೀಗಾಗಿ ಈ ಗೋಲ್ಡ್​ ಘರಿ ತಿಂಡಿ ನಿಮ್ಮ ಆರೋಗ್ಯಕ್ಕೆ ತುಂಬಾನೇ ಉಪಕಾರಿ. ಆದರೆ ಈ ಹೊಸ ತಿನಿಸು ನಾವು ಅಂದುಕೊಂಡ ಮಟ್ಟದಲ್ಲಿ ಸದ್ಯಕ್ಕೆ ಮಾರಾಟವಾಗ್ತಿಲ್ಲ. ಮುಂದಿನ ದಿನಗಳಲ್ಲಿ ಗೋಲ್ಡ್​ ಘರಿಗೆ ಆಹಾರ ಪ್ರಿಯರು ಫಿದಾ ಆಗಬಹುದು ಅಂತಾ ರೋಹನ್​ ವಿಶ್ವಾಸ ವ್ಯಕ್ತಪಡಿಸಿದ್ರು.