ಗ್ರಾಹಕರೇ ಗಮನಿಸಿ: ಭಾನುವಾರ ಈ ಸಮಯದಲ್ಲಿ ಲಭ್ಯವಿರೋಲ್ಲ SBI ನ ಕೆಲ ಸೇವೆ

ದೇಶದ ಪ್ರತಿಷ್ಟಿತ ಸ್ಟೇಟ್​ ಬ್ಯಾಂಕ್​ ಆಫ್​ ಇಂಡಿಯಾ ಭಾನುವಾರ ಯುಪಿಐ, ಇಂಟರ್ನೆಟ್​ ಬ್ಯಾಂಕಿಂಗ್​ , ಯೊನೋ ಸೇರಿದಂತೆ ಇನ್ನೂ ಕೆಲ ಸೇವೆಗಳು ತಾತ್ಕಾಲಿಕವಾಗಿ ಸ್ಥಗಿತವಾಗಲಿದೆ ಎಂದು ಮಾಹಿತಿ ನೀಡಿದೆ. ಜೂನ್​ ತಿಂಗಳಲ್ಲಿ ಮತ್ತೊಮ್ಮೆ ಬ್ಯಾಂಕಿಂಗ್​ ಸೇವೆ ನಿರ್ವಹಣಾ ಚಟುವಟಿಕೆಗೆ ಮುಂದಾಗಿರುವ ಎಸ್​ಬಿಐ ಗ್ರಾಹಕರಿಗೆ ಈ ಮಹತ್ವದ ಮಾಹಿತಿಯನ್ನ ರವಾನಿಸಿದೆ.

ಜೂನ್​ 20 ರಂದು ನಿರ್ವಹಣೆಯ ಕೆಲಸ ಇರೋದ್ರಿಂದ ಭಾನುವಾರದಂದು ಸುಮಾರು 40 ನಿಮಿಷಗಳ ಕಾಲ ಇಂಟರ್ನೆಟ್​ ಬ್ಯಾಂಕ್​ ಸೇವೆಗಳು ಲಭ್ಯವಿರೋದಿಲ್ಲ ಎಂದು ಟ್ವಿಟರ್​ ಮೂಲಕ ಸ್ಟೇಟ್​ ಬ್ಯಾಂಕ್​ ಆಫ್​ ಇಂಡಿಯಾ ಮಾಹಿತಿ ನೀಡಿದೆ.

ಉತ್ತಮ ಬ್ಯಾಂಕಿಂಗ್​ ಸೇವೆಯನ್ನ ನೀಡಲು ನಾವು ಶ್ರಮಿಸುತ್ತಿರೋದ್ರಿಂದ ನಮ್ಮ ಗೌರವಾನ್ವಿತ ಗ್ರಾಹಕರು ಈ ಅಡಚಣೆಯನ್ನ ಸಹಿಸಿಕೊಳ್ಳಬೇಕೆಂದು ನಾವು ವಿನಂತಿಸಿಕೊಳ್ಳುತ್ತಿದ್ದೇವೆ ಎಂದು ಎಸ್​ಬಿಐ ಟ್ವೀಟ್​ನಲ್ಲಿ ಮನವಿ ಮಾಡಿದೆ. ಟ್ವೀಟ್​ನಲ್ಲಿ ಒಂದು ಫೋಟೋ ಶೇರ್​ ಮಾಡಿರುವ ಎಸ್​ಬಿಐ 01.00 ಗಂಟೆ ಹಾಗೂ01 :40 ಗಂಟೆಗಳ ಅವಧಿಯಲ್ಲಿ ನಿರ್ವಹಣಾ ಚಟುವಟಿಕೆ ಮಾಡೋದಾಗಿ ಮಾಹಿತಿ ನೀಡಿದೆ.

ಈ ಸಂದರ್ಭದಲ್ಲಿ ಇಂಟರ್ನೆಟ್​ ಬ್ಯಾಂಕಿಂಗ್​, ಯೋನೋ, ಯೋನೋ ಲೈಟ್​, ಯುಪಿಐ ಸೇವೆಗಳು ಲಭ್ಯವಿರೋದಿಲ್ಲ. ಈ ಅಡಚಣೆಗಾಗಿ ನಾವು ವಿಷಾದ ವ್ಯಕ್ತಪಡಿಸುತ್ತಿದ್ದು ದಯಮಾಡಿ ಇದನ್ನು ಸಹಿಸಿಕೊಳ್ಳಿ ಎಂದು ಗ್ರಾಹಕರಲ್ಲಿ ಎಸ್​ಬಿಐ ಮನವಿ ಮಾಡಿದೆ.

https://twitter.com/TheOfficialSBI/status/1405892563614113794