ಗಣರಾಜ್ಯೋತ್ಸವ ದಿನದಂದು ಈ ಸಾಧನೆ ಮಾಡಿದ ನಿಸ್ಸಾನ್​ ಮೋಟಾರ್ ಇಂಡಿಯಾ

ಭಾರತ ದೇಶ 72ನೇ ಗಣರಾಜ್ಯೋತ್ಸವದ ಸಂಭ್ರಮದಲ್ಲಿದೆ. ಈ ನಡುವೆ ನಿಸ್ಸಾನ್​ ಮೋಟಾರ್​ ಇಂಡಿಯಾ 720ಕ್ಕೂ ಹೆಚ್ಚು ಗ್ರಾಹಕರಿಗೆ ನಿಸ್ಸಾನ್​ ಮಾಗ್ನೈಟ್​​ ಸಬ್​ ಕಾಂಪ್ಯಾಕ್ಟ್​ ಎಸ್​ಯುವಿಗಳನ್ನ ಒಂದೇ ದಿನದಲ್ಲಿ ದೇಶಾದ್ಯಂತ ವಿತರಣೆ ಮಾಡಿದೆ.

ನಿಸಾನ್​ ಮೋಟಾರ್​ ಇಂಡಿಯಾ ತನ್ನ 12ನೇ ಆವೃತ್ತಿಯ ಹ್ಯಾಪಿ ವಿತ್​ ನಿಸಾನ್​ ಸರ್ವೀಸ್​ ಕ್ಯಾಂಪೇನ್​ ತಿಂಗಳನ್ನ ಆಯೋಜಿಸಿದೆ. ಈ ಸರ್ವೀಸ್​ ಕ್ಯಾಂಪೇನ್​ನ ಅಡಿಯಲ್ಲಿ, ಗ್ರಾಹಕರು 60 ಉಚಿತ ಪಾಯಿಂಟ್​ಗಳ ವಾಹನ ತಪಾಸಣೆ, ಉಚಿತ ಕಾರ್​ ವಾಶ್​, ಆಯಿಲ್​ ಫಿಲ್ಟರ್​ ಪಡೆಯಬಹುದಾಗಿದೆ. ಕೊರೊನಾದಿಂದಾಗಿ ಈ ಎಲ್ಲಾ ಅವಕಾಶಗಳಿಂದ ವಂಚಿತರಾಗಿದ್ದ ಗ್ರಾಹಕರಿಗೆ ಈ ಉಚಿತ ಸೌಲಭ್ಯ ಸಿಗುತ್ತಿದೆ. ಅಲ್ಲದೇ ಕೆಲ ಆಯ್ದ ಬಿಡಿ ಭಾಗಗಳ ಮೇಲೆ 50 ಪ್ರತಿಶತ ರಿಯಾಯಿತಿಯನ್ನೂ ನೀಡಲಾಗಿದೆ.

ಇಷ್ಟೊಳ್ಳೆ ಪ್ರತಿಕ್ರಿಯೆಯನ್ನ ನೀಡುತ್ತಿರುವ ನಮ್ಮೆಲ್ಲ ಗ್ರಾಹಕರಿಗೆ ಧನ್ಯವಾದ ಅರ್ಪಿಸುತ್ತಿದ್ದೇವೆ. ಅಲ್ಲದೇ ಈ ವಿಶೇಷ ದಿನದಂದು ನಿಸಾನ್​ ಕುಟುಂಬದ ಸದಸ್ಯರಾಗಿ ಆಗಮಿಸಿದ ಹೊಸ ಗ್ರಾಹಕರಿಗೆ ಶುಭಾಶಯ ತಿಳಿಸುತ್ತಿದ್ದೇವೆ ಎಂದು ನಿಸಾನ್​ ಮೋಟಾರ್​ ಇಂಡಿಯಾ ಎಂಡಿ ರಾಕೇಶ್​ ಶ್ರೀವಾತ್ಸವ್​ ಹೇಳಿದ್ದಾರೆ.