ನಿಮ್ಮ ಹೂಡಿಕೆಗೆ ಹೆಚ್ಚಿನ ಆದಾಯ ನೀಡುವ ಯೋಜನೆಗಳ ಬಗ್ಗೆ ಇಲ್ಲಿದೆ ಮಾಹಿತಿ

ಪೋಸ್ಟ್ ಆಫೀಸ್‌ ನ ಈ ಯೋಜನೆಗಳಲ್ಲಿ ನೀವು ಎಫ್‌ಡಿಗಿಂತ ಹೆಚ್ಚಿನ ಆದಾಯವನ್ನು ಪಡೆಯಬಹುದು. ಬ್ಯಾಂಕ್ ಎಫ್‌ಡಿಯ ಬಡ್ಡಿದರ ಕಡಿಮೆಯಾಗುತ್ತಿರುವುದರಿಂದ ಜನರು ಇತರ ಹೂಡಿಕೆಯ ಆಯ್ಕೆಗಳನ್ನು ಹುಡುಕುತ್ತಿದ್ದಾರೆ. ಆರ್ಥಿಕ ಅಸ್ಥಿರತೆಯ ಸಮಯದಲ್ಲಿ ಜನರು ಸುರಕ್ಷಿತ ಹೂಡಿಕೆ, ಆದಾಯ ಗಳಿಕೆ ಮುಖ್ಯವಾಗಿದೆ.

ಪೋಸ್ಟ್ ಆಫೀಸ್ ಯೋಜನೆಗಳು ನಿಮಗೆ ಅನುಕೂಲವಾಗಬಹುದು. ಇಲ್ಲಿ ಹೂಡಿಕೆಯೂ ಸುರಕ್ಷಿತವಾಗಿದೆ. ಆದಾಯವೂ ಹೆಚ್ಚು. ನೀವು ಬ್ಯಾಂಕ್ ಎಫ್‌.ಡಿ.ಗಿಂತ ಹೆಚ್ಚಿನ ಆದಾಯವನ್ನು ಪಡೆಯುವ ಇಂತಹ ಕೆಲವು ಪೋಸ್ಟ್ ಆಫೀಸ್ ಯೋಜನೆಗಳ ಬಗ್ಗೆ ಮಾಹಿತಿ ಇಲ್ಲಿದೆ.

ರಾಷ್ಟ್ರೀಯ ಉಳಿತಾಯ ಪ್ರಮಾಣಪತ್ರ

NSC ನಲ್ಲಿ ಹೂಡಿಕೆಯ ಮೇಲೆ 8% ವಾರ್ಷಿಕ ಬಡ್ಡಿಯನ್ನು ಪಡೆಯುತ್ತಿರುವಿರಿ.

ಬಡ್ಡಿಯನ್ನು ವಾರ್ಷಿಕ ಆಧಾರದ ಮೇಲೆ ಮಾತ್ರ ಲೆಕ್ಕಹಾಕಲಾಗುತ್ತದೆ. ಆದರೆ ಅವಧಿ ಮುಗಿದ ನಂತರ ನೀವು ಈ ಮೊತ್ತ ಪಡೆಯಬಹುದು.

ನೀವು ಕನಿಷ್ಟ 1000 ರೂ.ಗಳೊಂದಿಗೆ ಹೂಡಿಕೆ ಮಾಡಬಹುದು. ಗರಿಷ್ಠ ಹೂಡಿಕೆ ಮಿತಿ ಇಲ್ಲ.

ಅಪ್ರಾಪ್ತ ವಯಸ್ಕರ ಹೆಸರಿನಲ್ಲಿ NSC ಖಾತೆಯನ್ನು ತೆರೆಯಬಹುದು ಮತ್ತು 3 ವಯಸ್ಕರ ಹೆಸರಿನಲ್ಲಿ ಜಂಟಿ ಖಾತೆಯನ್ನು ತೆರೆಯಬಹುದು.

ಇದರ ವಿಶೇಷವೆಂದರೆ 10 ವರ್ಷ ಮೇಲ್ಪಟ್ಟ ಮಕ್ಕಳು ಸಹ ಪೋಷಕರ ಮೇಲ್ವಿಚಾರಣೆಯಲ್ಲಿ ಈ ಖಾತೆಯನ್ನು ತೆರೆಯಬಹುದು.

ಈ ಯೋಜನೆಯಡಿಯಲ್ಲಿ, ಆದಾಯ ತೆರಿಗೆಯ ಸೆಕ್ಷನ್ 80C ಅಡಿಯಲ್ಲಿ ನೀವು 5 ಲಕ್ಷದವರೆಗಿನ ಮೊತ್ತದ ಮೇಲೆ ತೆರಿಗೆ ಉಳಿಸಬಹುದು.

ಕಿಸಾನ್ ವಿಕಾಸ್ ಪತ್ರ

ಕೆವಿಪಿ ಯೋಜನೆಯಲ್ಲಿ ಕನಿಷ್ಠ ಹೂಡಿಕೆ ಮೊತ್ತ 1000 ರೂ.

ಹೂಡಿಕೆ ಮಾಡಲು ವಯಸ್ಸು 18 ವರ್ಷಗಳಾಗಿರಬೇಕು. ಅಪ್ರಾಪ್ತ ವಯಸ್ಕರು ಹೂಡಿಕೆ ಮಾಡಬಹುದು ಆದರೆ ಪೋಷಕರ ಮೇಲ್ವಿಚಾರಣೆಯಲ್ಲಿ.

ಪ್ರಸ್ತುತ ಈ ಯೋಜನೆಯಲ್ಲಿ ಶೇಕಡಾ 9 ರಷ್ಟು ಬಡ್ಡಿಯನ್ನು ನೀಡಲಾಗುತ್ತಿದೆ.

ಏಕ ಖಾತೆ ಮತ್ತು ಜಂಟಿ ಖಾತೆಯ ಸೌಲಭ್ಯವಿದೆ.

ಎರಡೂವರೆ ವರ್ಷಗಳ ಲಾಕ್-ಇನ್ ಅವಧಿ ಇದೆ. ಹೂಡಿಕೆ ಮೊತ್ತವನ್ನು ಹಿಂಪಡೆಯಲು ನೀವು 5 ವರ್ಷಗಳವರೆಗೆ ಕಾಯಬೇಕು.

ಸೆಕ್ಷನ್ 80C ಅಡಿಯಲ್ಲಿ ಪರಿಹಾರವು ಆದಾಯ ತೆರಿಗೆಯಲ್ಲಿಯೂ ಲಭ್ಯವಿದೆ.

ಮಾಸಿಕ ಆದಾಯ ಯೋಜನೆ

ಈ ಯೋಜನೆಯಡಿಯಲ್ಲಿ, ಹೂಡಿಕೆದಾರರು ಮಾಸಿಕ ನಿಗದಿತ ಮೊತ್ತವನ್ನು ಗಳಿಸುವ ಅವಕಾಶವನ್ನು ಪಡೆಯುತ್ತಾರೆ.

ಈ ಯೋಜನೆಯಲ್ಲಿ, ನೀವು ಏಕ ಅಥವಾ ಜಂಟಿ ಖಾತೆಯಲ್ಲಿ ಒಂದು ದೊಡ್ಡ ಮೊತ್ತವನ್ನು ಠೇವಣಿ ಮಾಡಬೇಕು. ಇದರ ನಂತರ, ಈ ಮೊತ್ತದ ಪ್ರಕಾರ, ಪ್ರತಿ ತಿಂಗಳು ನಿಮ್ಮ ಖಾತೆಗೆ ಹಣ ಬರುತ್ತದೆ.

ಇಲ್ಲಿ ನೀವು ಒಂದೇ ಖಾತೆಯಲ್ಲಿ ಗರಿಷ್ಠ 5 ಲಕ್ಷ ರೂಪಾಯಿಗಳನ್ನು ಠೇವಣಿ ಮಾಡಬಹುದು, ಆದರೆ ಜಂಟಿ ಖಾತೆ ಇದ್ದರೆ, ಗರಿಷ್ಠ 9 ಲಕ್ಷದವರೆಗೆ ಠೇವಣಿ ಮಾಡಬಹುದು.

ಈ ಯೋಜನೆಯಲ್ಲಿ ಮೆಚ್ಯೂರಿಟಿ ಅವಧಿ 5 ವರ್ಷಗಳು.

ಈ ಯೋಜನೆಯಡಿಯಲ್ಲಿ, 6.6 ಪ್ರತಿಶತ ವಾರ್ಷಿಕ ಬಡ್ಡಿ ದರವನ್ನು ನೀಡಲಾಗುತ್ತಿದೆ.