BREAKING: ದೇಶದ ಜನತೆಗೆ ಶಾಕಿಂಗ್ ನ್ಯೂಸ್: 16 ದಿನದಲ್ಲಿ 14 ಬಾರಿ ತೈಲ ದರ ಪರಿಷ್ಕರಣೆ; ಲೀ.ಗೆ 10 ರೂ. ಹೆಚ್ಚಳ

ನವದೆಹಲಿ: ಪೆಟ್ರೋಲ್ ಮತ್ತು ಡೀಸೆಲ್ ಬೆಲೆ ಇಂದು ಕೂಡ ಏರಿಕೆಯಾಗಿದೆ. ದೆಹಲಿಯಲ್ಲಿ ಲೀಟರ್ ಪೆಟ್ರೋಲ್ ಮತ್ತು ಡೀಸೆಲ್ ಬೆಲೆಯನ್ನು 80 ಪೈಸೆ ಏರಿಕೆ ಮಾಡಲಾಗಿದೆ. ದರ ಪರಿಷ್ಕರಣೆ ನಂತರ ಪೆಟ್ರೋಲ್ 105.41 ರೂ., ಡೀಸೆಲ್  96.67 ರೂ. ಇದೆ.

ಮುಂಬೈನಲ್ಲಿ ಪೆಟ್ರೋಲ್ 84, ಡೀಸೆಲ್ 85 ಪೈಸೆ ಏರಿಕೆ ಮಾಡಲಾಗಿದ್ದು, ಪೆಟ್ರೋಲ್ ದರ 120.51 ರೂ., ಡೀಸೆಲ್ ದರ 104.77 ರೂ. ಆಗಿದೆ.

ಚೆನ್ನೈನಲ್ಲಿ ಪೆಟ್ರೋಲ್ 84 ಪೈಸೆ, ಡೀಸೆಲ್ 85 ಏರಿಕೆ ಮಾಡಲಾಗಿದ್ದು, ಕ್ರಮವಾಗಿ 110.95 ರೂ.ಮತ್ತು 101.04 ರೂ. ಇದೆ.

ಕೊಲ್ಕೊತ್ತಾದಲ್ಲಿ ಪೆಟ್ರೋಲ್ 84 ಪೈಸೆ, ಡೀಸೆಲ್ 81 ಪೈಸೆ ಏರಿಕೆಯಾಗಿದ್ದು, ಲೀಟರ್ ಪೆಟ್ರೋಲ್ ಗೆ 115.12 ರೂ., ಡೀಸೆಲ್ 99.83 ರೂ. ಆಗಿದೆ.