BIG NEWS: 52 ವರ್ಷಗಳ ಸಂಸತ್​ ಕ್ಯಾಂಟೀನ್​​ ಸೇವೆಗೆ ರೈಲ್ವೇಯಿಂದ ವಿದಾಯ

ಸತತ 52 ವರ್ಷಗಳಿಂದ ಸಂಸದರಿಗೆ ಊಟ ಬಡಿಸಿದ್ದ ಭಾರತೀಯ ರೈಲ್ವೆ ಮುಂದಿನ ತಿಂಗಳಿನಿಂದ ತನ್ನ ಕಾರ್ಯ ಸ್ಥಗಿತಗೊಳಿಸಲಿದೆ. ಹೊಸ ಏಜನ್ಸಿಗಳಿಗೆ ದಾರಿ ಮಾಡಿಕೊಟ್ಟು ಅಡುಗೆ ಮನೆ ಹಾಗೂ ಕ್ಯಾಂಟೀನ್​​ನಿಂದ ಹೊರಬರಲಿದೆ.

1968ರಿಂದ ಸಂಸತ್​ ಭವನದ ಎಲ್ಲ ಅಧಿಕಾರಿಗಳು, ಸಂಸದರ ಭೋಜನ ವ್ಯವಸ್ಥೆಯನ್ನ ಉತ್ತರ ರೈಲ್ವೆ ನೋಡಿಕೊಳ್ತಿತ್ತು. ಆದರೆ ಇದೀಗ ತನ್ನ 52 ವರ್ಷದ ಸೇವೆಯನ್ನ ನಿಲ್ಲಿಸಲಿರುವ ಉತ್ತರ ರೈಲ್ವೆ ನವೆಂಬರ್​ 15ರಿಂದ ತನ್ನ ಕೆಲಸವನ್ನ ಬಂದ್​ ಮಾಡಲಿದೆ.

ಇನ್ನು ನವೆಂಬರ್​ 15ರಿಂದ ಸಂಸತ್​ನ ಕ್ಯಾಂಟೀನ್​ ಸೇವೆಯ ಜವಾಬ್ದಾರಿಯನ್ನಪ್ರವಾಸ ಅಭಿವೃದ್ಧಿ ನಿಗಮ (ಐಟಿಡಿಸಿ ) ನಿರ್ವಹಿಸಲಿದೆ. ಪ್ರಸ್ತುತ ಅಶೋಕ್​ ಪಂಚತಾರಾ ಹೋಟೆಲ್​ ಸಮೂಹವನ್ನ ಐಟಿಡಿಸಿ ನಿರ್ವಹಿಸುತ್ತಿದೆ.

ಸಂಸತ್​ ಭವನದಲ್ಲಿ ಕಾರ್ಯ ನಿರ್ವಹಿಸ್ತಾ ಇರುವ ಉತ್ತರ ರೈಲ್ವೆಗೆ ಲೋಕಸಭೆ ಕಾರ್ಯಾಲಯದಿಂದ ನೀಡಲಾಗಿರುವ ಕಂಪ್ಯೂಟರ್​, ಪ್ರಿಂಟರ್​ ಸೇರಿದಂತೆ ಎಲ್ಲ ಪೀಠೋಪಕರಣಗಳನ್ನ ಹಿಂದಿರುಗಿಸುವಂತೆ ಲೋಕಸಭೆ ಕಾರ್ಯದರ್ಶಿಗಳ ಪತ್ರದ ಮೂಲಕ ಸೂಚನೆ ನೀಡಲಾಗಿದೆ.