ಡಿಜಿಟಲ್ ವಹಿವಾಟಿನ ಮತ್ತೊಂದು ಹಂತ, ನೆರೆ ದೇಶದಲ್ಲೂ ಭಾರತದ UPI ಎಂಟ್ರಿ, ಡಿಜಿಟಲ್ ಪಾವತಿ ವೇದಿಕೆ ನಿಯೋಜಿಸಿದ ಮೊದಲ ದೇಶ ನೇಪಾಳ

ನೇಪಾಳವು ಭಾರತದ UPI ವ್ಯವಸ್ಥೆಯನ್ನು ಅಳವಡಿಸಿಕೊಂಡ ಮೊದಲ ದೇಶವಾಗಿದೆ. ಈ ಮಾಹಿತಿಯನ್ನು ನ್ಯಾಷನಲ್ ಪೇಮೆಂಟ್ಸ್ ಕಾರ್ಪೊರೇಷನ್ ಆಫ್ ಇಂಡಿಯಾ(NPCI) ನೀಡಿದೆ.

NPCI ಇಂಟರ್ನ್ಯಾಷನಲ್ ಪೇಮೆಂಟ್ಸ್ ಲಿಮಿಟೆಡ್(NIPL), NPCI ಯ ಅಂತರಾಷ್ಟ್ರೀಯ ಅಂಗವಾಗಿದ್ದು, ನೇಪಾಳದಲ್ಲಿ ಸೇವೆಗಳನ್ನು ನೀಡಲು ಗೇಟ್‌ವೇ ಪಾವತಿ ಸೇವೆ(GPS) ಮತ್ತು ಮನಮ್ ಇನ್ಫೋಟೆಕ್‌ನೊಂದಿಗೆ ಕೈಜೋಡಿಸಿದೆ. GPS ನೇಪಾಳದಲ್ಲಿ ಅಧಿಕೃತ ಪಾವತಿ ಸಿಸ್ಟಮ್ ಆಪರೇಟರ್ ಆಗಿದೆ. ಮನಮ್ ಇನ್ಫೋಟೆಕ್ ನೇಪಾಳದಲ್ಲಿ ಯುನಿಫೈಡ್ ಪೇಮೆಂಟ್ಸ್ ಇಂಟರ್ಫೇಸ್ (ಯುಪಿಐ) ಅನ್ನು ಕಾರ್ಯಗತಗೊಳಿಸಲಿದೆ.

NPCI ಪ್ರಕಾರ, ಈ ಒಪ್ಪಂದವು ನೇಪಾಳದ ಜನರಿಗೆ ಅನುಕೂಲವನ್ನು ಹೆಚ್ಚಿಸುತ್ತದೆ ಮತ್ತು ಡಿಜಿಟಲ್ ವಹಿವಾಟುಗಳನ್ನು ಉತ್ತೇಜಿಸುತ್ತದೆ. ನಗದು ವಹಿವಾಟುಗಳ ಡಿಜಿಟಲೀಕರಣವನ್ನು ಉತ್ತೇಜಿಸುವ ಪಾವತಿ ವೇದಿಕೆಯಾಗಿ UPI ಅನ್ನು ಅಳವಡಿಸಿಕೊಂಡ ಭಾರತದ ಹೊರಗಿನ ಮೊದಲ ದೇಶ ನೇಪಾಳವಾಗಿದೆ.

NIPL ಸಿಇಒ ರಿತೇಶ್ ಶುಕ್ಲಾ ಅವರು, ಈ ಕ್ರಮದಿಂದ NIPL ನ ತಾಂತ್ರಿಕ ಸಾಮರ್ಥ್ಯಗಳನ್ನು ಮತ್ತು ಜಾಗತಿಕವಾಗಿ ಅದರ ಸಾಟಿಯಿಲ್ಲದ ಕೊಡುಗೆಗಳನ್ನು ಹೆಚ್ಚಿಸಲು ಸಹಾಯ ಮಾಡುತ್ತದೆ ಎಂದು ನಮಗೆ ವಿಶ್ವಾಸವಿದೆ. ಭಾರತದ GDP ಯ ಸುಮಾರು 31 ಪ್ರತಿಶತಕ್ಕೆ ಸಮಾನವಾದ ಆರ್ಥಿಕ ವಹಿವಾಟುಗಳನ್ನು ಸಕ್ರಿಯಗೊಳಿಸಲಾಗಿದೆ ಎಂದು ಹೇಳಿದ್ದಾರೆ.