ಶೀಘ್ರದಲ್ಲೇ ರಸ್ತೆಗಿಳಿಯಲಿದೆ ಮಹೀಂದ್ರಾ ಕಂಪನಿಯ ಎಲೆಕ್ಟ್ರಿಕ್​ ರಿಕ್ಷಾ

ಮಹೀಂದ್ರ ಎಲೆಕ್ಟ್ರಿಕ್​ ತನ್ನ ಹೊಸ ಎಲೆಕ್ಟ್ರಿಕ್​ ತ್ರಿಚಕ್ರದ ಕಾರ್ಗೋ ಮಾದರಿಯ ಟ್ರೇ ಜೋರ್​ನ್ನ ಆರಂಭಿಕ ಬೆಲೆ 2.73 ಲಕ್ಷ ರೂಪಾಯಿಗೆ ಬಿಡುಗಡೆ ಮಾಡೋದಾಗಿ ಹೇಳಿದೆ. ಡಿಸೆಂಬರ್​ ತಿಂಗಳಿನಿಂದ ದೇಶದ ಆದ್ಯ ಶೋರೂಂಗಳಲ್ಲಿ ಈ ರಿಕ್ಷಾ ಲಭ್ಯವಿರಲಿದೆ.

ಆತ್ಮನಿರ್ಭರ್​ ಭಾರತಕ್ಕೆ ಪುಷ್ಠಿ ನೀಡುವ ಸಲುವಾಗಿ ನಾವು ಈ ವಾಹನ ತಯಾರಿಸಿದ್ದೇವೆ. ಕೈಗೆಟಕುವ ದರದಲ್ಲಿ ಈ ರಿಕ್ಷಾ ಲಭ್ಯವಿರೋದ್ರಿಂದ ಸಾಮಾನ್ಯ ಜನರಿಗೆ ವಾಣಿಜ್ಯ ಉದ್ದೇಶಕ್ಕಾಗಿ ಇದನ್ನ ಖರೀದಿ ಮಾಡೋದು ಸುಲಭವಾಗಲಿದೆ ಅಂತಾ ಮಹೀಂದ್ರಾ & ಮಹೀಂದ್ರಾ ಎಂಡಿ ಹಾಗೂ ಸಿಇಓ ಪವನ್​ ಗೋಯೆಂಕಾ ಹೇಳಿದ್ದಾರೆ.

ಈ ಹೊಸ ತ್ರಿಚಕ್ರ ವಾಹನ ಡಿಸೇಲ್​ ಕಾರ್ಗೋ 3 ಇತರೆ ವಾಹನಗಳಿಗೆ ಹೋಲಿಸಿದ್ರೆ ವಾರ್ಷಿಕವಾಗಿ 60000 ರೂ. ಉಳಿತಾಯ ನೀಡಲಿದೆ. ಅತ್ಯಾಧುನಿಕ ತಂತ್ರಜ್ಞಾನಗಳ ಮೂಲಕ ಈ ವಾಹನವನ್ನ ಅಭಿವೃದ್ಧಿಪಡಿಸಲಾಗಿದೆ. ಲಿಥಿಯಂ ಐಯಾನ್​ ಬ್ಯಾಟರಿ ಹಾಗೂ 55 ಕೆಜಿ ಬೆಸ್ಟ್​ ಇನ್​ ಸೆಗ್ಮೆಂಟ್​ ಪೇಲೋಡ್​​ ಇರಲಿದೆ. ಈ ವಾಹನವನ್ನ 15 ಎಎಂಪಿ ಸಾಕೆಟ್​​ನಲ್ಲಿ ಪ್ಲಗ್​ ಮಾಡುವ ಮೂಲಕ ಚಾರ್ಜ್​ ಮಾಡಬಹುದಾಗಿದೆ.