ಹೊಟ್ಟೆಪಾಡಿಗಾಗಿ ಯುವಕನಿಂದ ನಿತ್ಯ 120 ಕಿ.ಮೀ. ಸೈಕಲ್​ ಸವಾರಿ..!

ಇಮ್ರಾನ್​ ಶೇಖ್​ ಎಂಬ 19 ವರ್ಷದ ಯುವಕ ತನ್ನ ಬೈಸಿಕಲ್​ನಲ್ಲಿ ಪ್ರತಿದಿನ 120 ಕಿಲೋಮೀಟರ್​​ ದೂರ ಕ್ರಮಿಸಿ ಸಿಹಿತಿಂಡಿಗಳನ್ನ ಮಾರಾಟ ಮಾಡುವ ಮೂಲಕ ತನ್ನ ಕುಟುಂಬಕ್ಕೆ ಆಸರೆಯಾಗಿದ್ದಾರೆ.

ಕೊರೊನಾದಿಂದಾಗಿ ಸ್ಥಳೀಯ ರೈಲುಗಳ ಸಂಚಾರಕ್ಕೆ ನಿರ್ಬಂಧ ಹೇರಲಾಗಿದೆ. ಹೀಗಾಗಿ ಈ ಯುವಕ ನಿತ್ಯ ನಾಡಿಯಾ ಜಿಲ್ಲೆಯಿಂದ ಕೋಲ್ಕತ್ತಾ ನಗರಕ್ಕೆ ಸೈಕಲ್​ನಲ್ಲೇ ಪ್ರಯಾಣ ಮಾಡುತ್ತಿದ್ದಾನೆ. 120 ಕಿಲೋಮೀಟರ್​ ದೂರ ಕ್ರಮಿಸಲು ಇಮ್ರಾನ್​ 8 ಗಂಟೆಗಳ ಅವಧಿ ತೆಗೆದುಕೊಳ್ತಾರಂತೆ.

ನಾಡಿಯಾ ಜಿಲ್ಲೆ ಸಿಹಿತಿಂಡಿಗಳಿಗೆ ಹೆಸರುವಾಸಿ. ಲಾಕ್​ ಸಮಯದಲ್ಲಿ ಮನೆಯಲ್ಲೇ ಇದ್ದ ಇಮ್ರಾನ್​ ಲಾಕ್​ಡೌನ್​ ಅವಧಿ ಮುಗಿಯುತ್ತಿದ್ದಂತೆಯೇ ತಮ್ಮವ್ಯವಹಾರಗಳನ್ನ ಪುನಾರಂಭಿಸಿದ್ದಾರಂತೆ. ರೈಲಿನ ವ್ಯವಸ್ಥೆ ಇಲ್ಲದ ಕಾರಣ ಸೈಕಲ್​ ಸವಾರಿ ಮಾಡೋದು ಅನಿವಾರ್ಯವಾಯ್ತು ಅಂತಾರೆ ಯುವಕ ಇಮ್ರಾನ್​ ಶೇಖ್​. ಮುಂಜಾನೆ 3 ಗಂಟೆ ಸುಮಾರಿಗೆ ನಾಡಿಯಾದಿಂದ ಹೊರಡುವ ಇಮ್ರಾನ್​ ಬೆಳಗ್ಗೆ 7 ಗಂಟೆ ಸುಮಾರಿಗೆ ಕೊಲ್ಕತ್ತಾ ತಲುಪುತ್ತಾರಂತೆ.