KBC ಯಲ್ಲಿ ಕೋಟಿ ರೂಪಾಯಿ ಗೆದ್ದ ಮತ್ತೊಬ್ಬ ಸ್ಪರ್ಧಿ

ಕೌನ್​ ಬನೇಗಾ ಕರೋಡ್​ಪತಿ ಸೀಸನ್​ 12ರ 2ನೇ ಕರೋಡ್​ಪತಿಯಾಗಿ ಐಪಿಎಸ್​ ಅಧಿಕಾರಿ ಮೋಹಿತಾ ಶರ್ಮಾ ಆಯ್ಕೆಯಾಗಿದ್ದಾರೆ.

ದೆಹಲಿ ನಾಜಿಯಾ ನಸೀಮ್​ ಕೆಲ ದಿನಗಳ ಹಿಂದಷ್ಟೇ ಈ ಸೀಸನ್​ನಲ್ಲಿ ಭಾಗಿಯಾಗಿ ಕೋಟ್ಯಾಧಿಪತಿಯಾಗಿದ್ದರು. ಇದೀಗ ಸೋನಿ ಎಂಟರ್​ಟೇನ್​ಮೆಂಟ್​ ಸಾಮಾಜಿಕ ಜಾಲತಾಣದಲ್ಲಿ ತನ್ನ 2ನೇ ಕರೋಡ್​ಪತಿ ಯಾರು ಅನ್ನೋದನ್ನ ಬಹಿರಂಗ ಮಾಡಿದೆ. ಈ ಎಪಿಸೋಡ್​ ನವೆಂಬರ್​ 17ರ ರಾತ್ರಿ 9 ಗಂಟೆಗೆ ಪ್ರಸಾರವಾಗಲಿದೆ.

ಎಪಿಸೋಡ್​ ಆರಂಭದಿಂದಲೂ ಅಮಿತಾಬ್​ ಬಚ್ಚನ್​ ಕೇಳಿದ ಎಲ್ಲಾ ಪ್ರಶ್ನೆಗಳಿಗೆ ಮೋಹಿತಾ ಶರ್ಮಾ ಬಹಳ ಆರಾಮಾಗಿ ಉತ್ತರ ನೀಡುವ ಮೂಲಕ 1 ಕೋಟಿ ರೂಪಾಯಿಗಳನ್ನ ತಮ್ಮದಾಗಿಸಿಕೊಂಡಿದ್ದಾರೆ.

1 ಕೋಟಿ ರೂಪಾಯಿ ಗೆದ್ದ ಮೋಹಿತಾರಿಗೆ ಬಿಗ್​ ಬಿ 7 ಕೋಟಿ ರೂಪಾಯಿ ಮೌಲ್ಯದ ಜಾಕ್​ಪಾಟ್​ ಪ್ರಶ್ನೆ ಕೇಳಿದ್ದು ಇದಕ್ಕೆ ಮೋಹಿತಾ ಸರಿಯಾದ ಉತ್ತರ ನೀಡ್ತಾರಾ ಇಲ್ಲವಾ ಅನ್ನೋದು ನವೆಂಬರ್​ 17ರಂದು ತಿಳಿಯಲಿದೆ.