ರಿಲಾಯನ್ಸ್ ಜಿಯೋ ಶೀಘ್ರದಲ್ಲಿಯೇ ಗ್ರಾಹಕರಿಗೆ ಮತ್ತೆರಡು ಖುಷಿ ಸುದ್ದಿ ನೀಡಲಿದೆ. ಜಿಯೋ, 5ಜಿ ಸ್ಮಾರ್ಟ್ಫೋನ್ ಹಾಗೂ ಜಿಯೋಬುಕ್ ಬಿಡುಗಡೆ ಮಾಡುವ ಸಿದ್ಧತೆಯಲ್ಲಿದೆ. ಈ ವರ್ಷದ ವಾರ್ಷಿಕ ಸಭೆಯಲ್ಲಿ ಜಿಯೋ ಇದ್ರ ಬಗ್ಗೆ ಅಧಿಕೃತ ಘೋಷಣೆ ಮಾಡಲಿದೆ.
ಜಿಯೋ, ಗೂಗಲ್ ಜೊತೆ ಸೇರಿ ಜಿಯೋ 5ಜಿ ಸ್ಮಾರ್ಟ್ಫೋನ್ ಬಿಡುಗಡೆ ಮಾಡಲಿದೆ. ಇದಕ್ಕೆ JioOS ಅಥವಾ Android Go ಆಪರೇಟಿಂಗ್ ಸಿಸ್ಟಮ್ ನೀಡುವ ಸಾಧ್ಯತೆಯಿದೆ. ಇದು ಎಂಟ್ರಿ ಲೇವಲ್ ವೈಶಿಷ್ಟ್ಯಗಳೊಂದಿಗೆ ಮಾರುಕಟ್ಟೆಗೆ ಬರುವ ಸಾಧ್ಯತೆಯಿದೆ. ಜಿಯೋ 5ಜಿ ಸ್ಮಾರ್ಟ್ಫೋನ್ ಬಿಡುಗಡೆ ಮಾಡ್ತಿದ್ದಂತೆ ಉಳಿದ ಕಂಪನಿಗಳು ಕೂಡ 5ಜಿ ಸ್ಮಾರ್ಟ್ಫೋನ್ ಮಾರುಕಟ್ಟೆಗೆ ತರುವ ಸಾಧ್ಯತೆಯಿದೆ.
ಜಿಯೋದ ಲ್ಯಾಪ್ ಟಾಪ್ ಬಗ್ಗೆ ಹೆಚ್ಚಿನ ಮಾಹಿತಿ ಲಭ್ಯವಾಗಿಲ್ಲ. ಲ್ಯಾಪ್ ಟಾಪ್ ತಯಾರಿಸಲು ರಿಲಯನ್ಸ್ ಜಿಯೋ ಚೀನಾದ ಉತ್ಪಾದನಾ ಕಂಪನಿ ಬ್ಲೂ ಬ್ಯಾಂಕ್ ಕಂಪನಿ ಜೊತೆ ಒಪ್ಪಂದ ಮಾಡಿಕೊಂಡಿದೆ ಎನ್ನಲಾಗ್ತಿದೆ. ಇದಕ್ಕೆ ಜಿಯೋ ಬುಕ್ ಎಂದು ಕರೆಯಲಾಗ್ತಿದೆ. 4 ಜಿ, ಎಲ್ ಟಿ ಇ ಸಂಪರ್ಕವನ್ನು ಸಹ ಇದರಲ್ಲಿ ನೀಡಲಾಗ್ತಿದೆ. ಇದು ಅಗ್ಗದ ಲ್ಯಾಪ್ ಟಾಪ್ ಆಗಿರಲಿದೆ.
Loading ...