ಉಗಾಂಡಾದಲ್ಲಿ ಅರಳಿ ನಿಂತ ಭಾರತದ ಸೂರ್ಯಕಾಂತಿ

ಬೆಂಗಳೂರು ಕೃಷಿ ವಿಜ್ಞಾನ ವಿಶ್ವವಿದ್ಯಾಲಯದ ಸಂಶೋಧನೆಯ ಫಲವಾಗಿ ಉಗಾಂಡಾದಲ್ಲಿ ಭಾರತೀಯ ತಳಿ ಸೂರ್ಯಕಾಂತಿ ಬೆಳೆಯಲು ಆರಂಭಿಸಿದೆ. ಪೂರ್ವ ಆಫ್ರಿಕದ ರಾಷ್ಟ್ರಗಳಲ್ಲಿ ಸೂರ್ಯಕಾಂತಿ ಸಸ್ಯಗಳು ಬೆಳೆಯಬಹುದಾದ ರೀತಿಯಲ್ಲಿ ಹೈಬ್ರಿಡ್​ ಬೀಜವನ್ನ ಉತ್ಪಾದಿಸಿದ ಕೀರ್ತಿ ಈ ವಿವಿಗೆ ಸಲ್ಲುತ್ತದೆ.

ಈ ವಿಚಾರವಾಗಿ ಮಾತನಾಡಿದ ಸಂಶೋಧನಾ ನಿರ್ದೇಶಕ ವೈ.ಜಿ. ಷಡಕ್ಷರಿ, ಸೂರ್ಯಕಾಂತಿಯ ಕೆಬಿಎಸ್​ಹೆಚ್​ 41 ತಳಿ ಆಫ್ರಿಕಾದಲ್ಲಿ ಈಗಾಗಲೇ ಜನಪ್ರಿಯವಾಗಿದೆ. ಇದೀಗ ಉಗಾಂಡಾಕ್ಕೆ ಕೆಬಿಎಸ್​ಹೆಚ್​ 53 ತಳಿ ಕಳುಹಿಸಲಾಗಿದ್ದು ಅದೂ ಸಹ ಉತ್ತಮ ಫಸಲನ್ನ ನೀಡೋಕೆ ಆರಂಭಸಿದೆ ಅಂತಾ ಹೇಳಿದ್ರು.

ಉಗಾಂಡಾ ರಾಷ್ಟ್ರ ಭಾರತದ ಸೂರ್ಯಕಾಂತಿ ಬೆಳೆಯುವ ಉದ್ಯಮದ ಮೇಲೆ ಆಸಕ್ತಿ ತೋರಿಸಿತ್ತು. ಹೀಗಾಗಿ ಎರಡೂ ರಾಷ್ಟ್ರಗಳ ನಡುವೆ ಈ ಸಂಬಂಧ ಒಪ್ಪಂದ ಕೂಡ ನಡೆದಿತ್ತು. ಒಪ್ಪಂದದ ಭಾಗವಾಗಿ ಭಾರತ ಉಗಾಂಡಾಗೆ 2 ಬಗೆಯ ಹೈಬ್ರಿಡ್​ ಬೀಜಗಳನ್ನ ಕಳುಹಿಸಿಕೊಟ್ಟಿತ್ತು. ಇದೀಗ ಫಸಲು ಬರಲು ಆರಂಭವಾಗಿದ್ದು, ಫಸಲು ಪರೀಕ್ಷೆ ಬಳಿಕ ಈ ಬೀಜಗಳು ಬೇಸಾಯಕ್ಕೆ ಬಳಕೆಯಾಗಲಿವೆ ಅಂತಾ ಷಡಕ್ಷರಿ ಮಾಹಿತಿ ನೀಡಿದ್ದಾರೆ.