ರೈತರಿಗೆ ಸೂಪರ್ ಸುದ್ದಿ: ಯೂರಿಯಾ ಗೊಬ್ಬರ ಚೀಲದ ಬದಲಿಗೆ ಬಾಟಲಿ – ಅರ್ಧ ಲೀಟರ್ ಗೆ 244 ರೂ.

ನ್ಯಾನೋ ಯೂರಿಯಾ ಗೊಬ್ಬರ ಮಾರುಕಟ್ಟೆಗೆ ಬರಲಿದೆ. ಇನ್ನು ಮುಂದೆ ರೈತರು ರಸಗೊಬ್ಬರಕ್ಕಾಗಿ ಹೆಚ್ಚು ಹಣ ಖರ್ಚು ಮಾಡಬೇಕಿಲ್ಲ. ಗೊಬ್ಬರದ ಚೀಲ ಹೊರಬೇಕಿಲ್ಲ. ದ್ರವರೂಪದ ಯೂರಿಯಾ ಗೊಬ್ಬರ ಮಾರುಕಟ್ಟೆಗೆ ಬರಲಿದೆ.

ಅರ್ಧ ಲೀಟರ್ ಬಾಟಲಿಗೆ 244 ರೂಪಾಯಿ ದರ ಇದೆ. ಇಫ್ಕೋ 1 ಮೂಟೆ ಯೂರಿಯಾಗೆ ಸಮನಾದ ಅರ್ಧ ಬಾಟಲಿ ದ್ರವರೂಪದ ಯೂರಿಯಾವನ್ನು ಏಪ್ರಿಲ್ ನಲ್ಲಿ ಮಾರುಕಟ್ಟೆಗೆ ಬಿಡುಗಡೆ ಮಾಡಲಿದೆ. ನೀರಿನೊಂದಿಗೆ ಬೆರೆಸಿ ಬೆಳೆಗೆ ಸಿಂಪಡಿಸಬೇಕು. 1 ಎಕರೆ ಜೋಳಕ್ಕೆ ಅರ್ಧ ಲೀಟರ್, ಭತ್ತಕ್ಕೆ 2.5 ಲೀಟರ್ ಯೂರಿಯಾ ಗೊಬ್ಬರ ಸಾಕು.

ಅರ್ಧ ಲೀಟರ್ ನ ಒಂದು ಬಾಟಲಿ ದ್ರವರೂಪದ ಯೂರಿಯಾ ಒಂದು ಚೀಲ ಯೂರಿಯಾ ಗೊಬ್ಬರದಷ್ಟೇ ಸಮನಾಗಿ ಟಾನಿಕ್ ರೀತಿಯಲ್ಲಿ ಕೆಲಸ ಮಾಡುತ್ತದೆ ಎಂದು ಹೇಳಲಾಗಿದೆ.