ಪಿಎಫ್ ಎಂದೇ ಹೆಚ್ಚು ಖ್ಯಾತಿ ಪಡೆದಿರುವ ಎಪ್ಲಾಂಯಿ ಪ್ರಾವಿಡೆಂಟ್ ಫಂಡ್ ಸರ್ಕಾರದಿಂದ ನೌಕರರಿಗಾಗಿ ನೀಡಲಾಗಿರುವ ವಿಶೇಷ ಸೌಲಭ್ಯಗಳಲ್ಲಿ ಒಂದಾಗಿದೆ. ನಮ್ಮದೇ ಸಂಬಳದ ಸ್ವಲ್ಪವೇ ಹಣವನ್ನ ಕೂಡಿಡುವ ಮೂಲಕ ನಿವೃತ್ತಿ ಹಂತದಲ್ಲಿ ಇಲ್ಲವೇ ಅವಶ್ಯಕತೆ ಇದ್ದಾಗಿ ದೊಡ್ಡ ಮೊತ್ತದ ಹಣವನ್ನ ನೌಕರರಿಗಾಗಿ ನೀಡುವ ಸಲುವಾಗಿ ಈ ಭವಿಷ್ಯ ನಿಧಿಯನ್ನ ಸರ್ಕಾರ ನೀಡಿದೆ.
ಇನ್ನು ನಿಮ್ಮ ಭವಿಷ್ಯ ನಿಧಿಯ ಬಗ್ಗೆ ಮಾಹಿತಿಯನ್ನ ಪಡೆಯುವ ಸಲುವಾಗಿ ಸರ್ಕಾರ ಉಮಂಗ್ ಎಂಬ ಮೊಬೈಲ್ ಅಪ್ಲಿಕೇಶನ್ನ್ನು ಪರಿಚಯಿಸಿದೆ. ಈ ಅಪ್ಲಿಕೇಶನ್ನಲ್ಲಿ ಲಾಗಿನ್ ಆಗುವ ಮೂಲಕ ನೀವು ನಿಮ್ಮ ಇಪಿಎಫ್ ಖಾತೆಯ ಸಂಪೂರ್ಣ ವಿವರವನ್ನ ಪಡೆಯಬಹುದು.
ಹಾಗಾದ್ರೆ ಈ ಉಮಂಗ್ ಅಪ್ಲಿಕೇಶನ್ ಬಳಕೆ ಹೇಗೆ ಅನ್ನೋದನ್ನ ನೋಡೋದಾದ್ರೆ
ಮೊದಲು ಗೂಗಲ್ ಪ್ಲೇ ಸ್ಟೋರ್ನಿಂದ ಉಮಂಗ್ ಅಪ್ಲಿಕೇಶನ್ ಡೌನ್ಲೋಡ್ ಮಾಡಿ. ಬಳಿಕ ಈ ಅಪ್ಲಿಕೇಶನ್ನಲ್ಲಿ ಇಪಿಎಫ್ಓ ಎಂಬ ಆಯ್ಕೆ ಮೇಲೆ ಕ್ಲಿಕ್ ಮಾಡಿದೆ. ಇದರಲ್ಲಿ ಎಂಪ್ಲಾಯಿ ಸೆಂಟ್ರಿಕ್ ಸರ್ವಿಸ್ ಎಂಬ ಆಯ್ಕೆಯನ್ನ ಒತ್ತಿ. ಬಳಿಕ ವೀವ್ ಪಾಸ್ಬುಕ್ ಎಂಬ ಆಯ್ಕೆಯಲ್ಲಿ ನೀವು ಇಪಿಎಫ್ ಬ್ಯಾಲೆನ್ಸ್ ಪರಿಶೀಲನೆ ಮಾಡಬಹುದಾಗಿದೆ.
ನಿಮ್ಮ ಬ್ಯಾಲೆನ್ಸ್ ಚೆಕ್ ಮಾಡಲು ನೀವು ಮೊದಲು ನಿಮ್ಮ ಯುಎಎನ್ ನಂಬರ್ ನ್ನು ನಮೂದಿಸಬೇಕು. ಬಳಿಕ ನಿಮ್ಮ ನೋಂದಾಯಿತ ಮೊಬೈಲ್ ನಂಬರ್ಗೆ ಒಟಿಪಿ ಬರಲಿದೆ. ಈ ಒಟಿಪಿಯನ್ನು ನಮೂದು ಮಾಡಿದ ಬಳಿಕ ಲಾಗಿನ್ ಆಯ್ಕೆಯನ್ನು ಒತ್ತಿರಿ. ಕಂಪನಿ ಮೆಂಬರ್ ಐಡಿ ಮೇಲೆ ಕ್ಲಿಕ್ ಮಾಡಿದ ಬಳಿಕ ನಿಮ್ಮ ಬ್ಯಾಲೆನ್ಸ್ ಪರದೆ ಮೇಲೆ ಕಾಣಿಸಲಿದೆ.
Loading ...