ಆಗಸ್ಟ್ ತಿಂಗಳ ಆರಂಭದಲ್ಲಿ ಹ್ಯಾನೋಯಿಯನ್ನು ವಿಯೆಟ್ನಾಂ ಬಂದರು ನಗರವಾದ ಹೈಫಾಂಗ್ಗೆ ಸಂಪರ್ಕ ಕಲ್ಪಿಸುವ ಹೆದ್ದಾರಿಯಲ್ಲಿರುವ ಟೋಯೋಟೋ ಕಾರ್ಖಾನೆಯಲ್ಲಿ ಓರ್ವ ಕಾರ್ಮಿಕ ಕೋವಿಡ್ 19 ಸೋಂಕಿಗೆ ಒಳಗಾಗಿದ್ದರು. ಈ ಸಮಯದಲ್ಲಿ ಆಗ್ನೇಯ ಏಷ್ಯಾ ರಾಷ್ಟ್ರಗಳಲ್ಲಿ ಡೆಲ್ಟಾ ರೂಪಾಂತರಿಯು ವೇಗವಾಗಿ ಹಬ್ಬುತ್ತಿತ್ತು. ಹೀಗಾಗಿ ಕಾರ್ಖಾನೆ ಕೆಲಸವನ್ನು ಆಗಸ್ಟ್ 4ರಂದು ಸ್ಥಗಿತಗೊಳಿಸಲಾಯ್ತು.
ಟೋಯೋಟಾ ಮೋಟಾರ್ಸ್ನ ಚೀಫ್ ಪರ್ಚೆಸಿಂಗ್ ಗ್ರೂಪ್ ಆಫೀಸರ್ ಕಝುನಾರಿ ಕುಮಕುರಾ ಈ ಎಲ್ಲಾ ಘಟನೆಗಳನ್ನು ಸೂಕ್ಷ್ಮವಾಗಿ ಅವಲೋಕಿಸುತ್ತಿದ್ದರು. ಕಾರ್ಖಾನೆಯನ್ನು ಸ್ಥಗಿತಗೊಳಿಸಿದ್ದರಿಂದ ಕಾರು ತಯಾರು ಮಾಡುವುದಕ್ಕೆ ತುಂಬಾನೇ ಅಡಚಣೆ ಉಂಟಾಗಿತ್ತು. ಅನೇಕ ಬಿಡಿಭಾಗಗಳನ್ನು ಹೊಂದಿಸುವುದು ಕಂಪನಿಗೆ ಅಸಾಧ್ಯವಾಗಿ ಹೋಗಿತ್ತು.
ವಿಯೆಟ್ನಾಂನಿಂದ ವೈರ್ಗಳು ಹಾಗೂ ಮಲೇಷಿಯಾದಿಂದ ಚಿಪ್ಗಳು ಸೇರಿದಂತೆ ಹಲವಾರು ಬಿಡಿಭಾಗಗಳಿಗೆ ಕೊರತೆ ಕಂಡುಬಂದಿತ್ತು. ಕೇವಲ ಒಂದೇ ಒಂದು ಕೊರೊನಾ ಕೇಸ್ನಿಂದ ಆರಂಭವಾದ ಈ ಅಡಚಣೆಯು ವಿಶ್ವದ ನಂ.1 ವಾಹನ ತಯಾರಕ ಕಂಪನಿಗೆ ಭಾರೀ ದೊಡ್ಡ ಹೊಡೆತವನ್ನೇ ನೀಡಿತ್ತು.
ಈ ಹಿಂದಿನ ಕಾರು ಉತ್ಪಾದನೆ ಯೋಜನೆಗಳಿಗೆ ಹೋಲಿಕೆ ಮಾಡಿದರೆ ಟೋಯೋಟಾ ಕಂಪನಿಯು ಸೆಪ್ಟೆಂಬರ್ ತಿಂಗಳಲ್ಲಿ ಕಾರು ಉತ್ಪಾದನೆಯಲ್ಲಿ 40 ಪ್ರತಿಶತ ಕುಸಿತ ಕಾಣುವುದರ ಮೂಲಕ ಆಟೋಮೊಬೈಲ್ ಕ್ಷೇತ್ರವೇ ಆಶ್ಚರ್ಯ ಪಡುವಂತೆ ಮಾಡಿತ್ತು.
Loading ...