ಹಾಂ​ಕಾಂಗ್​ನಲ್ಲಿ ಏರ್​ ಇಂಡಿಯಾ ವಿಮಾನಕ್ಕೆ ನಿಷೇಧ

ಪ್ರಯಾಣಿಕರಲ್ಲಿ ಕೊರೊನಾ ಸೋಂಕು ಕಂಡುಬಂದ ಹಿನ್ನೆಲೆ ಹಾಂಕಾಂಗ್​ ನವೆಂಬರ್​ 10ರವರೆಗೆ ಮುಂಬೈನಿಂದ ಏರ್​ ಇಂಡಿಯಾ ವಿಮಾನಗಳನ್ನ ಆಗಮನವನ್ನ ನಿಷೇಧಿಸಿದೆ. ಈ ರೀತಿ ಕೊರೊನಾ ಕಾರಣದಿಂದಾಗಿ ನಾಲ್ಕನೇ ಬಾರಿಗೆ ಭಾರತದಿಂದ ಏರ್​ ಇಂಡಿಯಾ ವಿಮಾನಗಳ ಆಗಮನಕ್ಕೆ ಹಾಂಕಾಂಗ್​ ಸರ್ಕಾರ ನಿಷೇಧ ಹೇರಿದೆ.

ಈ ಹಿಂದೆ ಸೆಪ್ಟೆಂಬರ್​ 20ರಿಂದ ಅಕ್ಟೋಬರ್​ 3, ಆಗಸ್ಟ್ 18-ಆಗಸ್ಟ್ 31 ಹಾಗೂ ಅಕ್ಟೋಬರ್​​ 13-ಅಕ್ಟೋಬರ್​​ 30ರವರೆಗೆ ನಿಷೇಧ ಹೇರಲಾಗಿತ್ತು.

ಪ್ರಯಾಣ ನಡೆಸಿದ 72 ಗಂಟೆಯ ಒಳಗೆ ಪ್ರಯಾಣಿಕ ಕೊರೊನಾ ನೆಗೆಟಿವ್​ ಪ್ರಮಾಣ ಪತ್ರ ಪಡೆಯಲು ಯಶಸ್ವಿಯಾದರೆ ಆಗ ಮಾತ್ರ ಭಾರತದ ಪ್ರಯಾಣಿಕ ಹಾಂ​ಕಾಂಗ್​ ಒಳಕ್ಕೆ ಬರಲು ಅರ್ಹರು ಅಂತಾ ಜುಲೈನಲ್ಲಿ ಹಾಂ​ಕಾಂಗ್​ ಸರ್ಕಾರ ಆದೇಶ ಹೊರಡಿಸಿತ್ತು. ಅಲ್ಲದೇ ಅಂತಾರಾಷ್ಟ್ರೀಯ ಪ್ರಯಾಣ ಕೈಗೊಂಡ ಪ್ರತಿಯೊಬ್ಬ ಪ್ರಯಾಣಿಕನಿಗೂ ಕೊರೊನಾ ಪರೀಕ್ಷೆ ಕಡ್ಡಾಯಗೊಳಿಸಲಾಗಿತ್ತು.