PPF​ ಖಾತೆದಾರರಿಗೆ ಇಲ್ಲಿದೆ ಬಹು ಮುಖ್ಯ ಮಾಹಿತಿ

15 ವರ್ಷಗಳ ಹೂಡಿಕೆ ಯೋಜನೆಯಾದ ಪಿಪಿಎಫ್​​ ಬಗ್ಗೆ ಸಾಮಾನ್ಯವಾಗಿ ಎಲ್ಲರಿಗೂ ಮಾಹಿತಿ ಇರುತ್ತೆ. ತೆರಿಗೆ ವಿನಾಯಿತಿ ಪಡೆಯಲು ಪಿಪಿಎಫ್​​ನಲ್ಲಿ ಠೇವಣಿ ಹೂಡುವ ಗ್ರಾಹಕರು ಬಡ್ಡಿ ಸಂಪಾದನೆ, ಮೊತ್ತ ವಾಪಸ್ಸಾತಿ ಸೇರಿದಂತೆ ಅನೇಕ ಪ್ರಯೋಜನಗಳನ್ನ ಪಡೆಯುತ್ತಾರೆ. ‌

ಪಿಪಿಎಫ್​ 15 ವರ್ಷಗಳ ಹೂಡಿಕೆ ಯೋಜನೆಯಾಗಿದ್ದರೂ ಸಹ ನೀವು 20, 25 ಹಾಗೂ 30 ವರ್ಷಗಳ ಅವಧಿಗೆ ಈ ಯೋಜನೆಯನ್ನ ವಿಸ್ತರಣೆ ಮಾಡಬಹುದಾಗಿದೆ.

ಯಾವುದೇ ಹಣಕಾಸು ವರ್ಷದಲ್ಲಿ ನೀವು ಕನಿಷ್ಟ 500 ರೂಪಾಯಿ ಹಣವನ್ನ ನಿಮ್ಮ ಪಿಪಿಎಫ್​ ಖಾತೆಯಲ್ಲಿ ಠೇವಣಿ ಇಡದೇ ಹೋದಲ್ಲಿ ನಿಮ್ಮ ಪಿಪಿಎಫ್​ ಖಾತೆ ಸ್ಥಗಿತಗೊಳ್ಳುತ್ತೆ. ಸ್ಥಗಿತಗೊಂಡ ಪಿಪಿಎಫ್​ ಖಾತೆಯಲ್ಲಿ ಸಾಲ ಸೌಲಭ್ಯವಾಗಲಿ ಅಥವಾ ಇನ್ಯಾವುದೇ ಸೌಲಭ್ಯಗಳು ಸಿಗೋದಿಲ್ಲ. ಆದರೆ ಸ್ಥಗಿತಗೊಂಡ ಖಾತೆಯನ್ನ ನೀವು ಬಹಳ ಸುಲಭವಾಗಿ ಮರುಬಳಕೆ ಮಾಡಬಹುದಾಗಿದೆ.

1968ರಲ್ಲಿ ರಾಷ್ಟ್ರೀಯ ಉಳಿತಾ ಸಂಸ್ಥೆ ಪರಿಚಯಿಸಿದ ಪಿಪಿಎಫ್​ ಯೋಜನೆ ಸಣ್ಣ ಉಳಿತಾಯದ ಮೊತ್ತವನ್ನ ಠೇವಣಿ ಇಡುವ ಮೂಲಕ ಗ್ರಾಹಕರಿಗೆ ಲಾಭದಾಯಕ ಮೊತ್ತ ನೀಡುವ ಗುರಿಯನ್ನ ಹೊಂದಿದೆ.

ಪ್ರಸ್ತುತ ಪಿಪಿಎಫ್​ ಖಾತೆಯಲ್ಲಿ ಪ್ರತಿವರ್ಷ ಕನಿಷ್ಟ 500 ರೂಪಾಯಿ ಹಾಗೂ ಗರಿಷ್ಠ 1.5 ಲಕ್ಷ ರೂಪಾಯಿ ವಹಿವಾಟನ್ನ ನಡೆಸಬಹುದಾಗಿದೆ. ನೀವೇನಾದರೂ ನಿಮ್ಮ ಪಿಪಿಎಫ್​ ಖಾತೆಯಲ್ಲಿ 1.5 ಲಕ್ಷ ರೂಪಾಯಿಗಿಂತ ಹೆಚ್ಚು ಹಣವನ್ನ ಠೇವಣಿ ಇಟ್ಟರೆ, ನಿಮಗೆ ಹೆಚ್ಚುವರಿ ಬಡ್ಡಿ ಸಿಗೋದಿಲ್ಲ. ಅಥವಾ ತೆರಿಗೆ ಕಾಯ್ದೆಯಡಿಯಲ್ಲಿ ರಿಯಾಯಿತಿಯೂ ಸಿಗೋದಿಲ್ಲ.