‘ಕೊರೊನಾ’ ಸಂಕಷ್ಟ ಹಿನ್ನೆಲೆ: ಭಾರತಕ್ಕೆ ಭಾರೀ ಮೊತ್ತದ ದೇಣಿಗೆ ನೀಡಿದ ಗೂಗಲ್​

ದೇಶದಾದ್ಯಂತ ಕೊರೊನಾ ಭೀಕರತೆ ಮುಂದುವರಿದಿದ್ದು ಎಲ್ಲೆಡೆ ಆಸ್ಪತ್ರೆಗಳಲ್ಲಿ ಬೆಡ್​ ಕೊರತೆ, ವೆಂಟಿಲೇಟರ್​ ಅಭಾವ, ಆಕ್ಸಿಜನ್​ ಕೊರತೆ ಹೀಗೆ ನಾನಾ ಸಮಸ್ಯೆಗಳು ಎದುರಾಗ್ತಿದೆ. ಈ ನಡುವೆ ಅಮೆರಿಕದಲ್ಲಿ ಕೇಂದ್ರ ಕಚೇರಿಯನ್ನ ಹೊಂದಿರುವ ಟೆಕ್​ ದೈತ್ಯ ಗೂಗಲ್​ ಸಂಸ್ಥೆ ಭಾರತಕ್ಕೆ 135 ಕೋಟಿ ರೂಪಾಯಿ ಹಣವನ್ನ ಬಿಡುಗಡೆ ಮಾಡಿದೆ.

ಕೊರೊನಾದಿಂದ ಭಾರೀ ಸಂಕಷ್ಟ ಎದುರಿಸುತ್ತಿರುವ ಕುಟುಂಬಗಳಿಗೆ ದೈನಂದಿನ ಖರ್ಚುಗಳಿಗೆ ಸಹಾಯ ಮಾಡಲು ಹಾಗೂ ಆಮ್ಲಜನಕ ಪೂರೈಕೆ ಸೇರಿದಂತೆ ವಿವಿಧ ವೈದ್ಯಕೀಯ ಸೌಲಭ್ಯಗಳ ಪೂರೈಕೆಗಾಗಿ ಈ ದೇಣಿಗೆ ಹಣ ಉಪಯೋಗವಾಗಲಿದೆ.

ಇಂದು ನಾವು ಭಾರತಕ್ಕೆ 135 ಕೋಟಿ ರೂಪಾಯಿ ಹಣವನ್ನ ದೇಣಿಗೆ ರೂಪದಲ್ಲಿ ನೀಡುತ್ತಿದ್ದೇವೆ. ಕೊರೊನಾದಿಂದ ಭಾರೀ ಸಂಕಷ್ಟಕ್ಕೆ ಈಡಾಗಿರುವ ಕುಟುಂಬಗಳಿಗೆ ಸಹಾಯ ಮಾಡಲು ಈ ದೇಣಿಗೆ ಹಣವನ್ನ ನೀಡಲು ನಿರ್ಧರಿಸಲಾಗಿದೆ. ಅಲ್ಲದೇ ಯುನೆಸ್ಕೋ ಮೂಲಕ ದೇಶದಲ್ಲಿ ವೈದ್ಯಕೀಯ ಸೌಲಭ್ಯಕ್ಕೂ ದೇಣಿಗೆ ಹಣ ನೀಡಲಿದ್ದೇವೆ ಎಂದು ಸಂಜಯ್​ ಗುಪ್ತಾ ಹೇಳಿದ್ದಾರೆ.

ಕೆಲಸ ಸಿಗದಿದ್ದರೂ ಪರವಾಗಿಲ್ಲ ಸಂದರ್ಶನದಲ್ಲಿ ಭಾಗಿಯಾದ್ರೂ ಸಿಗುತ್ತೆ ಹಣ….!

ಇನ್ನು ಈ ಮೊತ್ತದಲ್ಲಿ ನಮ್ಮ ಕಂಪನಿಯ ಉದ್ಯೋಗಿಗಳ ದೇಣಿಗೆ ಹಣವೂ ಸೇರಿದೆ. ಸರಿ ಸುಮಾರು 900 ಸಿಬ್ಬಂದಿ 3.7 ಕೋಟಿ ರೂಪಾಯಿ ಹಣವನ್ನ ದೇಣಿಗೆ ರೂಪದಲ್ಲಿ ನೀಡಿದ್ದಾರೆ ಎಂದು ಗುಪ್ತಾ ಹೇಳಿದ್ರು.